ಮುಂಬೈ: ನವರಾತ್ರಿ ಹಿನ್ನೆಲೆಯಲ್ಲಿ ಬಾಲಿವುಡ್ ನಟಿ ಕಾಜೊಲ್ ಮುಂಬೈನಲ್ಲಿ ದುರ್ಗಾ ಪೂಜೆಯನ್ನು ಕುಟುಂಬದೊಂದಿಗೆ ಮಾಡಿದ್ದು, ಫುಲ್ ಮಿಂಚಿದ್ದಾರೆ.
ಕಾಜೊಲ್ ಮುಂಬೈನಲ್ಲಿ ಕುಟುಂಬದೊಂದಿಗೆ ದುರ್ಗಾ ಪೂಜೆಯಲ್ಲಿ ಪಾಲ್ಗೊಂಡಿದ್ದು, ಈ ವೇಳೆ ಸೋದರ ಸಂಬಂಧಿ, ನಟಿ ಶರ್ಬಾನಿ ಮುಖರ್ಜಿ ಅವರನ್ನು ಭೇಟಿಯಾಗಿದ್ದಾರೆ. ಪೂಜೆಯಲ್ಲಿ, ಕಾಜೋಲ್ ಫುಲ್ ದೇಸಿ ಲುಕ್ ನಲ್ಲಿ ಮಿಂಚಿದ್ದಾರೆ. ಕಾಜೊಲ್ ಗುಲಾಬಿ ಬಣ್ಣದ ಸೀರೆಯನ್ನು ಉಟ್ಟಿದ್ದು, ಸಾಂಪ್ರದಾಯಿಕ ಆಭರಣ ಮತ್ತು ಬಿಂದಿಯೊಂದಿಗೆ ದೇಸಿ ಹುಡುಗಿಯಾಗಿ ಫುಲ್ ಮಿಂಚಿದ್ದಾರೆ. ಇದನ್ನೂ ಓದಿ: ಲವ್ ಸ್ಟೋರಿ ಬಹಿರಂಗ ಪಡಿಸಿದ ರಕುಲ್ ಪ್ರೀತಿ ಸಿಂಗ್
View this post on Instagram
ಶರ್ಬನಿ ಮುಖರ್ಜಿ ಸಹ ಸಖತ್ ಆಗಿ ಕಾಣಿಸಿಕೊಂಡಿದ್ದು, ಹಳದಿ ಸೀರೆ ಮತ್ತು ರೆಟ್ರೊ ಬ್ಲೌಸ್ ಹಾಕಿಕೊಂಡಿದ್ದರು. ಈ ವಿಶೇಷ ಫೋಟೋವನ್ನು ಕಾಜೊಲ್ ಇನ್‍ಸ್ಟಾದಲ್ಲಿ ಹಂಚಿಕೊಂಡಿದ್ದಾರೆ.
ಕಾಜೊಲ್ ಹಲವು ವರ್ಷಗಳ ನಂತರ ಓಟಿಟಿಯಲ್ಲಿ ‘ತ್ರಿಭಂಗ’ ಚಿತ್ರದಲ್ಲಿ ಕಾಣಿಸಿಕೊಂಡರು. ಇದು ಕಾಜೊಲ್ ಮೊದಲ ಓಟಿಟಿ ಸಿನಿಮಾವಾಗಿತ್ತು. ಈ ಚಿತ್ರವನ್ನು ಪತಿ ಅಜಯ್ ದೇವಗನ್ ನಿರ್ಮಿಸಿದ್ದು, ‘ತ್ರಿಭಂಗ’ವನ್ನು ರೇಣುಕಾ ಸಹಾನೆ ನಿರ್ದೇಶಿಸಿದ್ದರು. ಈ ಚಿತ್ರದಲ್ಲಿ ತನ್ವಿ ಅಜ್ಮಿ ಮತ್ತು ಮಿಥಿಲಾ ಪಾಲ್ಕರ್ ಕೂಡ ನಟಿಸಿದ್ದರು. ಕಾಜೊಲ್ ಕಳೆದ ವರ್ಷ ‘ದೇವಿ’ ಎಂಬ ಕಿರುಚಿತ್ರದಲ್ಲಿ ನಟಿಸಿದ್ದಾರೆ. ಇದನ್ನೂ ಓದಿ: ಯಡಿಯೂರಪ್ಪ ವ್ಯಕ್ತಿ ಅಲ್ಲ ದೊಡ್ಡ ಶಕ್ತಿ: ಶ್ರೀರಾಮುಲು
ಪ್ರಸ್ತುತ ಕಾಜೊಲ್ ರೇವತಿ ಆಕ್ಷನ್ ಕಟ್ ಹೇಳುತ್ತಿರುವ ‘ದಿ ಲಾಸ್ಟ್ ಹರ್ರೆ’ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಕುರಿತು ಕಾಜೊಲ್ ಇನ್‍ಸ್ಟಾಗ್ರಾಮ್ ನಲ್ಲಿ, ರೇವತಿಯೊಂದಿಗೆ ನನ್ನ ಮುಂದಿನ ಚಿತ್ರವನ್ನು ಘೋಷಿಸಲು ತುಂಬಾ ಸಂತೋಷವಾಗಿದೆ ಎಂದು ಬರೆದು ಪೋಸ್ಟ್ ಮಾಡಿದ್ದರು.
