ಬೀಜಿಂಗ್: ನೂರಾರು ಮಿಲಿಯನ್ ಚೀನಾದ ನಾಗರಿಕರ ವೈಯಕ್ತಿಕ ಡೇಟಾವನ್ನು ಕದ್ದಿರುವುದಾಗಿ ಹೇಳಿಕೊಂಡಿರುವ ಹ್ಯಾಕರ್ ಈಗ ಆ ಮಾಹಿತಿಯನ್ನು ಆನ್‌ಲೈನ್‌ನಲ್ಲಿ ಮಾರಾಟ ಮಾಡುತ್ತಿದ್ದಾರೆ.
ಹ್ಯಾಕರ್ ಆನ್‌ಲೈನ್‌ನಲ್ಲಿ ಪೋಸ್ಟ್ ಮಾಡಿದ 7,50,000 ನಮೂದುಗಳ ಮಾದರಿಯು ನಾಗರಿಕರ ಹೆಸರುಗಳು, ಮೊಬೈಲ್ ಫೋನ್ ಸಂಖ್ಯೆಗಳು, ರಾಷ್ಟ್ರೀಯ ID ಸಂಖ್ಯೆ, ವಿಳಾಸ, ಜನ್ಮದಿನಾಂಕ ಮತ್ತು ಅವರು ಸಲ್ಲಿಸಿದ ಪೊಲೀಸ್ ವರದಿಗಳನ್ನು ತೋರಿಸಿದೆ. ಇದನ್ನೂ ಓದಿ: ಸಾರ್ವಜನಿಕವಾಗಿ ಕುರಾನ್ ಸುಟ್ಟಿದ್ದಕ್ಕೆ ಆಕ್ರೋಶ – ನಾಯಕನ ಕಾರನ್ನು ಅಪಘಾತಗೈದವರು ಅರೆಸ್ಟ್
ಇದು ಬಹು ಮೂಲಗಳಿಂದ ಬಂದಂತೆ ತೋರುತ್ತಿದೆ. ಕೆಲವು ಫೇಸ್‌ ರೆಕಗ್ನಿಷನ್ ಸಿಸ್ಟಮ್‌ನಂತೆ, ಇನ್ನೂ ಕೆಲವು ಜನಗಣತಿ ಡೇಟಾದಂತೆ ಕಂಡುಬರುತ್ತಿವೆ ಎಂದು ಸೈಬರ್‌ಸೆಕ್ಯುರಿಟಿ ಸಂಸ್ಥೆಯ ಇಂಟರ್ನೆಟ್ 2.0ನ ಸಹ-ಸಂಸ್ಥಾಪಕ ರಾಬರ್ಟ್ ಪಾಟರ್ ತಿಳಿಸಿದ್ದಾರೆ.
ಪ್ರಕರಣಕ್ಕೆ ಸಂಬಂಧಿಸಿದ ಒಟ್ಟು ದಾಖಲೆಗಳ ಯಾವುದೇ ಪರಿಶೀಲನೆ ಇಲ್ಲ. ಒಂದು ಬಿಲಿಯನ್ ನಾಗರಿಕರ ಸಂಖ್ಯೆಯ ಬಗ್ಗೆ ನನಗೆ ಸಂದೇಹವಿದೆ ಎಂದು ಅವರು ಹೇಳಿದ್ದಾರೆ. ಇದನ್ನೂ ಓದಿ: ದುಬೈಗೆ ತೆರಳುತ್ತಿದ್ದ ಸ್ಪೈಸ್‌ಜೆಟ್‌ ವಿಮಾನ ಕರಾಚಿಯಲ್ಲಿ ತುರ್ತು ಭೂಸ್ಪರ್ಶ
ಸೋರಿಕೆಯಾದ ಕೆಲವು ಡೇಟಾವು ಎಕ್ಸ್‌ಪ್ರೆಸ್ ಡೆಲಿವರಿ ಬಳಕೆದಾರರ ದಾಖಲೆಗಳಿಂದ ಕಂಡುಬಂದಿದೆ. ಆದರೆ ಇತರ ನಮೂದುಗಳು ಶಾಂಘೈನಲ್ಲಿ ಒಂದು ದಶಕಕ್ಕೂ ಹೆಚ್ಚು ಅವಧಿಯಲ್ಲಿ ಪೊಲೀಸರಿಗೆ ವರದಿಯಾದ ಘಟನೆಗಳ ಸಾರಾಂಶವನ್ನು ಒಳಗೊಂಡಿದೆ.
Live Tv
[brid partner=56869869 player=32851 video=960834 autoplay=true]
