ಹುಬ್ಬಳ್ಳಿ: ರಾಷ್ಟ್ರಧ್ವಜ ತಯಾರಿಸಲು ಮತ್ತು ಖಾದಿ ಉದ್ಯಮಕ್ಕೆ ಉತ್ತೇಜನ ನೀಡುವ ನಿಟ್ಟಿನಲ್ಲಿ ಕೇಂದ್ರ ಸರ್ಕಾರ ಫ್ಲ್ಯಾಗ್ ಕೋಡ್ ಆಫ್ ಇಂಡಿಯಾ 2002 ಅಮೆಂಡ್ ಮೆಂಟ್ ಜಾರಿಗೆ ತಂದಿತ್ತು. ಇಷ್ಟು ದಿನ ಈ ಕೋಡ್ ಆಧಾರದ ಮೇಲೆಯೇ ಧ್ವಜ ತಯಾರಾಗುತ್ತಿತ್ತು. ಈ ಕೋಡ್ ಪ್ರಕಾರ ಖಾದಿ, ಉಲನ್, ಸಿಲ್ಕ್ ಬಟ್ಟೆಗಳಿಂದ ಧ್ವಜ ತಯಾರಾಗುತ್ತಿತ್ತು.
ಇದೀಗ 75ನೇ ಸ್ವಾತಂತ್ರ್ಯ ಸಂಭ್ರಮದಲ್ಲಿರುವ ಕೇಂದ್ರ ಸರ್ಕಾರ, ಈ ನಿಯಮಕ್ಕೆ ಬದಲಾವಣೆ ತಂದಿದೆ. ಇದರ ಅನುಸಾರ ಪಾಲಿಸ್ಟರ್ ಬಟ್ಟೆ ಮತ್ತು ಯಂತ್ರಗಳಿಂದ ಧ್ವಜ ತಯಾರು ಮಾಡಲು ಅನುಮತಿ ನೀಡಿದೆ. ಇದು ಕರ್ನಾಟಕ ಖಾದಿ ಬಟ್ಟೆ ನೇಯುವ ಸಾವಿರಾರು ಕುಟುಂಬಗಳಿಗೆ ಬರಸಿಡಲು ಬಡಿದಂತಾಗಿದೆ. ಇದನ್ನೂ ಓದಿ: ಹೊರಟ್ಟಿ ಬಿಜೆಪಿ ಸೇರ್ಪಡೆಗೆ ಬಿಜೆಪಿಗರಿಂದಲೇ ತೀವ್ರ ವಿರೋಧ
ಮೊದಲೇ ಕುಂಟುತ್ತಾ ಸಾಗಿರುವ ಖಾದಿ ಉದ್ಯಮ ಈ ನಿಯಮದಿಂದ ಶಾಶ್ವತವಾಗಿ ಮುಚ್ಚುವ ಹಂತ ತಲುಪಿದೆ. 75ನೇ ಸ್ವಾತಂತ್ರೋತ್ಸವದ ಹಿನ್ನೆಲೆ ಕೇಂದ್ರ ಸರ್ಕಾರ ಲಕ್ಷಾಂತರ ಧ್ವಜ ತಯಾರಿಸಲು ಇದೇ ಸಂಘಕ್ಕೆ ಹೇಳಿತ್ತು. ಸರ್ಕಾರವನ್ನು ನಂಬಿ ಕೋಟ್ಯಂತರ ವೆಚ್ಚದಲ್ಲಿ ಧ್ವಜ ತಯಾರಿಸಲು ಸಂಘ ಕೂಡಾ ಮುಂದಾಗಿತ್ತು. ಇದೀಗ ಏಕಾಏಕಿ ಸರ್ಕಾರ ಈ ನಿರ್ಧಾರಕ್ಕೆ ಬಂದಿದೆ. ಇದನ್ನೂ ಓದಿ: ತಾಲಿಬಾನ್ ವಿರುದ್ಧ ಅಂತಾರಾಷ್ಟ್ರೀಯ ಕೋರ್ಟ್ಗೆ ದೂರು ಕೊಟ್ಟ ಫೋಟೋ ಜರ್ನಲಿಸ್ಟ್ ಡ್ಯಾನಿಶ್ ಸಿದ್ಧಿಕಿ ಪೋಷಕರು
ಕೇಂದ್ರದ ಈ ನಿರ್ಧಾರದ ಹಿಂದೆ ಖಾಸಗಿ ಕಂಪನಿಗಳ ಲಾಭದಾಯಕ ದುರುದ್ದೇಶವಿದೆ ಎನ್ನುವುದು ನೇಕಾರರ ಆರೋಪ. ದುರಂತ ಎಂದರೆ ಚೀನಾ ಕೂಡಾ ಪಾಲಿಸ್ಟರ್ ಬಟ್ಟೆಯಲ್ಲಿ ರಾಷ್ಟ್ರದ್ವಜ ತಯಾರಿಕೆಗೆ ಮುಂದಾಗಿದೆ ಎಂಬ ಮಾಹಿತಿ ಕೇಳಿ ಬರುತ್ತಿದೆ. ಇದು ಜನಪ್ರತಿನಿಧಿಗಳ ಗಮನಕ್ಕೂ ಬಂದಿದ್ದು, ಇದನ್ನು ಒಪ್ಪುವ ಪ್ರಶ್ನೆಯೇ ಇಲ್ಲ. ಈ ಬಗ್ಗೆ ಕೇಂದ್ರದ ಜೊತೆಗೆ ಮಾತನಾಡುತ್ತೆವೆ ಎಂದು ಹೇಳುತ್ತಿದ್ದಾರೆ.
