ಬಾಲಿವುಡ್‌ನ `ಸಿಟಾಡೆಲ್' ಸೀರಿಸ್ ಒಪ್ಪಿಕೊಂಡಿದ್ಯಾಕೆ? ಕಾರಣ ಬಿಚ್ಚಿಟ್ಟ ಸಮಂತಾ

ನಟಿ ಸಮಂತಾ(Samantha) `ಮೈಯೋಸಿಟಿಸ್’ (Myositis) ಎಂಬ ಅಪರೂಪದ ಕಾಯಿಲೆಯಿಂದ ಇದೀಗ ಚೇತರಿಸಿಕೊಂಡಿದ್ದಾರೆ. ಮತ್ತೆ ಸಿನಿಮಾಗಳತ್ತ ಬ್ಯುಸಿಯಾಗಿದ್ದಾರೆ. ಹೀಗಿರುವಾಗ `ಸಿಟಾಡೆಲ್’ (Citadel) ಸೀರಿಸ್‌ನ ಸಮಯದ ಚರ್ಚೆ ಮಾಡ್ತಿರುವ ಫೋಟೋ ಶೇರ್ ಮಾಡಿ ಈ ಪ್ರಾಜೆಕ್ಟ್ ಒಪ್ಪಿಕೊಂಡಿದ್ದು ಯಾಕೆ ಅಂತಾ ಸಮಂತಾ ರಿವೀಲ್ ಮಾಡಿದ್ದಾರೆ.

`ಯಶೋದ’ (Yashoda)ಸೂಪರ್ ಸಕ್ಸಸ್ ನಂತರ ಸಮಂತಾ, `ಶಾಕುಂತಲಂ’ ರಿಲೀಸ್‌ಗೆ ಎದುರು ನೋಡ್ತಿದ್ದಾರೆ. ಈ ನಡುವೆ ಬಾಲಿವುಡ್ ಬಹುನಿರೀಕ್ಷಿತ ʻಸಿಟಾಡೆಲ್ʼ ಸೀರಿಸ್‌ನಲ್ಲಿ ಸಮಂತಾ ಮತ್ತು ತಂಡ ತೊಡಗಿದ್ದಾರೆ. ಇತ್ತೀಚಿನ ʻಸಿಟಾಡೆಲ್ʼ ಸೀರಿಸ್‌ನ ಸಮಂತಾ ಮಾಸ್ ಲುಕ್ ಸೋಷಿಯಲ್ ಮೀಡಿಯಾದಲ್ಲಿ ಸೆನ್ಸೇಷನ್ ಕ್ರಿಯೆಟ್ ಮಾಡಿತ್ತು.

ಆರೋಗ್ಯದಲ್ಲಿ ಚೇತರಿಕೆ ಕಂಡ ಬೆನ್ನಲ್ಲೇ `ಸಿಟಾಡೆಲ್’ ತಂಡ ವಿಶೇಷ ಫೋಟೋವೊಂದನ್ನ ನಟಿ ಹಂಚಿಕೊಂಡಿದ್ದಾರೆ. ಸಮಂತಾ ಜೊತೆ ವರುಣ್ ಧವನ್ (Varun Dhawan), ಸೀತಾ ಆರ್. ಮೆನಾನ್, ನಿರ್ದೇಶಕರಾದ ರಾಜ್, ಡಿ.ಕೆ ಕೃಷ್ಣ ಜೊತೆಗೆ ಸಮಯ ಕಳೆದಿದ್ದಾರೆ. ಮತ್ತೆ ಶೂಟಿಂಗ್ ಶುರು ಮಾಡಲು ಮಾತುಕತೆ ನಡೆಸಿದ್ದಾರೆ.‌ ಇದನ್ನೂ ಓದಿ: ಕನ್ನಡಕ್ಕೆ ವಿಜಯ್ ಸೇತುಪತಿ: ಇನ್ನೂ ಕನ್ಫರ್ಮ್ ಆಗಿಲ್ಲ ಅಂತಿದೆ ಟೀಮ್

View this post on Instagram

A post shared by Samantha (@samantharuthprabhuoffl)

ಫಸ್ಟ್ ಟೈಮ್ `ಸಿಟಾಡೆಲ್’ (Citadel) ಸೀರಿಸ್‌ನಲ್ಲಿ ನಟಿಸಬೇಕೋ ಅಥವಾ ಬೇಡ್ವಾ ಎಂದು ನಿರ್ಧಾರ ಮಾಡುವಾಗ ನನ್ನ ಹಾರ್ಟ್ ಬೀಟ್ ಜೋರಾಗಿತ್ತು. ಫ್ಯಾಮಿಲಿ ಮ್ಯಾನ್ ವೆಬ್ ಸೀರಿಸ್‌ನ ನಿರ್ದೇಶನಕ್ಕೆ ಮೆಚ್ಚುಗೆ ವ್ಯಕ್ತವಾದ ಕಾರಣ ನಾನು ಸಿಟಾಡೆಲ್ ಒಪ್ಪಿಕೊಂಡೆ. ಭಾರತೀಯ ಶೈಲಿಯಲ್ಲಿ ಸಿಟಾಡೆಲ್ ಕಥೆಯನ್ನ ಹೇಳಲಾಗುತ್ತಿದೆ. ಸ್ಕ್ರಿಪ್ಟ್ ಕೇಳಿ ರೋಮಾಂಚನವಾಯಿತು. ಈ ಟೀಮ್ ಜೊತೆ ಕೆಲಸ ಮಾಡಲು ಉತ್ಸುಕಳಾಗಿದ್ದೇನೆ ಎಂದು ಸಮಂತಾ ಹೇಳಿದ್ದಾರೆ.

ಇನ್ನೂ ಮೊದಲ ಬಾರಿಗೆ ಒಟ್ಟಿಗೆ ನಟಿಸುತ್ತಿರುವ ವರುಣ್ ಮತ್ತು ಸಮಂತಾ ಜೋಡಿ ನೋಡಲು ಅಭಿಮಾನಿಗಳು ಥ್ರಿಲ್ ಆಗಿದ್ದಾರೆ.