ಜೈಪುರ: ಮದುವೆಗೆ ವಧು, ವರ ಹಾಕುವ ಡ್ರೆಸ್, ಆಭರಣಗಳನ್ನು ಡಿಸೈನರ್ ಬಳಿಯಲ್ಲಿ ವಿಶೇಷವಾಗಿ ಮಾಡಿಸುತ್ತಾರೆ. ಆದರೆ ಈ ಮದುವೆಯಲ್ಲಿ ವಧು ತೊಟ್ಟಿರುವ ಡ್ರೆಸ್ ಸಖತ್ ಸ್ಟೆಷಲ್ ಆಗಿದೆ. ವಧು, ತಂದೆ ಬರೆದಿರುವ ಸಾಲುಗಳನ್ನು ಮದುವೆ ದಿನ ಧರಿಸುವ ದುಪಟ್ಟಕ್ಕೆ ಕಸೂತಿ ಮಾಡಲಾಗಿದೆ.
View this post on Instagram
ವಧು ಸುವನ್ಯಾ, ಇತ್ತೀಚೆಗೆ ರಾಜಸ್ಥಾನದಲ್ಲಿ ದಾಂಪತ್ಯಜೀವನಕ್ಕೆ ಕಾಲಿಟ್ಟಿದ್ದಾರೆ. ಮದುವೆಯಲ್ಲಿ ಸಿಂಪಲ್ ಆಗಿರುವ ಉಡುಗೆಯನ್ನು ತೊಟ್ಟುಕೊಂಡಿದ್ದಾರೆ. ವಧುವಿನ ಲೆಹೆಂಗಾವನ್ನು ಡಿಸೈನರ್ ಸುನೈನಾ ಖೇರಾ ವಿನ್ಯಾಸಗೊಳಿಸಿದ್ದಾರೆ. ಸುವನ್ಯಾ ತಂದೆ ಸಾವನ್ನಪ್ಪಿದ್ದಾರೆ. ಆದರೆ ಅವರು ಎಂದಿಗೂ ಜೊತೆಗೆ ಇರುತ್ತಾರೆ ಎನ್ನುವ ಸಂದೇಶವವನ್ನು ವಧು ವಿಭಿನ್ನವಾಗಿ ಸಾರಿದ್ದಾಳೆ. ಇದನ್ನೂ ಓದಿ: ಆಸ್ಕರ್ ವಿಜೇತ ಮೊದಲ ಕಪ್ಪುವರ್ಣೀಯ ಸಿಡ್ನಿ ಪೊಯ್ಟಿಯರ್ ನಿಧನ
View this post on Instagram
ವೀಡಿಯೋದಲ್ಲಿ ಏನಿದೆ?: ಸುವನ್ಯಾ ತೊಟ್ಟಿರುವ ಕೆಂಪು ಬಣ್ಣದ ಲೆಹೆಂಗಾ ಸುಂದರವಾಗಿದೆ. ಲೆಹೆಂಗಾದೊಂದಿಗೆ ನೆಟ್ ರೀತಿ ಕಾಣುವ ಬಟ್ಟೆಯಿಂದ ಮಾಡಿರುವ ಕೆಂಪು ದುಪಟ್ಟ ಧರಿಸಿದ್ದಾರೆ. ಆದರೆ ಇದರಲ್ಲೊಂದು ವಿಶೇಷತೆ ಇದೆ. ಸುವನ್ಯಾ ತಂದೆ ಜನ್ಮದಿನದಂದು ತನಗಾಗಿ ಬರೆದ ಪತ್ರದಲ್ಲಿನ ಸಾಲುಗಳನ್ನು ಮದುವೆ ದಿನ ಧರಿಸುವ ದುಪಟ್ಟದಲ್ಲಿ ಕಸೂತಿ ಮೂಲಕ ಬಳಸಿಕೊಂಡಿದ್ದಾರೆ. ಈ ವೀಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ತಂದೆ, ಮಗಳ ಬಾಂಧವ್ಯಕ್ಕೆ ನೆಟ್ಟಿಗರು ಫಿದಾ ಆಗಿದ್ದಾರೆ. ಇದನ್ನೂ ಓದಿ: ಡ್ರ್ಯಾಗನ್ ಫ್ರೂಟ್ನಲ್ಲಿ ಕೊರೊನಾ!
