ಮಾಜಿ ಪತಿ ಫ್ಯಾಮಿಲಿ ಜೊತೆ ಸಮಂತಾ ಒಡನಾಟ, ವೈರಲಾಯ್ತು ಪೋಸ್ಟ್

ಟಾಲಿವುಡ್ (Tollywood) ಬ್ಯೂಟಿ ಸಮಂತಾ (Samantha) ಈಗ ಅಪರೂಪದ ಕಾಯಿಲೆಯಿಂದ ಚೇತರಿಸಿಕೊಂಡಿದ್ದಾರೆ. ಮತ್ತೆ ಸಿನಿಮಾಗಳತ್ತ ಬ್ಯುಸಿಯಿರುವ ನಟಿ ಮತ್ತೆ ಖಾಸಗಿ ವಿಚಾರವಾಗಿ ಸುದ್ದಿಯಲ್ಲಿದ್ದಾರೆ. ಅಕ್ಕಿನೇನಿ ಕುಟುಂಬದ ಜೊತೆ ಸ್ಯಾಮ್ ಟಚ್‌ನಲ್ಲಿದ್ದಾರೆ. ಮಾಜಿ ಪತಿ ನಾಗಚೈತನ್ಯ (Nagachaitanya) ಸಹೋದರ ಅಖಿಲ್ ಅಕ್ಕಿನೇನಿ (AKhil Akkineni) ಕಾರ್ಯಕ್ಕೆ ಮೆಚ್ಚುಗೆ ಸೂಚಿಸುವ ಮೂಲಕ ನೆಟ್ಟಿಗರಿಗೆ ಅಚ್ಚರಿ ಮೂಡಿಸಿದ್ದಾರೆ.

ಬಹುವರ್ಷಗಳಿಂದ ಪ್ರೀತಿಸಿ ಮದುವೆಯಾಗಿದ್ದ ಜೋಡಿ ನಾಗ್-ಸ್ಯಾಮ್ 2021ರಲ್ಲಿ ಡಿವೋರ್ಸ್ ನೀಡುವ ಮೂಲಕ ದೂರವಾದರು. ತೆರೆಯ ಮೇಲೆ ಮತ್ತು ತೆರೆಹಿಂದೆ ರೋಲ್ ಮಾಡೆಲ್ ಆಗಿದ್ದ ಈ ಜೋಡಿ ದೂರವಾಗಿದ್ದು, ಅನೇಕರಿಗೆ ಬೇಸರ ಮೂಡಿಸಿತ್ತು. ಸಾಮಾನ್ಯವಾಗಿ ಡಿವೋರ್ಸ್ (Divorce) ಬಳಿಕ ಮಾಜಿ ಪತಿ ಮತ್ತು ಕುಟುಂಬದ ಜೊತೆ ಯಾವುದೇ ರೀತಿಯ ಒಡನಾಟ ಇಟ್ಟುಕೊಳ್ಳುವುದಿಲ್ಲ. ಆದರೆ ಈಗ ಸಮಂತಾ ನಡೆಗೆ ನೆಟ್ಟಿಗರಿಗೆ ಆಶ್ಚರ್ಯವುಂಟು ಮಾಡಿದೆ. ಇದನ್ನೂ ಓದಿ: ಸನ್ನಿ ಲಿಯೋನ್ ಗೆ ಆತಂಕ ಮೂಡಿಸಿದ ಬಾಂಬ್ ಸ್ಫೋಟ

View this post on Instagram

A post shared by Akhil Akkineni (@akkineniakhil)

ನಾಗ್ ಚೈತನ್ಯ ಜೊತೆ ಯಾವುದೇ ರೀತಿಯಲ್ಲೂ ಕನೆಕ್ಷನ್ ಇಟ್ಟುಕೊಳ್ಳದೇ ಇದ್ದರೂ, ಅವರ ಸಹೋದರ ಅಖಿಲ್ ಅಕ್ಕಿನೇನಿ ಜೊತೆ ಸಮಂತಾ ಟಚ್‌ನಲ್ಲಿದ್ದಾರೆ. ಅಖಿಲ್ ಅಕ್ಕಿನೇನಿ ಅಭಿನಯ ʻಏಜೆಂಟ್ʼ (Agent Film) ಚಿತ್ರದ ಟೀಸರ್ ರಿಲೀಸ್ ಆಗಿದ್ದು, ಖಡಕ್ ಲುಕ್‌ನಲ್ಲಿ ನಟ ಮಿಂಚಿದ್ದಾರೆ. ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿದ್ದಾರೆ. ಅಖಿಲ್ ಪೋಸ್ಟ್‌ಗೆ ಸಮಂತಾ ರಿಯಾಕ್ಟ್ ಮಾಡಿದ್ದಾರೆ.

ಅಖಿಲ್ ಲುಕ್‌ಗೆ ಸ್ಯಾಮ್ ಕ್ರೇಜಿ ಕಾಮೆಂಟ್ ಮಾಡಿದ್ದಾರೆ. ಅತ್ಯುತ್ತಮ ಮೋಡ್ ಎಂದು ಕಾಮೆಂಟ್ ಮಾಡಿದ್ದಾರೆ. ಈ ಮೂಲಕ ಅಖಿಲ್ ಹೊಸ ಸಿನಿಮಾಗೆ ಸಮಂತಾ ಮೆಚ್ಚುಗೆ ಸೂಚಿಸಿದ್ದಾರೆ. ಈ ಮೂಲಕ ಅಕ್ಕಿನೇನಿ ಕುಟುಂಬದ ಜೊತೆ ನಟಿ ಸಂಪರ್ಕದಲ್ಲಿದ್ದಾರೆ. ಇವರಿಬ್ಬರ ಸ್ನೇಹ ನೋಡಿ ಅಭಿಮಾನಿಗಳು ಮತ್ತೆ ನಾಗ್-ಸ್ಯಾಮ್ ಒಂದಾಗಲಿ ಎಂದು ಆಶಿಸುತ್ತಿದ್ದಾರೆ.