Connect with us

Cinema

ಮಹಿಳಾ ಅಭಿಮಾನಿ ಮದ್ವೆಗೆ ಸರ್ಪ್ರೈಸ್ ಕೊಟ್ಟ ಮಹೇಶ್ ಬಾಬು!

Published

on

ಹೈದರಾಬಾದ್: ಟಾಲಿವುಡ್ ನಟ ಮಹೇಶ್ ಬಾಬು ತಮ್ಮ ಅಭಿಮಾನಿಗಳ ಜೊತೆ ಹೆಚ್ಚು ಸಮಯ ಕಳೆಯುತ್ತಾರೆ. ಹೀಗೆ ತಮ್ಮ ಮಹಿಳಾ ಅಭಿಮಾನಿಯ ಮದುವೆಗೆ ಸರ್ಪ್ರೈಸ್ ನೀಡಿ ವಧುವನ್ನು ಖುಷಿಪಡಿಸಿದ್ದಾರೆ.

ಸುಲೇಖಾ, ಮಹೇಶ್ ಬಾಬು ಅವರ ಕಟ್ಟ ಅಭಿಮಾನಿಯಾಗಿದ್ದು, ಇತ್ತೀಚೆಗೆ ಹೈದರಾಬಾದ್‍ನಲ್ಲಿ ಮದುವೆಯಾಗಿದ್ದರು. ಮದುವೆಯಲ್ಲಿ ಮಹೇಶ್ ಬಾಬು ಸ್ವತಃ ತಯಾರು ಮಾಡಿದ ಗ್ರೀಟಿಂಗ್ ಕಾರ್ಡ್ ಉಡುಗೊರೆಯಾಗಿ ಪಡೆದರು.

ಸುಲೇಖಾ ಮದುವೆ ದಿನ ಆಕೆಯ ಸಂಬಂಧಿಕರು ಆ ಗ್ರೀಟಿಂಗ್ ಕಾರ್ಡ್ ಅನ್ನು ಉಡುಗೊರೆಯಾಗಿ ನೀಡಿದ್ದರು. ಆ ಕಾರ್ಡ್ ನಲ್ಲಿ ನಟ ಮಹೇಶ್ ಬಾಬು ಹಾಗೂ ಅವರ ಪತ್ನಿ ನಮ್ರತಾ ಸಿರೋದ್ಕರ್ ತಮ್ಮ ಆಟೋಗ್ರಾಫ್ ನೀಡಿದ್ದಾರೆ.

ಸುಲೇಖಾ ಅವರ ಸಂಬಂಧಿಕರು ಮದುವೆಯ ಆಹ್ವಾನ ಪತ್ರಿಕೆಯನ್ನು ಮಹೇಶ್ ಬಾಬು ಅವರಿಗೆ ಕಳುಹಿಸಿದ್ದರು. ಆಗ ಮಹೇಶ್ ಬಾಬು ಹಾಗೂ ಅವರ ಪತ್ನಿ ಆಹ್ವಾನ ಪ್ರತಿಕೆಯಲ್ಲಿ ತಮ್ಮ ಸಹಿಯನ್ನು ಹಾಕಿ ಹಿಂದಿರುಗಿಸಿದ್ದಾರೆ.

ಸದ್ಯ ವಧು ಸುಲೇಖಾ ಮಹೇಶ್ ಬಾಬು ನೀಡಿರುವ ಕಾರ್ಡ್ ಓದುತ್ತಿರುವ ಫೋಟೋವನ್ನು ಕ್ಯಾಮೆರಾಮೆನ್ ಕ್ಲಿಕಿಸಿದ್ದು, ಈ ಕ್ಷಣ ಸುಲೇಖಾ ಬದುಕಲ್ಲಿ ಅದ್ಭುತ ಕ್ಷಣ ಎಂದು ಕುಟುಂಬಸ್ಥರು ತಮ್ಮ ಮೆಚ್ಚುಗೆಯನ್ನು ವ್ಯಕ್ತಪಡಿಸಿದ್ದಾರೆ.

Click to comment

Leave a Reply

Your email address will not be published. Required fields are marked *