ಎಲ್ಲ ನಟರ ಫ್ಯಾನ್ಸ್‌ಗೆ ಮನವಿ ಜೊತೆ ಬುದ್ಧಿವಾದ ಹೇಳಿದ ನಟ ಧ್ರುವ ಸರ್ಜಾ

ನಟ ಧ್ರುವ ಸರ್ಜಾ (Dhruva Sarja) ನಿನ್ನೆಯಷ್ಟೇ ನಡೆದ ರಾಣ (Rana) ಸಿನಿಮಾದ ಟ್ರೇಲರ್ ರಿಲೀಸ್ ಕಾರ್ಯಕ್ರಮದಲ್ಲಿ ಅತಿಥಿಯಾಗಿ ಭಾಗಿಯಾಗಿ, ಎಲ್ಲ ನಟರ ಅಭಿಮಾನಿಗಳಿಗೆ ಕಿವಿಮಾತು ಹೇಳಿದ್ದಾರೆ. ತಮ್ಮ ಮನವಿಯನ್ನು ಫ್ಯಾನ್ಸ್ ಈಡೇರಿಸಿದರೆ, ಕನ್ನಡದ ಎಲ್ಲ ಸಿನಿಮಾಗಳು ಗೆಲ್ಲುತ್ತವೆ ಎನ್ನುವ ಆಸೆಯನ್ನು ಅವರು ವ್ಯಕ್ತಪಡಿಸಿದ್ದಾರೆ. ದಯವಿಟ್ಟು, ನನ್ನ ಮಾತು ಕೇಳಿ ಎಂದೂ ಅವರು ಹೇಳಿದ್ದಾರೆ.

ರಾಣ ಸಿನಿಮಾದ ಟ್ರೇಲರ್ ರಿಲೀಸ್ ಮಾಡಿ ಮಾತನಾಡಿದ ಅವರು, ‘ನಾನು ಅವರ ಫ್ಯಾನ್, ನೀನು ಇವರ ಫ್ಯಾನ್ (Fans) ಅಂತ ಹೇಳದೇ, ಕನ್ನಡದ (Kannada) ಎಲ್ಲ ನಟರ, ಎಲ್ಲ ಸಿನಿಮಾಗಳನ್ನು (Cinema) ನೋಡಿ. ಅದರಲ್ಲೂ ಕನ್ನಡದ ಸಿನಿಮಾಗಳನ್ನು ನೋಡಿ. ಆಗ ಕನ್ನಡ ಸಿನಿಮಾ ರಂಗ ಮತ್ತಷ್ಟು ಬೆಳೆಯುತ್ತದೆ ಎಂದು ಅವರು ಹೇಳಿದ್ದಾರೆ. ಪರೋಕ್ಷವಾಗಿ ಅವರು ಫ್ಯಾನ್ಸ್ ವಾರ್ ಕುರಿತಾಗಿಯೂ ಕುಟುಕಿದ್ದಾರೆ. ಇದನ್ನೂ ಓದಿ:ದೇವರು ಮೆಚ್ಚೋದಿಲ್ಲ ಎಂದು ಸಾನ್ಯ ವಿರುದ್ಧ ರಾಂಗ್ ಆದ ಸಂಬರ್ಗಿ

ಇತ್ತೀಚಿನ ದಿನಗಳಲ್ಲಿ ಫ್ಯಾನ್ಸ್ ವಾರ್ ಜೋರಾಗಿಯೇ ನಡೆಯುತ್ತಿದೆ. ತಮ್ಮ ನೆಚ್ಚಿನ ನಟರ ಸಿನಿಮಾಗಳನ್ನು ನೋಡಿ, ಉಳಿದ ನಟರ ಸಿನಿಮಾಗಳನ್ನು ನಿರ್ಲಕ್ಷ್ಯ ಮಾಡುತ್ತಾರೆ ಎನ್ನುವ ಮಾತೂ ಗಾಂಧಿ ನಗರದಲ್ಲಿ ಕೇಳಿ ಬರುತ್ತಿದೆ. ಅಲ್ಲದೇ, ಬೇರೆ ನಟರ ಸಿನಿಮಾಗಳ ಬಗ್ಗೆ ನೆಗೆಟಿವ್ ಕಾಮೆಂಟ್ ಮಾಡುವಂತಹ ಕೆಟ್ಟ ಚಾಳಿಯೊಂದು ಇತ್ತೀಚೆಗೆ ಶುರುವಾಗಿದೆ. ಇದನ್ನೆಲ್ಲ ಗಮನಿಸಿಯೇ ಧ್ರುವ ಸರ್ಜಾ ಎಲ್ಲ ಅಭಿಮಾನಿಗಳಲ್ಲಿ ವಿಶೇಷ ಮನವಿ ಮಾಡಿದ್ದಾರೆ.

Live Tv
[brid partner=56869869 player=32851 video=960834 autoplay=true]