ಬಾಲನಟಿಯಾಗಿ ಕನ್ನಡ ಚಿತ್ರರಂಗಕ್ಕೆ ಎಂಟ್ರಿ ನಟಿ ಅನುಪ್ರಭಾಕರ್ ಸಾಕಷ್ಟು ಚಿತ್ರಗಳಲ್ಲಿ ನಾಯಕಿಯಾಗಿ ಸೈ ಎನಿಸಿಕೊಂಡಿದ್ದರು. ಜೀವನದಲ್ಲಿ ಸಾಕಷ್ಟು ಸವಾಲುಗಳನ್ನ ನಟಿ ಎದುರಿಸಿದ್ದಾರೆ. ಇದೀಗ ವೇದಿಕೆಯೊಂದರಲ್ಲಿ ಪತಿ ರಘು ಮುಖರ್ಜಿ ಮಾತು ಕೇಳಿ, ಅನುಪ್ರಭಾಕರ್ ಕಣ್ಣೀರಿಟ್ಟಿದ್ದಾರೆ.
Advertisement
90ರ ದಶಕದಲ್ಲಿ ಸಾಕಷ್ಟು ಸೂಪರ್ ಸ್ಟಾರ್‌ಗಳ ಜೊತೆ ನಾಯಕಿಯಾಗಿ ಮಿಂಚಿದ ಪ್ರತಿಭಾನ್ವಿತ ನಟಿ ಅನುಪ್ರಭಾಕರ್, ಸದ್ಯ ಸಿನಿಮಾ ಜೊತೆ ಮದುವೆ, ಸಂಸಾರ ಮಗಳ ಪಾಲನೆ ಎಂದು ಬ್ಯುಸಿಯಾಗಿದ್ದಾರೆ. ಪ್ರಸ್ತುತ `ನನ್ನಮ್ಮ ಸೂಪರ್ ಸ್ಟಾರ್ 2′ ರಿಯಾಲಿಟಿ ಶೋನಲ್ಲಿ ಜಡ್ಜ್ ಆಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ನಟಿ ಅನು ಅವರ ಹುಟ್ಟುಹಬ್ಬದ ಅಂಗವಾಗಿ ವೀಕೆಂಡ್ ಎಪಿಸೋಡ್‌ನಲ್ಲಿ ಪತಿ ರಘು ಕೂಡ ಕಾಣಿಸಿಕೊಂಡಿದ್ದಾರೆ. ತಮ್ಮ ಹಳೆಯ ಜೀವನದ ಬಗ್ಗೆ ರಘು ಮುಖರ್ಜಿ ಮುಕ್ತವಾಗಿ ಮಾತನಾಡಿದ್ದಾರೆ. ಪತಿಯ ಮಾತಿಗೆ ಅನುಪ್ರಭಾಕರ್ ಗಳಗಳನೆ ಅತ್ತಿದ್ದಾರೆ. ಇದನ್ನೂ ಓದಿ:ಕಾಲಿವುಡ್‌ನತ್ತ ಕನ್ನಡದ ನಟ ಭರತ್ ಭೋಪಣ್ಣ
Advertisement
Advertisement
ನಟಿ ಅನುಪ್ರಭಾಕರ್ (ನ.9)ರಂದು ಅವರ ಹುಟ್ಟುಹಬ್ಬವಾಗಿದ್ದು, ಶೋನಲ್ಲಿ ಅನು ಅವರ ಜೊತೆ ಪತಿ ರಘು ಮುಖರ್ಜಿ ಸಾಥ್ ನೀಡಿದ್ದಾರೆ. ʻನನ್ನಮ್ಮ ಸೂಪರ್ ಸ್ಟಾರ್ 2ʼನಲ್ಲಿ ಅದ್ದೂರಿಯಾಗಿ ಬರ್ತ್‌ಡೇ ಸೆಲೆಬ್ರೇಟ್ ಮಾಡಿದ್ದಾರೆ. ಮನುಷ್ಯನಿಗೆ ಒಳ್ಳೆಯ ಸಂಗಾತಿ ಸಿಕ್ಕರೆ, ಜೀವನ ಪೂರ್ಣ ಎನ್ನಿಸುತ್ತೆ ಎಂದಿದ್ದಾರೆ. ಎಲ್ರಿಗೂ ಗೊತ್ತಿರುವ ವಿಷ್ಯನೇ, ಅನು ಒಂದು ಲೈಫ್ ಇತ್ತು. ನನಗೆ ಒಂದು ಲೈಫ್ ಇತ್ತು. ಆದರೆ ಹಳೆಯ ಜೀವನ ಸರಿಇರಲಿಲ್ಲ. ಈಗ ಇಬ್ಬರೂ ಖುಷಿಯಾಗಿದ್ದೇವೆ ಎಂದು ರಘು ಮಾತನಾಡಿದ್ದಾರೆ.
Advertisement
ಪತಿ ರಘು ಹೇಳಿದ ಮಾತಿಗೆ ಅನುಪ್ರಭಾಕರ್ ಕಣ್ಣೀರು ಹಾಕಿದ್ದಾರೆ. ನನಗೆ ಜೀವಿಸಲು ಮತ್ತೊಂದು ಅವಕಾಶ ಕೊಟ್ಟಿದ್ದಕ್ಕೆ ದೇವರಿಗೆ ಧನ್ಯವಾದ ಹೇಳಿದ್ದಾರೆ. ದೇವರು ನಮಗೆ ಒಂದು ಅವಕಾಶ ಮಾಡಿಕೊಟ್ಟಿದ್ದಾನೆ. ನಮ್ಮನ್ನ ಒಂದು ಕಾರಣಕ್ಕೆ ಒಟ್ಟಿಗೆ ತಂದಿದ್ದಾನೆ ಎಂದು ನಟಿ ಭಾವುಕರಾಗಿದ್ದಾರೆ. ರಘು ಮುಖರ್ಜಿ ತಮ್ಮ ಜೀವನಕ್ಕೆ ಬಂದ ನಂತರ ಜೀವನ ಖುಷಿಯಾಗಿದೆ ಎಂದು ಅನುಪ್ರಭಾಕರ್ ಮಾತನಾಡಿದ್ದಾರೆ.
Live Tv
[brid partner=56869869 player=32851 video=960834 autoplay=true]
