ಬೆಂಗಳೂರು: ನಟ ಶಂಕರ್ ನಾಗ್ ಅವರು ಕನ್ನಡ ಚಿತ್ರರಂಗದ ಮರೆಲಾಗದ ಮಾಣಿಕ್ಯ. ಶಂಕರ್ ನಾಗ್ ಹೆಸರೇ ಅದೆಷ್ಟೋ ಜನರಿಗೆ ಸ್ಪೂರ್ತಿ. ಎರಡು ವರ್ಷಗಳಿಂದ ಮುಚ್ಚಿದ ಶಂಕರ್ ನಾಗ್ ಚಿತ್ರಮಂದಿರ ಈಗ ಮತ್ತೆ ಆಟ ಆರಂಭಿಸಿದ್ದು, ಶಂಕ್ರಣ್ಣನ ಅಭಿಮಾನಿಗಳು ಪುಲ್ ಖುಷ್ ಆಗಿದ್ದಾರೆ.
1907ರಲ್ಲಿ ನಗರದ ಮಹಾತ್ಮ ಗಾಂಧಿ ರಸ್ತೆಯಲ್ಲಿ ಬಿಬಿಎಂಪಿ ಕಟ್ಟಡದಲ್ಲಿ ಶಂಕರ್ ನಾಗ್ ಹೆಸರಲ್ಲಿ ಚಿತ್ರಮಂದಿರ ತೆರೆಯಲಾಗಿತ್ತು. ಆದರೆ ಹಲವು ಕಾರಣಗಳಿದ್ದ 2 ವರ್ಷಗಳ ಹಿಂದೆ ಚಿತ್ರಮಂದಿರ ಕ್ಲೋಸ್ ಆಗಿತ್ತು. ಈಗ ಸ್ವಾಗತ್ ಶಂಕರ್ ನಾಗ್ ಚಿತ್ರಮಂದಿರ ಎಂಬ ಹೆಸರಿನಲ್ಲಿ ರೀ-ಓಪನ್ ಆಗಿದೆ.
ಈ ಚಿತ್ರಮಂದಿರವನ್ನು ನ್ಯೂ ಟೆಕ್ನಾಲಜಿ ಬಳಸಿ, ಈಗಿನ ಜನರೇಶನ್ಗೆ ತಕ್ಕಂತೆ ರೆಡಿ ಮಾಡಲಾಗಿದೆ. ಇದರ ಮತ್ತೊಂದು ವಿಶೇಷತೆಯೆಂದರೆ ಭಾರತದಲ್ಲೇ ಅತೀ ದೊಡ್ಡ ಡಿಜಿಟಲ್ ಎಲ್ಇಡಿ ಸ್ಕ್ರೀನ್ ಇರುವು ಚಿತ್ರಮಂದಿರ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ.
ಯಾವುದೇ ಪ್ರೋಜೆಕ್ಟರ್ ಗಳನ್ನು ಬಳಸದೇ 14 ಮೀಟರ್ ಅಗಲ, 7.2 ಮೀಟರ್ ಎತ್ತರದಲ್ಲಿ ಸ್ಕ್ರೀನ್ನ್ನು ಖಾಸಗಿ ಸಂಸ್ಥೆ ಸಹಭಾಗಿತ್ವದಲ್ಲಿ ಅಳವಡಿಸಲಾಗಿದೆ. ಸಿಂಗಲ್ ಸ್ಕ್ರೀನ್ನಲ್ಲಿಯೇ 614 ಆಸನಗಳ ವ್ಯವಸ್ಥೆ ಸಹ ಮಾಡಲಾಗಿದೆ. ಹೀಗಾಗಿ ಸೌಂಡ್, ಪಿಚ್ಚರ್ ಕ್ವಾಲಿಟಿ ಸಹ ಅದ್ಭುತವಾಗಿ ಮೂಡಿ ಬರುತ್ತಿದೆ ಎಂದು ವೀಕ್ಷಕರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
