ಹೈದರಾಬಾದ್: ತೆಲುಗು ಸೂಪರ್ ಸ್ಟಾರ್ ಜೂನಿಯರ್ ನಂದಮೂರಿ ರಾಮ್ ರಾವ್ ದಂಪತಿಗೆ ಎರಡನೇ ಮಗುವಾಗಿದ್ದು, ಅವರ ಮನೆಗೆ ಹೊಸ ಅತಿಥಿ ಆಗಮನವಾಗಿದೆ.
ನಂದಮೂರಿ ಪತ್ನಿ ಲಕ್ಷ್ಮಿ ಪ್ರಣತಿ ಅವರು ಗುರುವಾರ ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ. ಈ ದಂಪತಿಗೆ ಈಗಾಗಲೇ ಐದು ವರ್ಷದ ಅಭಯ್ ರಾಮ್ ಮಗನಿದ್ದಾನೆ. ತಮಗೆ ಮಗುವಾದ ಸಂತಸವನ್ನು ಎನ್.ಟಿ.ಆರ್ ಟ್ವಿಟ್ಟರ್ ಮೂಲಕ ವ್ಯಕ್ತಪಡಿಸಿದ್ದಾರೆ. ಅಷ್ಟೇ ಅಲ್ಲದೇ `ನನಗೆ ಗಂಡು ಮಗು ಜನಿಸಿದೆ. ನಮ್ಮ ಕುಟುಂಬ ಈಗ ದೊಡ್ಡದಾಗುತ್ತಿದೆ’ ಎಂದು ಬರೆದು ಕೊಂಡಿದ್ದಾರೆ.
ಈಗಾಗಲೇ ನಂದಮೂರಿ ಅವರ ಎರಡನೇ ಮಗುವಿನ ಫೋಟೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ಒಂದು ಕಡೆ ಮಗುವಿನ ಫೊಟೋ ಮತ್ತೊಂದು ಕಡೆ ಎನ್.ಟಿ.ಆರ್ ಫೋಟೋ ಹಾಕಲಾಗಿದೆ. ಆದರೆ ಆ ಮಗು ಅವರದ್ದ ಇಲ್ಲವಾ ಎಂದು ಖಚಿತ ಮಾಹಿತಿ ತಿಳಿದು ಬಂದಿಲ್ಲ. ಆದರೆ ಮಗುವಿನ ಫೋಟೋ ಸಾಮಾಜಿಕ ತಾಣಗಳಲ್ಲಿ ವೈರಲ್ ಆಗಿದೆ.
2011ರಲ್ಲಿ ಎನ್ ಟಿಆರ್ ಮತ್ತು ಲಕ್ಷ್ಮಿ ಪ್ರಣತಿ ಅವರ ಮದುವೆ ನೆರವೇರಿತ್ತು. ಈ ದಂಪತಿ ಎರಡನೇ ಸಲ ಹೆಣ್ಣು ಮಗುವಿನ ನಿರೀಕ್ಷೆಯಲ್ಲಿದ್ದು, ಆ ಮಗುವಿಗೆ ಎನ್.ಟಿ.ಆರ್ ತಮ್ಮ ಅಜ್ಜಿಯ ಹೆಸರು ಇಡಬೇಕೆಂದು ನಿರ್ಧರಿಸಿದ್ದರು ಈ ಹಿಂದೆ ಮಾಧ್ಯಮಗಳಲ್ಲಿ ಸುದ್ದಿ ಪ್ರಕಟವಾಗಿತ್ತು.
ಎನ್.ಟಿ.ಆರ್ ಟ್ವಿಟ್ಟರ್ ನಲ್ಲಿ ತಂದೆಯಾದ ಬಗ್ಗೆ ಹೇಳಿದ ಕೂಡಲೇ ಅನೇಕ ನಟ-ನಟಿಯರು ಮತ್ತು ಸಿನಿಮಾರಂಗದವರು ಶುಭಾಶಯವನ್ನು ತಿಳಿಸಿದ್ದಾರೆ. ಎನ್ ಟಿಆರ್ ಅನೇಕ ತೆಲುಗು ಸಿನಿಮಾಗಳನ್ನು ಮಾಡಿ ಯಶಸ್ಸುಕಂಡಿದ್ದು, ಟಾಲಿವುಡ್ ನ ಬೇಡಿಕೆಯ ನಟರಾಗಿದ್ದಾರೆ. ಸದ್ಯಕ್ಕೆ ಎನ್.ಟಿ.ಆರ್ `ಅರವಿಂದ ಸಮೇಧಾ’ ಮತ್ತು ರಾಜಮೌಳಿ ನಿರ್ದೇಶನದ ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ.
The family grows bigger. It’s a BOY!
— Jr NTR (@tarak9999) June 14, 2018
