ಲಾಹೋರ್: ಏಷ್ಯಾ ಕಪ್ ಕ್ರಿಕೆಟ್ (Asia Cup Cricket) ಸೂಪರ್ 4 ಪಂದ್ಯದಲ್ಲಿ ಬಾಂಗ್ಲಾದೇಶದ (Bangladesh) ವಿರುದ್ಧ ಪಾಕಿಸ್ತಾನ (Pakistan) 7 ವಿಕೆಟ್ಗಳ ಭರ್ಜರಿ ಜಯ ಸಾಧಿಸಿದೆ.
ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿದ ಬಾಂಗ್ಲಾದೇಶ 193 ರನ್ಗಳಿಗೆ ಆಲೌಟ್ ಆಯ್ತು. ಸುಲಭದ ಸವಾಲನ್ನು ಪಡೆದ ಪಾಕಿಸ್ತಾನ 39.3 ಓವರ್ಗಳಲ್ಲಿ 3 ವಿಕೆಟ್ ನಷ್ಟಕ್ಕೆ 194 ರನ್ ಹೊಡೆಯಿತು.
ಪಾಕ್ ಪರ ಇಮಾಮ್-ಉಲ್-ಹಕ್ 78 ರನ್ (84 ಎಸೆತ, 5 ಬೌಂಡರಿ, 4 ಸಿಕ್ಸರ್) ಹೊಡೆದು ಔಟಾದರೆ ಮೊಹಮ್ಮದ್ ರಿಜ್ವಾನ್ ಔಟಾಗದೇ 63 ರನ್ (79 ಎಸೆತ, 7 ಬೌಂಡರಿ, 1 ಸಿಕ್ಸರ್) ಚಚ್ಚಿ ತಂಡಕ್ಕೆ ಗೆಲುವು ತಂದುಕೊಟ್ಟರು.
The 🇵🇰 pace trio ruling the charts 👏#PAKvBAN | #AsiaCup2023 pic.twitter.com/b1MUedU2BX
— Pakistan Cricket (@TheRealPCB) September 6, 2023
ಆರಂಭದಿಂದಲೇ ಕುಸಿತ:
ಆರಂಭದಿಂದಲೇ ಕುಸಿತ ಕಂಡ ಬಾಂಗ್ಲಾದೇಶ 47 ರನ್ಗಳಿಗೆ ಪ್ರಮುಖ 4 ವಿಕೆಟ್ ಕಳೆದುಕೊಂಡಿತ್ತು. ನಾಯಕ ಶಕಿಬ್ ಉಲ್ ಹಸನ್ 53 ರನ್(57 ಎಸೆತ,7 ಬೌಂಡರಿ), ಮುಷ್ಫಿಕರ್ ರೆಹಮನ್ 64 ರನ್( 114 ಎಸೆತ, 5 ಬೌಂಡರಿ) ನಿಂತು ಸ್ವಲ್ಪ ಪ್ರತಿರೋಧ ತೋರಿದ ಪರಿಣಾಮ ಬಾಂಗ್ಲಾ ಸ್ಕೋರ್ 190ರ ಗಡಿ ದಾಟಿತ್ತು.
ಹ್ಯಾರಿಸ್ ರೌಫ್ 4 ವಿಕೆಟ್ ಕಿತ್ತರೆ ನಸೀಮ್ ಶಾ 3 ವಿಕೆಟ್ ಪಡೆದರು. ಶಾಹಿನ್ ಶಾ ಅಫ್ರಿದಿ , ಅಶ್ರಫ್, ಆಗ ಸಲ್ಮಾನ್ ತಲಾ ಒಂದೊಂದು ವಿಕೆಟ್ ಪಡೆದರು. 4 ವಿಕೆಟ್ ಪಡೆದ ಹಾರಿಸ್ ರೌಫ್ ಅವರಿಗೆ ಪಂದ್ಯ ಶ್ರೇಷ್ಠ ಗೌರವ ನೀಡಲಾಯಿತು. ಇದನ್ನೂ ಓದಿ: ಟೀಂ ಭಾರತ್ ಅಂತಾ ಜೆರ್ಸಿ ಬದಲಿಸಿ – ಬಿಸಿಸಿಐಗೆ ಸೆಹ್ವಾಗ್ ಆಗ್ರಹ
Rizwan and Imam's excellent half-centuries help Pakistan register a thumping win in the first Super 4 match 🙌#PAKvBAN | #AsiaCup2023 pic.twitter.com/ELzTjTk21v
— Pakistan Cricket (@TheRealPCB) September 6, 2023
ಈ ಶನಿವಾರ ಶ್ರೀಲಂಕಾ ಮತ್ತು ಬಾಂಗ್ಲಾದೇಶದ ಮಧ್ಯೆ, ಭಾನುವಾರ ಪಾಕಿಸ್ತಾನ ಮತ್ತು ಭಾರತದ ಮಧ್ಯೆ ಕ್ರಿಕೆಟ್ ಪಂದ್ಯ ನಡೆಯಲಿದೆ.
Web Stories
[web_stories title=”true” excerpt=”false” author=”false” date=”false” archive_link=”false” archive_link_label=”” circle_size=”150″ sharp_corners=”false” image_alignment=”left” number_of_columns=”1″ number_of_stories=”10″ order=”DESC” orderby=”post_date” view=”carousel” /]
