ಮಲೇಷಿಯಾದಲ್ಲಿ ಕಿಚ್ಚ ಫ್ಯಾಮಿಲಿ

ಬೆಂಗಳೂರು: ಇತ್ತೀಚೆಗೆ ನಟ ಕಿಚ್ಚ ಸುದೀಪ್ ತಮ್ಮ ಪತ್ನಿ ಪ್ರಿಯಾ ಸುದೀಪ್ ಮತ್ತು ಮಗಳು ಸಾನ್ವಿ ಜೊತೆ ಬಿಡುವು ಮಾಡಿಕೊಂಡು ಪ್ರವಾಸಕ್ಕೆ ಹೋಗಿ ಬಂದಿದ್ದಾರೆ.

ಸುದೀಪ್ ಮಗಳು ಸಾನ್ವಿಗೆ ಬೇಸಿಗೆ ರಜೆ ಶುರುವಾಗಿದೆ. ಶಾಲೆಗೆ ಹೋಗುವ ಮಕ್ಕಳಿಗೆ ರಜಾ ಸಿಕ್ಕಿರೆ ಸಾಕು ಮಜಾ ಮಾಡುವ, ಸುತ್ತಾಡುವ ಮೂಡನಲ್ಲಿರುತ್ತಾರೆ. ಆದ್ದರಿಂದ ಸುದೀಪ್ ದಂಪತಿ ಮತ್ತು ಮಗಳು ಪ್ರವಾಸಕ್ಕೆ ಹೋಗಿ ಬಂದಿದ್ದಾರೆ.

ಸಾಲು ಸಾಲು ಸಿನಿಮಾಗಳ ಶೂಟಿಂಗ್ ನಲ್ಲೂ ಬಿಡುವು ಇದ್ದಾಗ ತಮ್ಮ ಪ್ರೀತಿಯ ಮಗಳು ಮತ್ತು ಪತ್ನಿಯ ಜೊತೆ ಆರು ದಿನಗಳ ಕಾಲ ಮಲೇಷಿಯಾ ಪ್ರವಾಸಕ್ಕೆ ಹೋಗಿ ಬಂದಿದ್ದಾರೆ. ಪ್ರವಾಸ ಮುಗಿಸಿ ಬಂದ ನಂತರ ಪ್ರಿಯಾ ಸುದೀಪ್ ಅಲ್ಲಿ ತೆಗೆದ ಫೋಟೋಗಳನ್ನು ಟ್ವಿಟ್ಟರ್ ನಲ್ಲಿ ಪೋಸ್ಟ್ ಮಾಡಿ ನನಗೆ ಇಷ್ಟವಾದ ವ್ಯಕ್ತಿಗಳ ಜೊತೆ ಮರೆಯಲಾಗದ ಮಧುರ ಕ್ಷಣಗಳು ಎಂದು ಬರೆದುಕೊಂಡಿದ್ದಾರೆ.

ಸುದೀಪ್ ಮೊದಲು ಮಗಳನ್ನ ಜಪಾನ್ ಗೆ ಕರೆದುಕೊಂಡು ಹೋಗಬೇಕೆಂದು ಅಂದುಕೊಂಡಿದ್ದರು. ಆದರೆ ಶೂಟಿಂಗ್ ಇದ್ದುದ್ದರಿಂದ ಆರು ದಿನಗಳ ಕಾಲ ಮಾತ್ರ ರಜೆ ಇತ್ತು. ಆದ್ದರಿಂದ ಮಲೇಷಿಯಾಕ್ಕೆ ಹೋಗಿ ಬಂದಿದ್ದಾರೆ ಎನ್ನಲಾಗಿದೆ. ಸದ್ಯಕ್ಕೆ ಸುದೀಪ್ `ಅಂಬಿ ನಿಂಗೆ ವಯಸ್ಸಾಯ್ತೋ’ ಸಿನಿಮಾದ ಶೂಟಿಂಗ್ ನಲ್ಲಿ ತೊಡಗಿದ್ದಾರೆ.

Flying around Malaysia in a beautiful balloon ????…making wonderful memories with my favourite people ???? pic.twitter.com/BGLmokz4Kg

— Priya Sudeep/ಪ್ರಿಯ (@iampriya06) May 2, 2018