ನವದೆಹಲಿ: ವ್ಯಕ್ತಿಯೊಬ್ಬ ನಾಯಿಯೊಂದಕ್ಕೆ ಕಿರುಕುಳ ನೀಡುತ್ತಿದ್ದು, ಅದನ್ನು ನೋಡಿದ ಹಸು ನಾಯಿಯನ್ನು ರಕ್ಷಿಸಿದ್ದು, ವ್ಯಕ್ತಿಯ ಮೇಲೆ ದಾಳಿ ಮಾಡಿದೆ. ಈ ವೀಡಿಯೋವನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಲಾಗಿದ್ದು, ವೈರಲ್ ಆಗುತ್ತಿದೆ.
ವೀಡಿಯೋದಲ್ಲಿ ನಾಯಿಯನ್ನು ವ್ಯಕ್ತಿಯೊಬ್ಬ ತನ್ನ ಮೋಜಿಗಾಗಿ ಕಿರುಕುಳ ಕೊಡುತ್ತಿದ್ದ. ನಾಯಿ ನೋವಿನಿಂದ ಕಿರುಚಿ, ನರಳುತ್ತಿದ್ದರೂ ಮನಸ್ಸು ಕರಗದೆ ಹಿಂಸಿಸುತ್ತಿದ್ದನು. ಇದನ್ನೂ ಓದಿ: ತಾಲಿಬಾನ್ ಭಾರತದತ್ತ ಬಂದರೆ ಏರ್ ಸ್ಟ್ರೈಕ್: ಯೋಗಿ ಆದಿತ್ಯನಾಥ್
ವ್ಯಕ್ತಿಯು ನಾಯಿಯ ಕುತ್ತಿಗೆಯನ್ನು ಮೇಲಕ್ಕೆ ಎತ್ತಿ ಎಳೆದಾಡುತ್ತಿದ್ದನು. ಈ ವೇಳೆ ಇದ್ದಕ್ಕಿದ್ದಂತೆ ಹಸುವೊಂದು ಸ್ಥಳಕ್ಕೆ ನುಗ್ಗಿ ಅಸಹಾಯಕ ನಾಯಿಯನ್ನು ಆ ವ್ಯಕ್ತಿಯಿಂದ ದೂರ ತಳ್ಳಿದೆ. ನಂತರ, ಆ ಹಸು ವ್ಯಕ್ತಿಯ ಮೇಲೆ ದಾಳಿ ನಡೆಸಿ ಬೀಳಿಸಿದೆ.
Karma ???????? pic.twitter.com/AzduZTqXH6
— Susanta Nanda IFS (@susantananda3) October 31, 2021
ಈ ವೀಡಿಯೋವನ್ನು ಸುಸಂತ ನಂದಾ ಎಎಫ್‍ಎಸ್ ಅವರು ಟ್ವಟ್ಟರ್ ನಲ್ಲಿ ‘ಕರ್ಮ’ ಎಂದು ಬರೆದು ಟ್ವೀಟ್ ಮಾಡಿದ್ದಾರೆ. ಈ ವೀಡಿಯೋವನ್ನು 1.2 ಲಕ್ಷಕ್ಕೂ ಹೆಚ್ಚು ಜನರು ನೋಡಿದ್ದು, 3,000ಕ್ಕೂ ಹೆಚ್ಚು ರೀ ಟ್ವೀಟ್ ಆಗಿದೆ. ಇದನ್ನೂ ಓದಿ: ಕೋಟೆನಾಡಲ್ಲಿ ಅಸ್ಪೃಶ್ಯತೆ, ಕೋಮುವಾದ ವಿರೋಧಿಸಿ 101 ಜನ ಬೌದ್ಧ ಧರ್ಮಕ್ಕೆ ಮತಾಂತರ
That cow is better than that person taking pic????
— Pr ???????? (@PrTox) October 31, 2021
ವೀಡಿಯೋಗೆ ನೆಟ್ಟಿಗರು ನಾಯಿಯನ್ನು ಹಿಂಸಿಸುತ್ತಿದ್ದ ವ್ಯಕ್ತಿಗಿಂತ, ಈ ವೀಡಿಯೋ ಮಾಡಿದವರ ಮೇಲೆ ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ. ಈ ವೀಡಿಯೋ ಮಾಡಿದವರಿಗಿಂತ ಆ ಹಸುವೇ ಉತ್ತಮ ಎಂದು ಕಮೆಂಟ್ ಮಾಡುತ್ತಿದ್ದಾರೆ.
