ಮಡಿಕೇರಿ: ಕೊಡಗು ಜಿಲ್ಲೆಯ ಯುವಕರಿಬ್ಬರು ರಸ್ತೆಯಲ್ಲಿ ಚಿತ್ರ ಬರೆದು ಸಾರ್ವಜನಿಕರಿಗೆ ಕೊರೊನಾ ಜಾಗೃತಿ ಮೂಡಿಸುತ್ತಿದ್ದಾನೆ.
ಜಿಲ್ಲೆಯಲ್ಲಿ ದಿನದಿಂದ ದಿನಕ್ಕೆ ಸೋಂಕಿತರ ಪ್ರಕರಣಗಳು ಹೆಚ್ಚಾಗುತ್ತಿದೆ. ನಗರ ಪ್ರದೇಶ ಅಲ್ಲದೆ ಗ್ರಾಮೀಣ ಪ್ರದೇಶಗಳಲ್ಲಿಯೂ ಕೊರೊನಾ ಮಾಹಾಮಾರಿ ಹೆಚ್ಚುತ್ತಿದ್ದು, ಜನರು ಮನೆಯಿಂದ ಹೊರಬರಲು ಹಿಂದೇಟು ಹಾಕುತ್ತಿದ್ದಾರೆ. ಈ ಮಧ್ಯೆ ಚಿತ್ರ ಕಲಾವಿದರಿಬ್ಬರು ತನ್ನ ಸ್ವಂತ ಖರ್ಚಿನಲ್ಲಿ ಕೊಡಗು ಜಿಲ್ಲೆಯ ವಿವಿಧೆಡೆ ಹೋಗಿ ರಸ್ತೆಯಲ್ಲಿ ಚಿತ್ರ ಬರೆದು ಸಾರ್ವಜನಿಕರಲ್ಲಿ ಹಾಗೂ ಗ್ರಾಮೀಣ ಪ್ರದೇಶಗಳಲ್ಲಿ ಕೊರೊನಾ ಸೋಂಕಿನ ಬಗ್ಗೆ ಜಾಗೃತಿ ಮೂಡಿಸುವ ಕಾಯಕದಲ್ಲಿ ತೊಡಗಿದ್ದಾನೆ.
ಕೊಡಗು ಜಿಲ್ಲೆಯ ಪೊನ್ನಂಪೇಟೆ ಕಲಾವಿದರಾದ ಗಣಿ ಆಟ್ಸ್ ತಂಡದಿಂದ ಕೊಡಗಿನ ಮಡಿಕೇರಿ, ಗೋಣಿಕೋಪ್ಪ, ಪೊನ್ನಂಪೇಟೆ ಮೂರ್ನಾಡ್ ಸೇರಿದಂತೆ ವಿವಿಧೆಡೆ ಹೋಗಿ ಕೊರೊನಾದ ಬಗ್ಗೆ ಜಾಗೃತಿ ಮೂಡಿಸುತ್ತಿದ್ದಾರೆ.
ಇಂದು ಕೋಡ ಮಡಿಕೇರಿ ನಗರದ ಜನರಲ್ ತಿಮ್ಮಯ್ಯ ವೃತ್ತದ ರಸ್ತೆಯಲ್ಲಿ ಚಿತ್ರವನ್ನು ಬರೆದು ಜನರು ಮಾಸ್ಕ್ ಹಾಕಿ ಕೊರೊನಾ ಓಡಿಸಿ. ನನ್ನ ಮಾಸ್ಕ್ ನನ್ನ ಲಸಿಕೆ ಸಂದೇಶಗಳ ಚಿತ್ರವನ್ನು ಬರೆದು ಜಾಗೃತಿ ಮೂಡಿಸುತ್ತಿದ್ದಾರೆ. ಈ ಯುವಕರ ಸಾಮಾಜಿಕ ಸೇವೆಗೆ ಮಡಿಕೇರಿ ನಗರದ ಟ್ರಾಫಿಕ್ ಪೊಲೀಸರು ಹಾಗೂ ಸಾರ್ವಜನಿಕರು ಮೆಚ್ಚುಗೆ ವ್ಯಕ್ತ ಪಡಿಸಿದ್ದಾರೆ.
