ನೀವೆಲ್ಲ ಮಶ್ರೂಮ್ ಮಂಚೂರಿ (Banana Manchurian), ಗೋಬಿ ಮಂಚೂರಿ ಎಲ್ಲ ತಿಂದೇ ಇರುತ್ತೀರಿ. ಹಾಗೇ ಬಾಳೆಕಾಯಿ ಮಂಚೂರಿ ಸಹ ಸಖತ್ ಟೇಸ್ಟ್ ಆಗಿರುತ್ತೆ. ಚಳಿಗೆ ಟೀ ಜೊತೆ ಸಕತ್ ಕಾಂಬಿನೇಷನ್! ಇವತ್ತು ಬಾಳೆಕಾಯಿ ಮಂಚೂರಿ ಮಾಡೋದು ಹೇಗೆ ಅಂತ ನೋಡೋಣ ಬನ್ನಿ.
ಬೇಕಾಗುವ ವಸ್ತುಗಳು
ಬಾಳೆಕಾಯಿ,
ಕಾರ್ನ್ಫ್ಲೋರ್/ಅಕ್ಕಿ ಹಿಟ್ಟು
ಈರುಳ್ಳಿ,
ಶುಂಠಿ-ಬೆಳ್ಳುಳ್ಳಿ,
ಸಾಸ್ (ಟೊಮೆಟೊ, ಸೋಯಾ)
ಮಾಡುವ ವಿಧಾನ
ಬಾಳೆಕಾಯಿಯನ್ನು ತೊಳೆದು ಸಿಪ್ಪೆ ತೆಗೆಯದೆ ಹದವಾಗಿ ಬೇಯಿಸಿ (ಅಥವಾ ಕುಕ್ಕರ್ನಲ್ಲಿ 1 ವಿಷಲ್). ಬಳಿಕ ಬೆಂದ ಬಾಳೆಕಾಯಿಯ ಸಿಪ್ಪೆ ತೆಗೆದು, ಉಪ್ಪು, ಸಕ್ಕರೆ, ಕಾರ್ನ್ಫ್ಲೋರ್, ಅಕ್ಕಿ ಹಿಟ್ಟು, ಮೆಣಸಿನ ಪುಡಿ ಸೇರಿಸಿ ಉಂಡೆಗಳನ್ನಾಗಿ ಮಾಡಿ. ನಂತರ ಉಂಡೆಗಳನ್ನು ಎಣ್ಣೆಯಲ್ಲಿ ಗೋಲ್ಡನ್ ಬ್ರೌನ್ ಬಣ್ಣ ಬರುವವರೆಗೆ ಕರಿಯಿರಿ.
ಬಾಣಲೆಯಲ್ಲಿ ಎಣ್ಣೆ ಹಾಕಿ, ಹೆಚ್ಚಿದ ಈರುಳ್ಳಿ, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್, ಟೊಮೆಟೊ ಸಾಸ್, ಸೋಯಾ ಸಾಸ್ ಹಾಕಿ ಹುರಿಯಿರಿ. ಕರಿದ ಬಾಳೆಕಾಯಿ ಉಂಡೆಗಳನ್ನು ಒಗ್ಗರಣೆಗೆ ಹಾಕಿ ಚೆನ್ನಾಗಿ ಮಿಶ್ರಣ ಮಾಡಬೇಕು. ಬಡಿಸುವಾಗ ಹೆಚ್ಚಿದ ಈರುಳ್ಳಿ, ಕೊತ್ತಂಬರಿ ಸೊಪ್ಪು ಸೇರಿಸಿ, ಟೊಮೆಟೊ ಸಾಸ್ ಜೊತೆ ಸವಿಯಿರಿ.
