ಮುಂಬೈ: ಬಾಲಿವುಡ್ ನಟ ಬಿಗ್ ಬಿ ಅಮಿತಾಭ್ ಬಚ್ಚನ್ಗೆ ಇಂದು ಹುಟ್ಟುಹಬ್ಬದ ಸಂಭ್ರಮ. 79ನೇ ವಸಂತಕ್ಕೆ ಕಾಲಿಟ್ಟಿರುವ ಅಮಿತಾಭ್ ಬಚ್ಚನ್ಗೆ ಗಣ್ಯಾತಿ ಗಣ್ಯರು ಶುಭಾಶಯ ಕೋರುತ್ತಿದ್ದಾರೆ.
ಈ ವಿಶೇಷ ದಿನದಂದು ಅಮಿತಾಭ್ ಬಚ್ಚನ್ ತಮ್ಮ ಮುಂಬೈ ನಿವಾಸದ ಬಳಿ ಅಭಿಮಾನಿಗಳ ಮುಂದೆ ಕಾಣಿಸಿಕೊಂಡಿದ್ದಾರೆ. ಬಾಲಿವುಡ್ ಮೆಗಾ ಸ್ಟಾರ್ಗೆ ಶುಭಾಶಯ ತಿಳಿಸಲು ಇಂದು ಅವರ ನಿವಾಸದ ಮುಂದೆ ಹಲವಾರು ಅಭಿಮಾನಿಗಳು ಆಗಮಿಸಿದ್ದರು. ಇದನ್ನೂ ಓದಿ: ಪ್ರತಿ ವಲಯದಲ್ಲೂ ಸಂಶೋಧನೆ ಅಭಿವೃದ್ಧಿಗೆ ಆದ್ಯತೆ: ಬೊಮ್ಮಾಯಿ
ಈ ವೇಳೆ ಮನೆಯಿಂದ ಹೊರಬಂದ ಅಮಿತಾಭ್ ಬಚ್ಚನ್ ವೈಟ್ ಆ್ಯಂಡ್ ವೈಟ್ ಪೈಜಾಮ ತೊಟ್ಟು ಕ್ಯಾಮೆರಾ ಕಣ್ಣಿಗೆ ಕಾಣಿಸಿಕೊಂಡಿದ್ದಾರೆ ಮತ್ತು ಮನೆಯ ಮುಂದೆ ಸೇರಿದ್ದ ಅಭಿಮಾನಿಗಳಿಗೆ ತಮ್ಮ ಎರಡು ಕೈಗಳಿಂದ ನಮಸ್ಕಾರ ಮಾಡಿದರು.
ಈ ವೇಳೆ ಬಾಡಿಗಾರ್ಡ್ಗಳು ಮನೆಯ ಗೇಟ್ ಬಳಿ ನಿಂತು ಬಿಗ್ಬಿಗೆ ರಕ್ಷಣೆ ನೀಡುತ್ತಿದ್ದರು. ಇದೇ ವೇಳೆ ಅಮಿತಾಭ್ ಅಭಿಮಾನಿಗಳತ್ತ ಕೈ ಬೀಸಿ ಹಾಯ್ ಮಾಡುತ್ತಾ, ಧನ್ಯವಾದ ತಿಳಿಸಿ ಒಳ ನಡೆದರು. ನಂತರ ಕಾವಲುಗಾರರು ಗೇಟ್ ಕ್ಲೋಸ್ ಮಾಡಿದರು. ಇದನ್ನೂ ಓದಿ: ತಿರುಗುವ ಮನೆ ನಿರ್ಮಿಸಿ ಪತ್ನಿಗೆ ಗಿಫ್ಟ್ ಕೊಟ್ಟ 72ರ ಪತಿ
ವಿಶೇಷವೆಂದರೆ ಅಮಿತಾಭ್ ಮನೆಯ ಮುಂದೆ ಜ್ಯೂನಿಯರ್ ಅಮಿತಾಭ್ ಬಚ್ಚನ್ ಕಾಣಿಸಿಕೊಂಡಿದ್ದು, ಹಲವಾರು ಮಂದಿ ಜ್ಯೂನಿಯರ್ ಅಮಿತಾಭ್ ಬಚ್ಚನ್ ಜೊತೆ ಫೋಟೋ ಕ್ಲಿಕ್ಕಿಸಿಕೊಂಡರು. ಮತ್ತಿಬ್ಬರು ಅಭಿಮಾನಿ ಅಮಿತಾಭ್ ಬಚ್ಚನ್ ಭಾವಚಿತ್ರವಿರುವ ಟೀ ಶರ್ಟ್ ಧರಿಸಿಗೆ ಫೋಟೋಗೆ ಸ್ಮೈಲ್ ಮಾಡಿದರು.
