Connect with us

Chikkamagaluru

ಸೆರೆಯಾಯ್ತು ಕಾಳಿಂಗ Vs ಕೆರೆಹಾವಿನ ಕದನ: ವಿಡಿಯೋ ನೋಡಿ

Published

on

– ಒಂದಕ್ಕೆ ಹಸಿವಿನ ದಾಹ, ಮತ್ತೊಂದಕ್ಕೆ ಬದುಕುವ ಹಂಬಲ

ಚಿಕ್ಕಮಗಳೂರು: ಕಾಳಿಂಗ ಸರ್ಪಕ್ಕೆ ಹಸಿವನ್ನು ನೀಗಿಸಿಕೊಳ್ಳೋ ಆತುರ. ಕೆರೆಹಾವಿಗೆ ಬದುಕುವ ಹಂಬಲ. ನಾನಾ-ನೀನಾ ಅಂತ ಎರಡು ಹಾವುಗಳು ಗಂಟೆಗೂ ಅಧಿಕ ಹೊತ್ತು ಹೋರಾಡಿವೆ. ಆದರೆ 14 ಅಡಿಗೂ ಉದ್ದದ ದೈತ್ಯ ಕಾಳಿಂಗನೆದುರು 5 ಐದು ಅಡಿಯ ಕೆರೆ ಹಾವು ಸೊಲೊಪ್ಪಿ ಶರಣಾಗಿದೆ.

ಕಾಳಿಂಗ ಸರ್ಪ ಹಾಗೂ ಕೆರೆಹಾವಿನ ಒಂದು ಗಂಟೆಯ ರೋಚಕ ಕದನದ ಬಳಿಕವೂ ಕಾಳಿಂಗ ಸರ್ಪವನ್ನ ಹೆದರಿಸಲಾಗದೆ ಕೆರೆ ಹಾವು ಸಾವನ್ನಪ್ಪಿರುವ ಘಟನೆ ಜಿಲ್ಲೆಯ ಶೃಂಗೇರಿ ತಾಲೂಕಿನ ಕಾಂಬ್ಳೆ ಗ್ರಾಮದಲ್ಲಿ ನಡೆದಿದೆ.

ಕೆರೆಹಾವು ಸಾವನ್ನಪ್ಪಿದ ಬಳಿಕ ಕಾಳಿಂಗ ನುಂಗಿದೆ. ಕಾಳಿಂಗ ಹಾಗೂ ಕೆರೆ ಹಾವಿನ ಕದನ ಹಾಗೂ ಕಾಳಿಂಗ ಹಾವನ್ನ ನುಂಗುತ್ತಿರುವ ದೃಶ್ಯ ಮಾತ್ರ ಮತ್ತಷ್ಟು ರೋಚಕವಾಗಿದೆ. ಸ್ಥಳಿಯರು ಕೂಡ ಆತಂಕದಿಂದಲೇ ಈ ಅಪರೂಪದ ವಿಡಿಯೋವನ್ನ ಸೆರೆ ಹಿಡಿದಿದ್ದಾರೆ.

ಕಾಳಿಂಗ ಸರ್ಪ ಹಾವು, ಕಪ್ಪೆ ಸೇರಿದಂತೆ ಚಿಕ್ಕ-ಚಿಕ್ಕ ಪ್ರಾಣಿ, ಜಲಚರಗಳನ್ನ ನುಂಗೋದು ಮಾಮೂಲಿ. ಆದರೆ ಅದು ಸೆರೆ ಸಿಗೋದು ವಿರಳಾತಿ ವಿರಳ. ಕಾಡಿನಲ್ಲೇ ಬದುಕುವ ಮಲೆನಾಡಿಗರಿಗೂ ಅಂತಹ ದೃಶ್ಯ ಸಿಗೋದು ತುಂಬಾ ಅಪರೂಪ. ಅಂತಹಾ ಅಪರೂಪದ ಕ್ಷಣವನ್ನ ಕಾಂಬ್ಳೆ ಗ್ರಾಮದ ಜನ ಸೆರೆ ಹಿಡಿದಿದ್ದಾರೆ.

https://www.youtube.com/watch?v=harRE5nVNDg

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv

Click to comment

Leave a Reply

Your email address will not be published. Required fields are marked *