‘ಊರೋರಿಗೆಲ್ಲ ಹೆದರ್ಕೊಂಡು ಇಬ್ರು ರೂಮೊಳಗೆ ಸೇರ್ಕೊಂಡ್ರೆ ಲವ್ ಮ್ಯಾರೇಜ್. ಊರೋರೆಲ್ಲ ಸೇರಿ ಇಬ್ರನ್ನ ರೂಮೊಳಗೆ ಬಿಟ್ರೆ ಅದು ಅರೇಂಜ್ಡ್ ಮ್ಯಾರೇಜ್’…….. ಒಂದು ಚಿತ್ರದ ಡೈಲಾಗು, ಹಾಡು ಜನರಿಗಿಷ್ಟವಾಗಿ ಅವರ ನಡುವೆ ಹರಿದಾಡಿದರೆ ಅದಕ್ಕಿಂತಲೂ ಅದ್ಭುತವಾದ ಪ್ರಚಾರ ಬೇರೊಂದಿಲ್ಲ. ಅಂಥಾದ್ದೊಂದು ಭರಪೂರ ಪ್ರಚಾರ ಶೀತಲ್ ಶೆಟ್ಟಿ ಅಭಿನಯದ ಪತಿಬೇಕು ಡಾಟ್ ಕಾಮ್ ಚಿತ್ರಕ್ಕೀಗ ಸಿಗಲಾರಂಭಿಸಿದೆ!
ರಾಕೇಶ್ ನಿರ್ದೇಶನದ ಪತಿಬೇಕು ಡಾಟ್ ಕಾಮ್ ಚಿತ್ರದ ಟ್ರೈಲರ್ ಇತ್ತೀಚೆಗಷ್ಟೇ ಬಿಡುಗಡೆಯಾಗಿತ್ತು. ಅದನ್ನು ಜನ ಮೆಚ್ಚಿಕೊಂಡಿದ್ದೂ ಆಗಿದೆ. ಇದರಲ್ಲಿ ಶೀತಲ್ ಶೆಟ್ಟಿ ಹೇಳಿರೋ ಬಿಂದಾಸ್ ಡೈಲಾಗೊಂದೀಗ ಹುಡುಗೀರಿಗೆಲ್ಲ ಹುಚ್ಚು ಹಿಡಿಸಿಬಿಟ್ಟಿದೆ. ಡಬ್ ಸ್ಮ್ಯಾಶ್ ರೂಪದಲ್ಲಿ ಈ ಡೈಲಾಗು ಎಲ್ಲೆಡೆ ಹರಡಿಕೊಂಡು ಪತಿಬೇಕು ಡಾಟ್ ಕಾಮ್ ಚಿತ್ರ ಮಿಂಚಲಾರಂಭಿಸಿದೆ.
‘ಊರೋರಿಗೆಲ್ಲ ಹೆದರ್ಕೊಂಡು ಇಬ್ರು ರೂಮೊಳಗೆ ಸೇರ್ಕೊಂಡ್ರೆ ಲವ್ ಮ್ಯಾರೇಜ್. ಊರೋರೆಲ್ಲ ಸೇರಿ ಇಬ್ರನ್ನ ರೂಮೊಳಗೆ ಬಿಟ್ರೆ ಅದು ಅರೇಂಜ್ಡ್ ಮ್ಯಾರೇಜ್’ ಎಂಬ ಡೈಲಾಗನ್ನು 1300ಕ್ಕೂ ಹೆಚ್ಚು ಹುಡುಗಿಯರು ಡಬ್ ಸ್ಮ್ಯಾಶ್ ಮಾಡಿ ಸಂಭ್ರಮಿಸಿದ್ದಾರೆ. ಡಬ್ ಸ್ಮ್ಯಾಶ್ ನಲ್ಲಿ ಪ್ರಸಿದ್ಧಿ ಪಡೆದುಕೊಂಡಿರೋ ಮ್ಯೂಸಿಕಲಿ ಸೇರಿದಂತೆ ನಾನಾ ಆಪ್ ಗಳಲ್ಲೀಗ ಪತಿಬೇಕು ಡಾಟ್ ಕಾಮ್ ಚಿತ್ರದ ಈ ಡೈಲಾಗೇ ರಿಂಗಣಿಸಲಾರಂಭಿಸಿದೆ!
ಶೀತಲ್ ಶೆಟ್ಟಿ ಪೂರ್ಣ ಪ್ರಮಾಣದ ನಾಯಕಿಯಾಗಿ ನಟಿಸಿರುವ ಈ ಚಿತ್ರದ ಟ್ರೇಲರಿಗೆ ಎಲ್ಲರೂ ಫಿದಾ ಆಗಿದ್ದಾರೆ. ಆದರೆ ಇದೊಂದೇ ಒಂದು ಮಜಾಕಾದ ಡೈಲಾಗಿನಿಂದ ಚಿತ್ರಕ್ಕೆ ಭರ್ಜರಿ ಪ್ರಚಾರ ಸಿಗುತ್ತಿರೋದರಿಂದ ಚಿತ್ರ ತಂಡ ಹ್ಯಾಪಿ ಮೂಡಿನಲ್ಲಿದೆ!
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ: www.instagram.com/publictvnews
