Connect with us

Bengaluru City

ಜೆಡಿಎಸ್ ಅಭಿಮಾನಿಯಿಂದ ದೇವರಿಗೆ ವಿನೂತನ ಕೋರಿಕೆ!

Published

on

ಬೆಂಗಳೂರು: ಜೆಡಿಎಸ್ ಅಭಿಮಾನಿಯೊಬ್ಬ ನಿಖಿಲ್ ಗೆಲುವಿಗಾಗಿ ದೇವರಿಗೆ ವಿನೂತನವಾಗಿ ಕೋರಿಕೆ ಸಲ್ಲಿಕೆ ಮಾಡಿದ ಘಟನೆ ನಡೆದಿದೆ.

ಶನಿವಾರ ನಡೆದ ಮಾಗಡಿ ಸಾವನದುರ್ಗದ ಪ್ರತಿಷ್ಠಿತ ನರಸಿಂಹಸ್ವಾಮಿ ತೇರಿನ ಸಮಯದಲ್ಲಿ ಈ ದೃಶ್ಯ ಕಂಡು ಬಂದಿದೆ ನಿಖಿಲ್ ಗೆಲ್ಲಪ್ಪ, ಹ್ಯಾಪಿ ಬರ್ತ್ ಡೇ ದೇವೇಗೌಡರೇ ಹಾಗೂ ಎಚ್ ಎಮ್ ಟಿ ವಿನ್ ಎಂದು ಬಾಳೆಹಣ್ಣಿನ ಮೇಲೆ ಬರೆದು ದೇವರ ತೇರಿಗೆ ಕೋರಿಕೆ ಸಲ್ಲಿಸಿದ್ದಾರೆ.

ಬಾಳೆಹಣ್ಣಿನ ಮೇಲೆ ತಮ್ಮ ಮನದಿಂಗಿತ ಬರೆದು ತೇರಿನ ಮೇಲೆ ಎಸೆಯೋದು ವಾಡಿಕೆಯಾಗಿದೆ. ಈ ಹಿನ್ನೆಲೆಯಲ್ಲಿ ಅಭಿಮಾನಿಯೊಬ್ಬರು ನಿಖಿಲ್ ಗೆಲುವಿಗಾಗಿ ಈ ಮೂಲಕ ಪ್ರಾರ್ಥನೆ ಮಾಡಿಕೊಂಡಿದ್ದಾರೆ ಎನ್ನಲಾಗಿದೆ.

ಈ ಹಿಂದೆ ಬೆಳಗಾವಿ ಜಿಲ್ಲೆಯ ರಾಮದುರ್ಗ ಪಟ್ಟಣದಲ್ಲಿ ಲಕ್ಷ್ಮೀ ವೆಂಕಟೇಶ್ವರ ಜಾತ್ರೆ ನಡೆದಿದ್ದು, ರಥೋತ್ಸವ ವೇಳೆ ತೇರಿಗೆ ಬಾಳೆಹಣ್ಣು ಮತ್ತು ಖರ್ಜೂರ ಎಸೆಯುವಾಗ ಯುವಕರು `ನಿಖಿಲ್ ಎಲ್ಲಿದ್ದೀಯಪ್ಪ’ ಎಂದು ಘೋಷಣೆ ಕೂಗಿದ್ದರು. ಒಬ್ಬರು ನಿಖಿಲ್ ಎಲ್ಲಿದ್ದೀಯಪ್ಪ ಎಂದು ಕೂಗಿದರೆ ಆತನಿಗೆ ಉತ್ತರಿಸುವಂತೆ ಅನೇಕ ಯುವಕರು `ಅಪ್ಪ ರಾಮದುರ್ಗ ಜಾತ್ರೆಯಲ್ಲಿ ಇದ್ದೀನಿ ಅಪ್ಪ’ ಎಂದು ಹೇಳಿದ್ದರು. ಯುವಕರು ಘೋಷಣೆ ಕೂಗಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿತ್ತು.

Click to comment

Leave a Reply

Your email address will not be published. Required fields are marked *