ಬಾಲಿವುಡ್ (Bollywood) ನಟ ಅನಿಲ್ ಕಪೂರ್ ಪುತ್ರಿ ಸೋನಂ ಕಪೂರ್ (Sonam Kapoor) ಸದ್ಯ ಮದರ್‌ಹುಡ್ (Motherhood) ಎಂಜಾಯ್ ಮಾಡ್ತಿದ್ದಾರೆ. ಇನ್ನೂ ಸಿನಿಮಾಗೆ ಕಮ್‌ಬ್ಯಾಕ್ ಆಗುವ ಬಗ್ಗೆ ಮತ್ತು ಮಗನ ಮುಖ ಇನ್ನೂ ಯಾಕೆ ರಿವೀಲ್ ಮಾಡಿಲ್ಲ ಎಂಬುದರ ಬಗ್ಗೆ ಸೋನಂ ಸಂದರ್ಶನವೊಂದರಲ್ಲಿ ಮುಕ್ತವಾಗಿ ಮಾತನಾಡಿದ್ದಾರೆ.
ಸೋನಂಗೆ 2022 ತುಂಬಾ ಸ್ಪೆಷಲ್ ಯಾಕೆಂದರೆ, ಮಗ ವಾಯು ಆಗಮನ ಇಡೀ ಕಪೂರ್ ಕುಟುಂಬಕ್ಕೆ ಖುಷಿಕೊಟ್ಟಿತ್ತು. ಕಳೆದ ಮಾರ್ಚ್‌ನಲ್ಲಿ ಗಂಡು ಮಗುವಿಗೆ ಜನ್ಮ ನೀಡಿರುವ ಸೋನಂ, ಮುದ್ದು ಮಗನ ಪಾಲನೆಯಲ್ಲಿ ಬ್ಯುಸಿಯಾಗಿದ್ದಾರೆ. ಈ ಮಧ್ಯೆ ಸಿನಿಮಾಗೆ ಮತ್ತೆ ಬರೋದಾಗಿ ನಟಿ ಗುಡ್ ನ್ಯೂಸ್ ಕೊಟ್ಟಿದ್ದಾರೆ. ಇನ್ನೂ ಮಗನ ಮುಖ ಇನ್ನೂ ಯಾಕೆ ರಿವೀಲ್ ಮಾಡಿಲ್ಲ ಎಂದು ಸಂದರ್ಶನದಲ್ಲಿ ಅಚ್ಚರಿಯ ಉತ್ತರ ನೀಡಿದ್ದಾರೆ. ಇದನ್ನೂ ಓದಿ: ನಾವು ಸಾಕಷ್ಟು ಕಲಾವಿದರನ್ನ ಲಾಂಚ್ ಮಾಡಿದ್ದೇವೆ: ರಶ್ಮಿಕಾ ಮಂದಣ್ಣಗೆ ರಿಷಬ್ ಶೆಟ್ಟಿ ಟಾಂಗ್
ನನ್ನ ಅಡಲ್ಟ್ ಲೈಫ್ ಶುರುವಿನಿಂದಲೂ ಚಿತ್ರರಂಗದಲ್ಲಿ ಆಕ್ಟೀವ್ ಆಗಿರುವೆ. ಈಗ ಮತ್ತೆ ಸಿನಿಮಾಗೆ ಕಮ್‌ಬ್ಯಾಕ್ ಮಾಡಬೇಕು ಎನಿಸುತ್ತಿದೆ. ಮತ್ತೆ ಆಕ್ಟಿಂಗ್ ಮಾಡಲು ರೆಡಿಯಾಗಿರುವೆ. ಪ್ರೆಗ್ನೆಂಟ್ ಆಗುವ ಮುನ್ನ ನಿರ್ದೇಶಕ ಸುಜಯ್ ಘೋಷ್ (Sujay Ghosh) ಜೊತೆ ಒಂದು ಸಿನಿಮಾ ಮಾಡಿದ್ದೆ. ಇದೊಂದು ಥ್ರಿಲರ್ ಕಥೆಯಾಗಿದ್ದು, ಸದ್ಯದಲ್ಲೇ ಈ ಚಿತ್ರದ ಬಗ್ಗೆ ಅಪ್‌ಡೇಟ್ ಸಿಗಲಿದೆ.
ಮಗನ ಮುಖ ಇದುವರೆಗೂ ಯಾಕೆ ತೋರಿಸಿಲ್ಲ ಎಂದು ಸಂದರ್ಶನದಲ್ಲಿ ಪ್ರಶ್ನಿಸಿದಾಗ, ಸೋಷಿಯಲ್ ಮೀಡಿಯಾದಲ್ಲಿ ವಾಯು (Son Vayu) ಫೋಟೋ ಶೇರ್ ಮಾಡುವುದರಿಂದ ಅವನ ಬೆಳವಣಿಗೆಗೆ ಪರಿಣಾಮ ಬೀರುತ್ತದೆ. ಆತ ದೊಡ್ಡವನಾದ ಮೇಲೆ ಆತನೇ ಈ ಬಗ್ಗೆ ನಿರ್ಧರಿಸಲಿ ಎಂದು ಸೋನಂ ಉತ್ತರಿಸಿದ್ದಾರೆ.
Live Tv
[brid partner=56869869 player=32851 video=960834 autoplay=true]
Join our Whatsapp group by clicking the below link
https://chat.whatsapp.com/E6YVEDajTzH06LOh77r25k
