ಶ್ರೀಲೀಲಾ ಜೊತೆ ಆ್ಯಕ್ಟ್ ಮಾಡೋದೇ ದೊಡ್ಡ ಚಾಲೆಂಜ್ ಎಂದ ನಿತಿನ್

ಎರಡು ವಾರದ ಹಿಂದೆ ಶ್ರೀಲೀಲಾರ ‘ಆದಿಕೇಶವ’ ಸಿನಿಮಾ ರಿಲೀಸ್ ಆಯ್ತು. ಒಂದೇ ಒಂದು ಕ್ಯಾಮೆರಾ ಮುಂದೆ ಕುಳಿತು ಶ್ರೀಲೀಲಾ ಸಿನಿಮಾದ ಬಗ್ಗೆ ಪ್ರಚಾರ ಮಾಡ್ಲಿಲ್ಲ. ಈಗ ನಿತಿನ್ ಅಭಿನಯದ ‘ಎಕ್ಸ್ಟ್ರಾರ್ಡಿನರಿ ಮ್ಯಾನ್’ (Extra Ordinary Man) ಸಿನಿಮಾ ರಿಲೀಸ್ ಆಗ್ತಿದೆ. ಆದರೂ ಶ್ರೀಲೀಲಾ ಅಡ್ರೆಸ್ಸ್ಗಿಲ್ಲ. ಎಲ್ಲಿ ಶ್ರೀಲೀಲಾ (Sreeleela) ಅಂತ ಕೇಳಿದ್ದೇ ತಡ ನಿತಿನ್ ಶ್ರೀಲೀಲಾ ಜನ್ಮ ಜಾತಕವನ್ನೇ ಬಿಚ್ಚಿಟ್ಟಿದ್ದಾರೆ.

ಟಾಲಿವುಡ್‌ನಲ್ಲಿ ಹತ್ತಿಪ್ಪತ್ತು ಸಿನಿಮಾಗಳಿಗೆ ಡೇಟ್ಸ್ ಕೊಟ್ಟಿದ್ದಾರೆ ಶ್ರೀಲೀಲಾ. ದೇವರು ಕೊಟ್ಟಾಗ ತಗೋಬೇಕು ಅನ್ನೋ ಶ್ರೀಲೀಲಾ ಪಾಲಿಸಿ ಚೆನ್ನಾಗೇನೊ ಇದೆ. ಆದರೆ ಇದು ಸಿನಿಮಾಗಳ ಮೇಲೆ ಯಾವ್ ಥರ ಪರಿಣಾಮ ಬೀರುತ್ತೆ ಅನ್ನೋದನ್ನ ನಟ ನಿತಿನ್ ವ್ಯಂಗ್ಯವಾಗಿ ಬಾಯ್ಬಿಟ್ಟಿದ್ದಾರೆ. ಯಾಕಂದ್ರೆ  ‘ಎಕ್ಸ್ಟ್ರಾರ್ಡಿನರಿ ಮ್ಯಾನ್’ ‘ ಸಿನಿಮಾ ರಿಲೀಸ್‌ಗೆ ಸಿದ್ಧವಾಗಿದೆ. ಲೀಲಾ ಮಾತ್ರ ನಾಪತ್ತೆ. ಕಾರಣ ಡೇಟ್ಸ್ ಇಲ್ಲ.

ಶ್ರೀಲೀಲಾ ಎಲ್ಲಿ ಅಂತ ಕೇಳಿದ್ದೇ ತಡ ನಿತಿನ್ ಪುಟಗಟ್ಟಲೆ ಬರೆವ ಕಂಟೆಂಟ್ ಕೊಟ್ಟಿದ್ದಾರೆ. ಓ ಅವ್ರಾ? ಅವ್ರ್ ಜೊತೆ ಆ್ಯಕ್ಟ್ ಮಾಡೋದೇ ದೊಡ್ಡ ಚಾಲೆಂಜ್. ಅವ್ರು ಡೇಟ್ಸ್ ಕೊಡೋದು ಇನ್ನೊಂದು ಚಾಲೆಂಜ್, ಶೂಟಿಂಗ್‌ಗೆ ಬಂದ್ರೆ ಅವರ ಸಮಯಕ್ಕೆ ತಕ್ಕಂತೆ ಶೂಟ್ ಮಾಡೋದು ಮಗದೊಂದು ಚಾಲೆಂಜ್, ಬಂದ್ಮೇಲೆ ಎಷ್ಟ್ ಗಂಟೆ ಇರ್ತಾರೋ ಅಷ್ಟ್ ಗಂಟೇಲಿ ಮುಗಿಸೋದು ಡೈರೆಕ್ಟರ್‌ಗಿರೋ ಚಾಲೆಂಜ್. ಇಷ್ಟೇ ಹೇಳಿದ್ದು ನಿತಿನ್. ಇದರ ಅರ್ಥ ಅವರವರ ಅಭಿಪ್ರಾಯಕ್ಕೆ ಬಿಟ್ಟಿದ್ದಾರೆ ನಿತಿನ್.

ಬಳಿಕ ಮಾತು ಮುಂದುವರೆಸಿದ ನಿತಿನ್ ಶ್ರೀಲೀಲಾ ಜೊತೆ ನಟಿಸಿದ್ದು ಒಳ್ಳೆಯ ಅನುಭವ. ಆಕೆ ಚೆನ್ನಾಗಿ ನಟಿಸುತ್ತಾಳೆ. ಡ್ಯಾನ್ಸ್ ಚೆನ್ನಾಗಿ ಮಾಡ್ತಾರೆ. ಆಕೆಯ ಸ್ಪೀಡಿಗೆ ಸಮನಾಗಿ ಡ್ಯಾನ್ಸ್ ಮಾಡಲು ನಾನು ಸಹ ಕಷ್ಟಪಡುವಂತಾಯಿತು. ಆಕೆಯನ್ನು ಮ್ಯಾಚ್ ಮಾಡಲು ನಾನು ಶ್ರಮಿಸಿದೆ. ಡ್ಯಾನ್ಸ್ ಮಾಡದಿದ್ದರೆ ನಿತಿನ್ ಕತೆ ಮುಗೀತು ಎಂದುಕೊಳ್ಳುತ್ತಾರೆ. ಆ ಭಯದಿಂದ ಕಷ್ಟಬಿದ್ದು ಡ್ಯಾನ್ಸ್ ಮಾಡುವಂತಾಯಿತು ಎಂದಿದ್ದಾರೆ.