ವಿಕ್ರಮ್ ಪ್ರಭು ಚೊಚ್ಚಲ ಬಾರಿಗೆ ನಿರ್ದೇಶಿಸಿ, ನಿರ್ಮಾಣ ಮಾಡುತ್ತಿರುವ ‘ವೆಡ್ಡಿಂಗ್ ಗಿಫ್ಟ್’ ಚಿತ್ರ ಬಿಡುಗಡೆಯಾಗಲು ತಯಾರಿ ನಡೆಸುತ್ತಿದೆ. ಅದರಂತೆ ಚಿತ್ರದ ಪ್ರಚಾರ ಕಾರ್ಯಕ್ಕೂ ಚಾಲನೆ ನೀಡಿದ್ದು ಅದರ ಮೊದಲ ಭಾಗವಾಗಿ ಡ್ಯುಯೆಟ್ ಸಾಂಗ್ ಒಂದನ್ನು ನೀಡಿ ಚಿತ್ರತಂಡ ಸಿನಿಮಾಗೆ ಆಮಂತ್ರಣ ನೀಡಿದೆ.
‘ರೋಮಾಂಚಕ’ ವಿಡೀಯೋ ಸಾಂಗ್ ಇಂದು ಬಿಡುಗಡೆಯಾಗಿದ್ದು ಕೇಳಲು ಹಿತವಾದ ಡ್ಯುಯೆಟ್ ಸಾಂಗ್ ಎಲ್ಲರ ಮೆಚ್ಚುಗೆ ಪಡೆಯುತ್ತಿದೆ. ಡ್ಯುಯೆಟ್, ರೋಮ್ಯಾಂಟಿಕ್, ಲವ್ ಸಾಂಗ್ ಯಾವ್ದೆ ಜಾನರ್ ಇರಲಿ ಜಯಂತ್ ಕಾಯ್ಕಿಣಿ ಸಾಹಿತ್ಯ ಬರೆದಿದ್ದಾರೆ ಅಂದ್ರೆ ಹಾಡು ಗೆದ್ದಂಗೆ ಲೆಕ್ಕ. ‘ವೆಡ್ಡಿಂಗ್ ಗಿಫ್ಟ್’ ಬಿಡುಗಡೆ ಮಾಡಿರುವ ‘ರೋಮಾಂಚಕ’ ವೀಡಿಯೋ ಸಾಂಗ್ಗೆ ಜಯಂತ್ ಕಾಯ್ಕಿಣಿ ಪದಗಳ ಮೋಡಿಯಿದ್ದು, ಸಂಗೀತ ನಿರ್ದೇಶಕ ಬಾಲಚಂದ್ರ ಪ್ರಭು ಹಿತವಾದ ಸಂಗೀತ ಸಂಯೋಜನೆ ಮಾಡೋದ್ರ ಜೊತೆಗೆ ಹಾಡಿಗೆ ದನಿ ನೀಡಿ ಹಾಡನ್ನು ಶ್ರೀಮಂತಗೊಳಿಸಿದ್ದಾರೆ. ಇವರೆಲ್ಲರ ಪರಶ್ರಮಕ್ಕೆ ಹೈಟ್ ಮಂಜು ಅಷ್ಟೇ ಚೆಂದವಾಗಿ ಕೋರಿಯೋಗ್ರಫಿ ಮಾಡಿ ಗಮನ ಸೆಳೆದಿದ್ದಾರೆ. ಸದ್ಯಕ್ಕಂತೂ ಕೇಳುಗರಿಗೆ ಈ ಹಾಡು ಮೋಡಿ ಮಾಡಿದೆ. ಇದನ್ನೂ ಓದಿ: ಸಿನಿ ಶುಕ್ರವಾರ ‘ವೆಡ್ಡಿಂಗ್ ಗಿಫ್ಟ್’ ಚಿತ್ರದಿಂದ ಪ್ರೇಕ್ಷಕರಿಗೆ ಡ್ಯುಯೆಟ್ ಸಾಂಗ್ ಗಿಫ್ಟ್
ಚಿತ್ರದಲ್ಲಿ ನಿಶಾನ್ ನಾಣಯ್ಯ, ಸೋನು ಗೌಡ ಮುಖ್ಯ ಭೂಮಿಕೆಯಲ್ಲಿ ನಟಿಸುತ್ತಿದ್ದು, ನಟಿ ಪ್ರೇಮ ಲಾಯರ್ ಅವತಾರದಲ್ಲಿ ನಾಲ್ಕು ವರ್ಷಗಳ ಬಳಿಕ ಬಿಗ್ ಸ್ಕ್ರೀನ್ ಮೇಲೆ ಕಾಣಿಸಿಕೊಳ್ಳುತ್ತಿದ್ದಾರೆ. ಡಾರ್ಕ್ ಥ್ರಿಲ್ಲರ್ ಕಥಾಹಂದರ ಚಿತ್ರದಲ್ಲಿದೆ. ನಾನು ಎಂಬುದು ಸಂಸಾರದಲ್ಲಿ ಬಂದಾಗ ಅದು ಯಾವೆಲ್ಲ ರೀತಿ ಬದುಕಿಗೆ ತಿರುವನ್ನು ನೀಡುತ್ತದೆ ಅನ್ನೋದು ಚಿತ್ರದ ಒನ್ ಲೈನ್ ಸ್ಟೋರಿ. ಬೆಂಗಳೂರು, ಮಂಗಳೂರು, ಚಿಕ್ಕಮಗಳೂರಿನಲ್ಲಿ ಚಿತ್ರೀಕರಣ ನಡೆಸಲಾಗಿದ್ದು ಉದಯ್ ಲೀಲಾ ಕ್ಯಾಮೆರಾ ಕಣ್ಣಲ್ಲಿ ಸಿನಿಮಾ ಸೆರೆಯಾಗಿದೆ.
ಚಿತ್ರರಂಗದಲ್ಲಿ ಹಿರಿಯ ನಿರ್ದೇಶಕರ ಜೊತೆಗೆ ಪಳಗಿ ಸಿನಿಮಾ ನಿರ್ದೇಶನದ ಕುಶಲ ಕಲೆಗಳನ್ನು ಕಲಿತು ಮೊದಲ ಬಾರಿ ಡೈರೆಕ್ಟರ್ ಕ್ಯಾಪ್ ತೊಟ್ಟಿದ್ದಾರೆ ವಿಕ್ರಮ್ ಪ್ರಭು. ಕೇವಲ ನಿರ್ದೇಶನ ಮಾತ್ರವಲ್ಲ ವಿಕ್ರಂ ಪ್ರಭು ಫಿಲಂಸ್ ಪ್ರೊಡಕ್ಷನ್ ಹೌಸ್ ನಡಿ ಸಿನಿಮಾ ಕೂಡ ನಿರ್ಮಿಸಿದ್ದಾರೆ.
