– ರಕ್ಷಣೆಗೆ ಇಬ್ಬರು ಅಂಗರಕ್ಷಕರ ನೇಮಕ
ಲಕ್ನೋ: ದುಬಾರಿ ಬೆಲೆಯ ಚಿನ್ನದ ಮಾಸ್ಕ್ ಹಾಕಿಕೊಂಡ ಕಾನ್ಪುರದ ಬಾಬಾ ಸಖತ್ ಸುದ್ದಿಯಲ್ಲಿದ್ದಾರೆ. ಇದನ್ನೂ ಓದಿ: 3.5 ಲಕ್ಷ ಮೌಲ್ಯದ ಚಿನ್ನದ ಮಾಸ್ಕ್ ಧರಿಸಿ ಗಮನಸೆಳೆದ ಉದ್ಯಮಿ!
ಗೋಲ್ಡನ್ ಬಾಬಾ ಎಂದೇ ಹೆಸರು ವಾಸಿಯಾಗಿರುವ ಮನೋಜ್ ಸೆಂಗರ್ ಚಿನ್ನದ ಮಾಸ್ಕ್ ಹಾಕಿಕೊಂಡು ಎಲ್ಲರ ಗಮನ ಸೆಳೆಯುತ್ತಿದ್ದಾರೆ. ಕೊರೊನಾ ಸೋಂಕಿನಿಂದ ರಕ್ಷಣೆಯನ್ನು ಪಡೆಯಲು ಎನ್ 95, ಕ್ಲಾಥ್ ಮಾಸ್ಕ್, ಸರ್ಜಿಕಲ್ ಮಾಸ್ಕ್ ಹೀಗೆ ಹಲವು ರೀತಿಯ ಮಸ್ಕ್ಗಳನ್ನು ಹಾಕಿಕೊಳ್ಳುತ್ತಿರುವವರಲ್ಲಿ ಈ ಬಾಬಾ ಕೊಂಚ ವಿಭಿನ್ನವಾಗಿ ಚಿನ್ನದ ಮಾಸ್ಕ್ ಮಾಡಿಕೊಂಡಿದ್ದಾರೆ. ಬರೋಬ್ಬರಿ 5 ಲಕ್ಷ ಬೆಲೆ ಬಾಳುವ ಈ ಮಾಸ್ಕ್ ಮಾಡಿಕೊಂಡು ಸುದ್ದಿಯಾಗಿದ್ದಾರೆ. ಇದನ್ನೂ ಓದಿ: 2.89 ಲಕ್ಷ ಮೌಲ್ಯದ ಚಿನ್ನದ ಮಾಸ್ಕ್ ತಯಾರಿಸಿ ಧರಿಸಿದ ವ್ಯಕ್ತಿ!
Kanpur: Manoj Sengar, also known as ‘Manojanand Maharaj’ -popular as ‘Golden Baba’- gets himself a mask made of gold worth around Rs 5 Lakhs
He says, “2nd COVID wave has been deadly. Many aren’t wearing masks properly. This mask is triple coated, sanitised&can sustain for 3 yrs” pic.twitter.com/Ppzzyvljpw
— ANI UP (@ANINewsUP) July 1, 2021
ಈ ಗೋಲ್ಡನ್ ಮಾಸ್ಕ್ ಅನ್ನು ಸ್ಯಾನಿಟೈಸ್ ಮಾಡಿ 3 ವರ್ಷಗಳ ಕಾಲ ಬಳಸಬಹುದಾಗಿದೆ. ಶಿವ ಶರಣ್ ಮುಖವಾಡ ಎಂದು ಹೆಸರಿಲಾಗಿದೆ. ಮನೋಜ್ ಚಿನ್ನದ ಬಗ್ಗೆ ಒಲವು ಹೊಂದಿದ್ದಾರೆ. ಶಂಖ ಚಿಪ್ಪು, ಮೀನು ಮತ್ತು ಭಗವಾನ್ ಹನುಮನ ಲಾಕೆಟ್ ಹೀಗೆ ಹಲವು ಆಭರಣಗಳನ್ನು ಬಾಬಾ ಧರಿಸುತ್ತಾರೆ. ಸುಮಾರು ಎರಡು ಕಿಲೋಗ್ರಾಂ ತೂಕದ ಚಿನ್ನಾಭರಣಗಳನ್ನು ಬಾಬಾ ಧರಿಸುತ್ತಾರೆ. ಇದನ್ನೂ ಓದಿ: ಬೆಳ್ಳಿ, ಚಿನ್ನ ಆಯ್ತು- ಈಗ ಡೈಮಂಡ್ ಮಾಸ್ಕ್ ಮಾರಾಟ
ಎಲ್ಲರೂ ಮಾಸ್ಕ್ ಧರಿಸಿ ಕೊರೊನಾ ನಿಯಮವನ್ನು ಪಾಲಿಸಿ. ಚಿನ್ನದ ಮೇಲಿನ ಪ್ರೀತಿ ತನಗೆ ಸಮಾಜ ವಿರೋಧಿ ಅಂಶಗಳಿಂದ ಬೆದರಿಕೆಗಳನ್ನು ತಂದುಕೊಟ್ಟಿದೆ. ನಾನು ಎಲ್ಲಾ ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳುತ್ತೇನೆ ಮತ್ತು ನನ್ನನ್ನು ಸಾರ್ವಕಾಲಿಕವಾಗಿ ರಕ್ಷಿಸಲು ಇಬ್ಬರು ಸಶಸ್ತ್ರ ಅಂಗರಕ್ಷಕರನ್ನು ಹೊಂದಿದ್ದೇನೆ ಎಂದು ಮನೋಜ್ ಸೆಂಗರ್ ಹೇಳಿದ್ದಾರೆ.
