Connect with us

Cinema

ಬಲೂನ್‍ಗಿಂತ ಮುದ್ದಾದ ಮಗು ಜೊತೆ ವೀಕೆಂಡ್ ಕಳೆದ ನುಸ್ರತ್ ಜಹಾನ್

Published

on

ಕೋಲ್ಕತ್ತಾ: ಜನಪ್ರಿಯ ನಟಿ, ಸಂಸದೆ ನುಸ್ರತ್ ಜಹಾನ್ ಸಾಮಾಜಿಕ ಜಾಲತಾಣಗಳಲ್ಲಿ ಆಕ್ಟಿವ್ ಇರುತ್ತಾರೆ. ತಮ್ಮ ಪತಿ ಜೊತೆಗಿರುವ ಫೋಟೊಗಳನ್ನು ಹೆಚ್ಚು ಹಂಚಿಕೊಳ್ಳುವ ಮೂಲಕ ಸುದ್ದಿಯಾಗುತ್ತಿದ್ದ ನುಸ್ರತ್ ಜಹಾನ್, ಈ ಬಾರಿ ಬಲೂನು ಮಾರುವ ಚಿಕ್ಕ ಹುಡುಗನ ಫೋಟೋ ಹಾಕುವ ಮೂಲಕ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ.

ಮಗುವಿನೊಂದಿಗೆ ಕ್ಲಿಕ್ಕಿಸಿಕೊಂಡ ಫೋಟೋಗಳನ್ನು ನುಸ್ರತ್ ಇನ್‍ಸ್ಟಾಗ್ರಾಂ ನಲ್ಲಿ ಹಂಚಿಕೊಂಡಿದ್ದಾರೆ. ಸುಮಾರು ಒಂದೂವರೆ ವರ್ಷದ ಮಗು ರಸ್ತೆ ಬದಿಯಲ್ಲಿ ಬಲೂನು ಮಾರುತ್ತಿರುವ ಕುರಿತು ಗಮನ ಹರಿಸಿದ್ದಾರೆ. ಈ ವಿಶೇಷ ವ್ಯಕ್ತಿ ನನ್ನ ವಾರಾಂತ್ಯವನ್ನು ಸುಂದರವಾಗಿಸಿದ್ದಾನೆ. ಒಂದೂವರೆ ವರ್ಷದ ಈ ಪುಟ್ಟ ಮಗು ರಸ್ತೆ ಬದಿಯಲ್ಲಿ ಬಲೂನು ಮಾರುತ್ತದೆ. ಬಲೂನ್ ಗಳಿಗಿಂತ ಮಗು ಕ್ಯೂಟ್ ಮತ್ತು ಕಲರ್ ಫುಲ್ ಆಗಿದ್ದಾನೆ ಎಂದು ಬರೆದು ಲವ್ ಫಾರ್ ಆಲ್ ಹಾಗೂ ಲವ್ ಇಸ್ ದಿ ಓನ್ಲಿ ಲಾಂಗ್ವೇಜ್ ಎಂಬ ಹ್ಯಾಷ್ ಟ್ಯಾಗ್ ಹಾಕಿದ್ದಾರೆ.

ಇನ್‍ಸ್ಟಾಗ್ರಾಂ ನಲ್ಲಿ ಈ ಪೋಸ್ಟ್ ಹಾಕುತ್ತಿದ್ದಂತೆ ಹಲವರು ವಿಭಿನ್ನ ರೀತಿಯಲ್ಲಿ ಪ್ರತಿಕ್ರಿಯಿಸಿದ್ದು, ಬಹುತೇಕರು ಹಾರ್ಟ್ ಎಮೋಜಿ ಮೂಲಕ ತಮ್ಮ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಅಭಿಮಾನಿಯೊಬ್ಬರು ಕಮೆಂಟ್ ಮಾಡಿ ದೇವರು ನಿಮಗೆ ಒಳ್ಳೆಯದನ್ನು ಮಾಡಲಿ. ನಿಮ್ಮ ಮುಖದಂತೆ ನಿಮ್ಮ ಹೃದಯ ಸಹ ಸುಂದರ ಎಂದು ಬರೆದಿದ್ದಾರೆ.

ನುಸ್ರತ್ ಜಹಾನ್ ಅವರು ಕೋಲ್ಕತ್ತಾ ಮೂಲಕ ಉದ್ಯಮಿ ನಿಖಿಲ್ ಜೈನ್ ಅವರನ್ನು ಜೂನ್ 19ರಂದು ವಿವಾಹವಾಗಿದ್ದಾರೆ. ತೃಣಮೂಲ ಕಾಂಗ್ರೆಸ್ಸಿನ ಸಂಸದೆಯಾಗಿ ಜೂನ್ 25ರಂದು ಪ್ರಮಾಣವಚನ ಸ್ವೀಕರಿಸಿದ ನಂತರ ನುಸ್ರತ್ ಹೆಚ್ಚು ಸುದ್ದಿಯಲ್ಲಿದ್ದಾರೆ.

ನುಸ್ರತ್ ಜಹಾನ್ ಅವರು ಸಂಸತ್‍ನಲ್ಲಿ ಪ್ರಮಾಣ ಸ್ವೀಕರಿಸುವಾಗ ಹಣೆಗೆ ಕುಂಕುಮವಿಟ್ಟು, ಬಳೆ ಹಾಕಿಕೊಂಡಿದ್ದರು. ಇದಕ್ಕಾಗಿ ಹೆಚ್ಚು ಜನ ಟ್ರೋಲ್ ಮಾಡಿದ್ದರು. ಇದಕ್ಕೆ ತಕ್ಕ ಉತ್ತರ ನೀಡಿದ್ದ ನುಸ್ರತ್, ನಾನು ಆಂತರ್ಯದ ಭಾರತವನ್ನು ಪ್ರತಿನಿಧಿಸುತ್ತೇನೆ ಎಂದು ತಿರುಗೆಟು ನೀಡಿದ್ದರು.

 

View this post on Instagram

 

Navami Nites with @nikhiljain09 ????#firstdurgapuja

A post shared by Nusrat (@nusratchirps) on

ಇದಾದ ನಂತರ ತಮ್ಮ ಪತಿ ಹಾಗೂ ಕುಟುಂಬಸ್ಥರೊಂದಿಗೆ ತೆರಳಿ ದುರ್ಗಾ ಪೂಜೆಯನ್ನು ನೆರವೇರಿಸುವ ಮೂಲಕ ಹೆಚ್ಚು ಸುದ್ದಿಯಾಗಿದ್ದರು. ದುರ್ಗಾ ಪೂಜೆಯ ಪೆಂಡಾಲಿಗೆ ಭೇಟಿ ನೀಡಿದ್ದಕ್ಕಾಗಿ ಹಲವರು ಆಕ್ರೋಶ ವ್ಯಕ್ತಪಡಿಸಿದ್ದರು. ಇದಾವುದಕ್ಕೂ ನುಸ್ರತ್ ಅವರು ಸೊಪ್ಪು ಹಾಕದೆ, ತಕ್ಕ ಉತ್ತರ ನೀಡಿದ್ದರು.

Click to comment

Leave a Reply

Your email address will not be published. Required fields are marked *