ಬೆಂಗಳೂರು: ಟಗುರು ಸಿನಿಮಾದಲ್ಲಿ ವಿಲನ್ ಡಾಲಿ ಆಗಿ ಮಿಂಚಿದ್ದ ಧನಂಜಯ್, ಶಿವಣ್ಣ ಹಾಗೂ ಗೀತಾ ಅವರ ಜೋಡಿ ನೋಡಿ ಈ ಒಂಟಿ ಬಾಳು ಬೇಕಾ ನಮಗೆ ಎಂದು ಇನ್‍ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ್ದಾರೆ.
ಟಗರು ಸಿನಿಮಾ ದೇಶಾದ್ಯಂತ ಯಶಸ್ವಿ ಕಾಣುತ್ತಿದ್ದು, ಈಗ ವಿದೇಶದಲ್ಲೂ ಯಶಸ್ವಿ ಪ್ರದರ್ಶನ ಕಾಣುತ್ತಿದೆ. ಇದೀಗ ಈ ಸಿನಿಮಾ ಮಸ್ಕತ್‍ನಲ್ಲಿ ಬಿಡುಗಡೆಯಾಗಿದ್ದು, ಚಿತ್ರತಂಡದ ಸದಸ್ಯರು ಮಸ್ಕತ್‍ಗೆ ಭೇಟಿ ನೀಡಿದ್ದಾರೆ.
Advertisement
ಟಗರು ಚಿತ್ರತಂಡ ಜೊತೆಗೆ ಶಿವರಾಜ್‍ಕುಮಾರ್ ಅವರ ಪತ್ನಿ ಗೀತಾ ಕೂಡ ಸಾಥ್ ನೀಡಿದ್ದಾರೆ. ಈ ವೇಳೆ ಮಸ್ಕತ್‍ನಲ್ಲಿ ಲವ್ ಎಂದಿರುವ ಜಾಗದಲ್ಲಿ ಶಿವರಾಜ್‍ಕುಮಾರ್ ತಮ್ಮ ಪತ್ನಿ ಗೀತಾ ಜೊತೆ ಫೋಟೋಗೆ ಪೋಸ್ ನೀಡಿದ್ದರು.
Advertisement
Advertisement
ಈ ಫೋಟೋವನ್ನು ಧನಂಜಯ್ ತಮ್ಮ ಫೋಟೋ ಜೊತೆ ಒಂದೇ ಫೋಟೋವನ್ನಾಗಿ ಮಾಡಿ ಅದನ್ನು ತಮ್ಮ ಇನ್‍ಸ್ಟಾಗ್ರಾಂನಲ್ಲಿ ಹಾಕಿದ್ದಾರೆ. ಆ ಫೋಟೋಗೆ ‘ಈ ಒಂಟಿ ಬಾಳು ಬೇಕಾ ನಮಗೆ’ ಎಂದು ಬರೆದು ಪೋಸ್ಟ್ ಮಾಡಿದ್ದಾರೆ.
Advertisement
ಸದ್ಯ ಈ ಫೋಟೋಗೆ ಅಭಿಮಾನಿಗಳು ಪ್ರತಿಕ್ರಿಯಿಸಿ ಬೇಗ ಮದುವೆ ಆಗಿ ಡಾಲಿ ಎಂದು ಧನಂಜಯ್ ಅವರಿಗೆ ಸಲಹೆ ನೀಡುತ್ತಿದ್ದಾರೆ. ಇನ್ನೂ ಕೆಲವರು ಮದುವೆ ಬದಲು ಸಿಂಗಲ್ ಆಗಿ ಇರುವುದೇ ಬೆಸ್ಟ್ ಎಂದು ಕಮೆಂಟ್ ಮಾಡಿದ್ದಾರೆ.
