‘ಪ್ರತಿನಿಧಿ 2′ (Prathinidhi 2) ಚಿತ್ರದಲ್ಲಿ ಜೋಡಿಯಾಗಿ ನಟಿಸಿದ್ದ ನಾರಾ ರೋಹಿತ್ (Nara rohit) ಮತ್ತು ಸಿರೀಶ ಲೆಲ್ಲಾ (Sireesha Lella) ಅಭಿಮಾನಿಗಳಿಗೆ ಗುಡ್ ನ್ಯೂಸ್ ಕೊಟ್ಟಿದ್ದಾರೆ. ರೀಲ್‌ನಲ್ಲಿ ಜೊತೆಯಾಗಿ ನಟಿಸಿದ್ದ ಈ ಜೋಡಿ ಇದೀಗ ರಿಯಲ್ ಲೈಫ್‌ನಲ್ಲಿ ಎಂಗೇಜ್ ಆಗಿದ್ದಾರೆ. ಸಿರೀಶಗೆ ನಾರಾ ರೋಹಿತ್ ಉಂಗುರದ ಮುದ್ರೆ ಒತ್ತಿದ್ದಾರೆ. ಇದನ್ನೂ ಓದಿ:ಮಂಗಳೂರು ಕುತ್ತಾರಿನ ಕೊರಗಜ್ಜ ಕ್ಷೇತ್ರಕ್ಕೆ ಶಿವಣ್ಣ ದಂಪತಿ ಭೇಟಿ
ಈ ವರ್ಷ ಮೇನಲ್ಲಿ ತೆರೆಕಂಡ ‘ಪ್ರತಿನಿಧಿ 2’ ಚಿತ್ರಮಂದಿರದಲ್ಲಿ ಸದ್ದು ಮಾಡಲಿಲ್ಲ. ಆದರೆ ರಿಯಲ್ ಲೈಫ್ ಮೂಲಕ ಈ ಜೋಡಿ ಸದ್ದು ಮಾಡುತ್ತಿದ್ದಾರೆ. ಈ ಚಿತ್ರದ ಮೂಲಕ ಪರಿಚಿತರಾದ ಜೋಡಿ ಮದುವೆಗೆ ಮುನ್ನಡಿ ಬರೆಯಲು ಹೊರಟಿದ್ದಾರೆ. ಸದ್ಯ ಅ.13ರಂದು ಹೈದರಾಬಾದ್‌ನಲ್ಲಿ ಅದ್ಧೂರಿಯಾಗಿ ಗುರುಹಿರಿಯರ ಸಮ್ಮುಖದಲ್ಲಿ ಈ ಜೋಡಿ ನಿಶ್ಚಿತಾರ್ಥ ಮಾಡಿಕೊಂಡಿದೆ.
ಅಂದಹಾಗೆ, ತೆಲುಗು ನಟ ನಾರಾ ರೋಹಿತ್ ಅವರು ಆಂಧ್ರ ಪ್ರದೇಶದ ಮುಖ್ಯಮಂತ್ರಿ ಚಂದ್ರಬಾಬು ನಾಯ್ಡು (Chandrababu Naidu) ಸಹೋದರ ರಾಮಮೂರ್ತಿ ನಾಯ್ಡು ಅವರ ಮಗ. ಹೊಸ ಜೋಡಿಗೆ ಚಂದ್ರಬಾಬು ನಾಯ್ಡು ಕೂಡ ಶುಭಕೋರಿದ್ದಾರೆ.
