ಸುದೀಪ್ ಜೊತೆ ನಟಿಸಲು ಹೆಣ್ಣು ಮಗುವಿಗಾಗಿ ಹುಡುಕುತ್ತಿದ್ದಾರೆ ಅನೂಪ್ ಭಂಡಾರಿ

ಬೆಂಗಳೂರು: ಕಿಚ್ಚ ಸುದೀಪ್ ಅವರ ಜೊತೆ ನಟಿಸಲು ಹೆಣ್ಣು ಮಗುವನ್ನು ನಿರ್ದೇಶಕ ಅನೂಪ್ ಭಂಡಾರಿ ಹುಡುಕುತ್ತಿದ್ದಾರೆ.

ಅನೂಪ್ ಅವರು ಸುದೀಪ್ ಅವರ ಜೊತೆ ‘ಬಿಲ್ಲಾ ರಂಗ ಭಾಷಾ’ ಸಿನಿಮಾವನ್ನು ನಿರ್ದೇಶಿಸುತ್ತಾರೆ ಎಂಬ ಸುದ್ದಿ ಕೇಳಿ ಬರುತಿತ್ತು. ಆದರೆ ಈಗ ಈ ಚಿತ್ರದ ಬದಲು ಮತ್ತೊಂದು ಚಿತ್ರವನ್ನು ಅನೂಪ್ ಭಂಡಾರಿ ನಿರ್ದೇಶಿಸುತ್ತಿದ್ದಾರೆ. ಸದ್ಯ ಈ ಚಿತ್ರದಲ್ಲಿ ಸುದೀಪ್ ಅವರ ಜೊತೆ ನಟಿಸಲು ಹೆಣ್ಣು ಮಗು ಬೇಕು ಎಂದು ಅನೂಪ್ ಭಂಡಾರಿ ಟ್ವೀಟ್ ಮಾಡಿದ್ದಾರೆ.

ಅನೂಪ್ ಭಂಡಾರಿ ಅವರು ತಮ್ಮ ಟ್ವಿಟ್ಟರಿನಲ್ಲಿ ಕಿಚ್ಚ ಅವರು ಇರುವ ಪೋಸ್ಟರ್ ಹಾಕಿ “ಸುದೀಪ್ ಅವರ ಜೊತೆ ನಟಿಸಲು 3-7 ವರ್ಷದ ಮುದ್ದಾಗಿ ನಟಿಸಬಲ್ಲ ಪ್ರತಿಭಾವಂತ ಹೆಣ್ಣು ಮಕ್ಕಳಿಗೆ ಸುವರ್ಣಾವಕಾಶ ಎಂದು ಬರೆದು ಮೇಲ್ ಐಡಿ ಹಾಕಿ” ಟ್ವೀಟ್ ಮಾಡಿದ್ದಾರೆ.

Here's an opportunity for a talented girl child (3-7 years old) to act with @KicchaSudeep sir. ಮುದ್ದಾಗಿ ನಟಿಸಬಲ್ಲ ಹೆಣ್ಣು ಮಗುವಿಗೆ (ವಯಸ್ಸು ೩-೭) ಕಿಚ್ಚ ಸುದೀಪರೊಂದಿಗೆ ನಟಿಸುವ ಸುವರ್ಣಾವಕಾಶ! Please send the profiles to actorsabfilm@gmail.com pic.twitter.com/a3ZykGqWr3

— Anup Bhandari (@anupsbhandari) July 23, 2019

ಅನೂಪ್ ಅವರ ಹೆಸರಿಡದ ಈ ಸಿನಿಮಾದಲ್ಲಿ ಬಾಲಕಿಯ ಪಾತ್ರ ಮುಖ್ಯವಾಗಿದೆ. ಹಾಗಾಗಿ ಅವರು 3 ರಿಂದ 7 ವರ್ಷದ ಒಳಗಿನ ಹೆಣ್ಣು ಮಗುವಿಗಾಗಿ ಆಡಿಶನ್ ಶುರು ಮಾಡಿದ್ದಾರೆ. ಈ ಸಿನಿಮಾದಲ್ಲಿ ಆಸಕ್ತಿ ಇರುವವರು ಸಂಪರ್ಕಿಸಬಹುದು ಎಂದು ಅನೂಪ್ ಮನವಿ ಮಾಡಿಕೊಂಡಿದ್ದಾರೆ.

ಈ ಸಿನಿಮಾವನ್ನು ಜಾಕ್ ಮಂಜು ಅವರು ನಿರ್ಮಾಣ ಮಾಡುತ್ತಿದ್ದು, ಸೆಪ್ಟಂಬರ್ ತಿಂಗಳಿನಲ್ಲಿ ಚಿತ್ರೀಕರಣ ಶುರುವಾಗಲಿದೆ. ಈ ಚಿತ್ರಕ್ಕೆ ನಾಯಕಿ ಸೇರಿದಂತೆ ಯಾವುದೇ ಕಲಾವಿದರು ಆಯ್ಕೆ ಆಗಿಲ್ಲ. ಚಿತ್ರತಂಡ ಪ್ರಿಪ್ರೊಡಕ್ಷನ್ ಹಂತದಲ್ಲಿದ್ದು, ಹೆಣ್ಣು ಮಗುವಿನ ಆಯ್ಕೆಗೆ ಈಗ ಆಡಿಶನ್ ನಡೆಸುತ್ತಿದ್ದಾರೆ.