ರಾಜ್ಯಾದ್ಯಂತ ಬಾಹುಬಲಿಯದ್ದೇ ಹವಾ -ರಾಜಮೌಳಿ ಮೇಕಿಂಗ್ ಗೆ ಫುಲ್ ಮಾರ್ಕ್ಸ್

ಬೆಂಗಳೂರು: ದೇಶದಾದ್ಯಂತ ಬಹುನಿರೀಕ್ಷಿತ ಬಾಹುಬಲಿ-2 ಚಿತ್ರ ರಿಲೀಸ್ ಆಗಿದೆ. ಕರ್ನಾಟಕದಲ್ಲಿ ಮಧ್ಯರಾತ್ರಿಯೇ ಬಾಹುಬಲಿ ದರ್ಶನವಾಗಿದೆ.

ಇದನ್ನೂ ಓದಿ:ಬೆಂಗ್ಳೂರಿನಲ್ಲಿ ಬಾಹುಬಲಿ ಚಿತ್ರದ 1 ಟಿಕೆಟ್ ಬೆಲೆ ಕೇಳಿದ್ರೆ ನಿಮ್ಗೆ ಆಶ್ಚರ್ಯ ಆಗುತ್ತೆ!

ಬೆಂಗಳೂರು, ಮೈಸೂರು, ಮಂಗಳೂರು, ಬಳ್ಳಾರಿಗಳಲ್ಲಿ ಮಧ್ಯರಾತ್ರಿಯೇ ಪ್ರದರ್ಶನ ಕಂಡಿದ್ದು, ಜನ ಪ್ರತಿ ಸೀನ್‍ಗೂ ಶಿಳ್ಳೆ, ಚಪ್ಪಾಳೆ ಹೊಡೆದು ಹುಚ್ಚೆದ್ದು ಕುಣಿದಿದ್ದಾರೆ. ಬೆಂಗಳೂರಿನ ಜಾಲಹಳ್ಳಿ ಕ್ರಾಸ್‍ನಲ್ಲಿರೋ ರಾಕ್‍ಲೈನ್ ಮಾಲ್, ನಂದಿನಿ ಥಿಯೇಟರ್, ಮೈಸೂರಿನ ಡಿಆರ್‍ಸಿ ಮಲ್ಟಿಪ್ಲೆಕ್ಸ್, ಮಂಗಳೂರಿನ ಮಲ್ಟಿಪ್ಲೆಕ್ಸ್ ಗಳು, ಕಲಬುರಗಿ ಮತ್ತು ಬಳ್ಳಾರಿಯ ರಾಧಿಕಾ ಚಿತ್ರ ಮಂದಿರ ಹೌಸ್‍ಫುಲ್ ಪ್ರದರ್ಶನ ಕಂಡಿದೆ.

ಬಾಹುಬಲಿ 1ಕ್ಕಿಂತ ಬಾಹುಬಲಿ 2ರಲ್ಲಿ ನಯನ ಮನೋಹರ ಗ್ರಾಫಿಕ್ಸ್, ವಿಷ್ಯುವಲ್ ಎಫೆಕ್ಟ್, ತಂತ್ರಜ್ಞಾನ, ಸಂಗೀತ ಮನ ಕಾಡ್ತಿದೆ ಅಂತ ಜನ ಹೇಳ್ತಿದ್ದಾರೆ.

ಇದನ್ನೂ ಓದಿ: ಟಿಕೆಟ್ ಬುಕ್ಕಿಂಗ್‍ನಲ್ಲೂ ಹೊಸ ದಾಖಲೆ: 24 ಗಂಟೆಯಲ್ಲಿ ಎಷ್ಟು ಬಾಹುಬಲಿ ಟಿಕೆಟ್ ಮಾರಾಟವಾಗಿದೆ ಗೊತ್ತಾ?