ಕನ್ನಡದ ಬಿಂದಾಸ್ (Bindas Film) ನಟಿ ಹನ್ಸಿಕಾ ಮೋಟ್ವಾನಿ (Hansika Motwani) ಸದ್ಯ ಸೋಹೈಲ್ ಜೊತೆ ದಾಂಪತ್ಯ ಜೀವನವನ್ನ ಖುಷಿಯಾಗಿ ಕಳೆಯುತ್ತಿದ್ದಾರೆ. ಇದರ ನಡುವೆ ಒಂದಷ್ಟು ಪ್ರಶ್ನೆಗಳಿಗೆ, ಗಾಸಿಪ್ಗಳಿಗೆ ಅವರು ನಟಿ ಪ್ರತಿಕ್ರಿಯೆ ನೀಡಿದ್ದಾರೆ. ಮಗಳು ಬೇಗ ದೊಡ್ಡವಳಂತೆ ಕಾಣಿಸಬೇಕು ಎಂದು ಹನ್ಸಿಕಾಗೆ ಚಿಕ್ಕ ವಯಸ್ಸಿನಲ್ಲೇ ಅವರ ತಾಯಿ ಹಾರ್ಮೋನ್ ಇಂಜೆಕ್ಷನ್ (Harmon Injection) ಕೊಟ್ಟಿದ್ದರು ಎಂಬ ವದಂತಿ ಹಲವು ಬಾರಿ ಕೇಳಿಬಂದಿತ್ತು. ಇದೀಗ ಸಂದರ್ಶನವೊಂದರಲ್ಲಿ ಈ ಬಗ್ಗೆ ಅಮ್ಮ-ಮಗಳು ಮಾತನಾಡಿದ್ದಾರೆ. ಇಂಥ ವದಂತಿಗಳು ನಮಗೆ ನೋವುಂಟು ಮಾಡುತ್ತವೆ ಎಂದು ಬೇಸರ ಹೊರ ಹಾಕಿದ್ದಾರೆ.
ಪುನೀತ್ ರಾಜ್ಕುಮಾರ್ಗೆ (Puneeth Rajkumar) ನಾಯಕಿಯಾಗಿ ನಟಿಸಿದ್ದ ಹನ್ಸಿಕಾ ಅವರು ಇತ್ತೀಚಿಗೆ ಉದ್ಯಮಿ ಸೋಹೈಲ್ (Sohael) ಜೊತೆ ಮದುವೆಯಾದ ಬೆನ್ನಲ್ಲೇ ಗೆಳತಿಯ ಪತಿಯನ್ನೇ ಪಟಾಯಿಸಿದ್ದಳು ಎಂಬ ಸುದ್ದಿ ಸಖತ್ ಸದ್ದು ಮಾಡಿತ್ತು. ಬಳಿಕ ನನ್ನ ಮೊದಲ ಮದುವೆಯ ಡಿವೋರ್ಸ್ಗೂ ಹನ್ಸಿಕಾ ಅವರಿಗೂ ಯಾವುದೇ ರೀತಿಯ ಸಂಬಂಧವಿಲ್ಲ ಅಂತಾ ಸೋಹೈಲ್ ಸ್ಪಷ್ಟನೆ ನೀಡಿದ್ದರು. ಈಗ ಹಾರ್ಮೋನ್ ಇಂಜೆಕ್ಷನ್ ಸುದ್ದಿ ಬಗ್ಗೆ ಹನ್ಸಿಕಾ ಮತ್ತು ಅವರ ತಾಯಿ ಪ್ರತಿಕ್ರಿಯೆ ನೀಡಿದ್ದಾರೆ.
ಸೆಲೆಬ್ರಿಟಿಯಾಗಿ ಇಂಥ ಪರಿಸ್ಥಿತಿಗಳನ್ನು ಎದುರಿಸುವುದು ತುಂಬ ಕಷ್ಟವಾಗಿರುತ್ತದೆ. ನಾನು ಆಗ ಹಾರ್ಮೋನ್ ಇಂಜೆಕ್ಷನ್ ಪಡೆದುಕೊಂಡಿದ್ದರೆ, ಈಗಲೂ ಪಡೆಯುತ್ತಿರಬೇಕಲ್ಲವೇ? ನನ್ನ ತಾಯಿಯೇ ನನಗೆ ಹಾರ್ಮೋನ್ ಇಂಜೆಕ್ಷನ್ ನೀಡಿದ್ದರು ಎಂದು ವದಂತಿ ಹಬ್ಬಿತ್ತು. ಆ ಎಲ್ಲಾ ವದಂತಿಗಳನ್ನು ನಾನು ತಳ್ಳಿಹಾಕುತ್ತೇನೆ ಎಂದು ನಟಿ ಹನ್ಸಿಕಾ ಹೇಳಿದ್ದಾರೆ.
ಇನ್ನು ಹನ್ಸಿಕಾ ತಾಯಿ ಮೋನಾ (Mona) ಮೋಟ್ವಾನಿ ಕೂಡ ಪ್ರತಿಕ್ರಿಯಿಸಿದ್ದು, ಆ ರೀತಿ ಹಾರ್ಮೋನ್ ಇಂಜೆಕ್ಷನ್ ಖರೀದಿ ಮಾಡಬೇಕೆಂದರೆ, ನಾವು ಟಾಟಾ, ಬಿರ್ಲಾಗಿಂತ ಜಾಸ್ತಿ ಶ್ರೀಮಂತರಾಗಿರಬೇಕು ಅಥವಾ ನಾನು ಮಿಲಿಯನೇರ್ ಆಗಿರಬೇಕು. ಈ ರೀತಿಯ ವದಂತಿಗಳು ಹೇಗೆ ಹುಟ್ಟುತ್ತವೆ ಎಂದು ನನಗೆ ತಿಳಿದಿಲ್ಲ. ಇದನ್ನು ಹಬ್ಬಿಸುವ ಜನರಿಗೆ ಸಾಮಾನ್ಯ ಜ್ಞಾನವಿಲ್ಲ. ನಾವು ಪಂಜಾಬಿಗಳು, ನಮ್ಮ ಹುಡುಗಿಯರು 12 ರಿಂದ 16 ವರ್ಷಗಳ ನಡುವೆ ವೇಗವಾಗಿ ಬೆಳೆಯುತ್ತಾರೆ ಎಂದು ಹೇಳಿದ್ದಾರೆ. ಇದನ್ನೂ ಓದಿ:ಬೆಂಗಳೂರಿನ ಆರ್ಟ್ ಆಫ್ ಲಿವಿಂಗ್ನಲ್ಲಿ ರಜನಿಕಾಂತ್ ದಂಪತಿ
ಇನ್ನೂ ಹನ್ಸಿಕಾ ಮೋಟ್ವಾನಿ ಬಾಲನಟಿಯಾಗಿ ಐದಾರು ಸಿನಿಮಾ ಮಾಡಿದ್ದರು. 16ನೇ ವಯಸ್ಸಿಗೆ ನಾಯಕಿಯಾಗಿ ಹನ್ಸಿಕಾ ಮಿಂಚಿದ್ದರು. ಹಾಗಾಗಿ ಈ ತರಹದ ಸುದ್ದಿಗಳು ಹರಿದಾಡಿತ್ತು.
LIVE TV
[brid partner=56869869 player=32851 video=960834 autoplay=true]
Join our Whatsapp group by clicking the below link
https://chat.whatsapp.com/E6YVEDajTzH06LOh77r25k
