ಹಿಂಬದಿಯಿಂದ ಶಾಲಾ ಬಸ್ ಡಿಕ್ಕಿ-4 ವರ್ಷದ ಬಾಲಕಿ ಸಾವು

ಬೆಂಗಳೂರು: ಶಾಲಾ ಬಸ್ ಹಿಂಬದಿಯಿಂದ ಡಿಕ್ಕಿ ಹೊಡೆದು ನಾಲ್ಕು ವರ್ಷದ ಬಾಲಕಿ ಸಾವನ್ನಪ್ಪಿರುವ ಘಟನೆ ನಗರದ ಹೊರವಲಯದ ನೆಲಮಂಗಲ ತಾಲೂಕಿನ ಅರಿಶಿಣಕುಂಟೆ ಬಳಿ ನಡೆದಿದೆ.

ವರ್ಷ (4) ಮೃತ ಬಾಲಕಿ. ವರ್ಷ ಎಸ್‍ಎಂ ರ್ಯಾಂಕಿಂಗ್ ಇಂಟರ್ ನ್ಯಾಷನಲ್ ಶಾಲೆಯಲ್ಲಿ ಎಲ್‍ಕೆಜಿ ಓದುತ್ತಿದ್ದಳು. ಎಂದಿನಂತೆ ಇಂದು ಕೂಡ ವರ್ಷ ಶಾಲಾ ಬಸ್‍ನಲ್ಲಿ ಬಂದಿದ್ದಳು. ಆದ್ರೆ ಬಾಲಕಿಯನ್ನು ಬಸ್‍ನಿಂದ ಇಳಿಸುವಾಗ ಈ ಅವಘಡ ಸಂಭವಿಸಿದೆ.

ಘಟನೆಯ ನಂತರ ಬಸ್ ಚಾಲಕ ನಾಪತ್ತೆಯಾಗಿದ್ದಾನೆ. ಇತ್ತ ಮಗಳನ್ನು ಕಳೆದುಕೊಂಡ ಪೋಷಕರ ಆಕ್ರಂದನ ಮುಗಿಲು ಮುಟ್ಟಿದೆ. ಈ ಸಂಬಂಧ ನೆಲಮಂಗಲ ಸಂಚಾರಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.