ಮತ್ತೆ ಲವರ್‌ ಬಾಯ್‌ ಆಗಿ ಕಿರುತೆರೆಯತ್ತ ಸ್ಕಂದ ಅಶೋಕ್

Last updated: August 17, 2023 12:28 pm

1 Min Read

‘ರಾಧಾ ರಮಣ’ (Radha Ramana) ಖ್ಯಾತಿಯ ಸ್ಕಂದ ಅಶೋಕ್ (Skanda Ashok) ಕಿರುತೆರೆಯಲ್ಲಿ ಮತ್ತೆ ಸೆಕೆಂಡ್ ಇನಿಂಗ್ಸ್ ಶುರು ಮಾಡಿದ್ದಾರೆ. ‘ಅವನು ಮತ್ತು ಶ್ರಾವಣಿ’ ಎಂಬ ಸೀರಿಯಲ್ ಮೂಲಕ ಟಿವಿ ಪರದೆಯಲ್ಲಿ ಮಿಂಚಲು ಸಜ್ಜಾಗಿದ್ದಾರೆ. ಇದನ್ನೂ ಓದಿ:ಅಪ್ಪನ ಜೊತೆ ಹುಟ್ಟುಹಬ್ಬ ಆಚರಿಸಿಕೊಂಡ ರೂಪೇಶ್ ಶೆಟ್ಟಿ

ಬಹುಭಾಷಾ ನಟ ಸ್ಕಂದ ಅಶೋಕ್, ಸಿನಿಮಾ ಮತ್ತು ಕಿರುತೆರೆ ಎರಡರಲ್ಲೂ ಸಕ್ರಿಯರಾಗಿದ್ದಾರೆ. ಕಡೆಯದಾಗಿ ‘ಸರಸು’ (Sarasu) ಎಂಬ ಧಾರಾವಾಹಿಯಲ್ಲಿ ನಟಿಸಿದ್ದರು. ಈಗ ಅಭಿಮನ್ಯು ಆಗಿ ಕಿರುತೆರೆಗೆ ಎಂಟ್ರಿ ಕೊಡ್ತಿದ್ದಾರೆ. ಮುದ್ದಾದ ಪ್ರೇಮ ಕಥೆಯ ಜೊತೆ ಮೋಡಿ ಮಾಡಲು ಸ್ಕಂದ ಸಜ್ಜಾಗಿದ್ದಾರೆ.

ರಾಧಾ ರಮಣ (Radha Ramana) ಎಂಬ ಸೀರಿಯಲ್‌ನಲ್ಲಿ ರಮಣ ಎಂಬ ಪಾತ್ರ ಸ್ಕಂದಗೆ ಹೆಚ್ಚಿನ ಜನಪ್ರಿಯತೆ ನೀಡಿತ್ತು. ರಾಧಾ ಮಿಸ್ ಗಂಡನಾಗಿ, ಪಕ್ಕಾ ಬ್ಯುಸಿನೆಸ್ ಮ್ಯಾನ್ ರೋಲ್‌ನಲ್ಲಿ ಜನಮನ ಸೆಳೆದಿದ್ದರು. ಈಗ ಸ್ಕಂದ ಹೊಸ ಸೀರಿಯಲ್ ‘ಅವನು ಮತ್ತು ಶ್ರಾವಣಿ’ (Avanu Matte Shravani) ಪ್ರೋಮೋ ರಿವೀಲ್ ಆಗಿದೆ. ಈ ಮೂಲಕ ಸ್ಕಂದ ಮತ್ತೆ ಮೋಡಿ ಮಾಡ್ತಿದ್ದಾರೆ.

ಮಲಯಾಳಂನ ನೋಟ್ ಬುಕ್ (Note Book) ಎಂಬ ಸಿನಿಮಾ ಮೂಲಕ ಬಣ್ಣದ ಲೋಕಕ್ಕೆ ಚಿಕ್ಕಮಗಳೂರಿನ ಪ್ರತಿಭೆ ಸ್ಕಂದ ಪಾದಾರ್ಪಣೆ ಮಾಡಿದ್ದರು. ಚಾರುಲತಾ, ಪಾಸಿಟಿವ್, ಮಲ್ಲಿ ಮಲ್ಲಿ ಸೇರಿದಂತೆ ಹಲವು ಸಿನಿಮಾಗಳಲ್ಲಿ ಸ್ಕಂದ ನಟಿಸಿದ್ದಾರೆ.