ಈ ವಾರ ಹಲವು ಟಾಸ್ಕ್‌ಗಳಲ್ಲಿ ಬಿಗ್‍ಬಾಸ್ ಮನೆಯ ಸದಸ್ಯರಿಗೆ ಸ್ಕಿಪಿಂಗ್ ಟಾಸ್ಕ್ ಕೂಡ ನೀಡಿದ್ದರು. ಎಲ್ಲರೂ ಗಾರ್ಡನ್ ಏರಿಯದಲ್ಲಿ ಸ್ಕಿಪಿಂಗ್ ಟಾಸ್ಕ್ ಆಡಿದರೆ ಶುಭಾ ಮಾತ್ರ ಡಿಫರೆಂಟ್ ಆಗಿ ಸ್ಟೋರ್ ರೂಮ್‍ನಲ್ಲಿ ಸ್ಕಿಪಿಂಗ್ ಆಡಿದ್ದಾರೆ.
ನಿನ್ನೆ ಎಲ್ಲರೂ ಒಟ್ಟಾಗಿ ಕುಳಿತು ಡೈನಿಂಗ್ ಹಾಲ್‍ನಲ್ಲಿ ಊಟ ಮಾಡುವಾಗ ಶುಭಾ ನಾನು ಜಾಸ್ತಿ ತಿನ್ನುವುದಿಲ್ಲ. ಸ್ಕಿಪಿಂಗ್ ಮಾಡುತ್ತಾ ಜಂಪ್ ಮಾಡಬೇಕು ಅಂತಾ ಮಂಜುಗೆ ಹೇಳುತ್ತಾರೆ. ಆಗ ಮಂಜು ಕ್ಯಾಮೆರಾ ಮುಂದೆ ಹೋಗಿ ಬಿಗ್‍ಬಾಸ್, ಶುಭಾ ಪೂಂಜಾರವರು ಸ್ಕಿಪಿಂಗ್ ಟಾಸ್ಕ್ ಆಡುತ್ತಾರಂತೆ ಹಾಗಾಗಿ ಒಂದು ಅರ್ಧ ಗಂಟೆ ರೆಸ್ಟ್ ಬೇಕು. ಮಾತನಾಡದೇ ಎನರ್ಜಿಯನ್ನು ಸ್ಟೋರ್ ಮಾಡಿಕೊಳ್ಳುತ್ತಿದ್ದಾರೆ. ಇನ್ನೂ ಎನರ್ಜಿ ಸ್ಟೋರ್ ಆಗಬೇಕೆಂದರೆ ನೀವು ಸ್ಟೋರ್ ರೂಮಿಗೆ ಹಾಕಿಕೊಳ್ಳಿ. ಇಷ್ಟು ಹೇಳಿ ನನ್ನ ಎರಡು ಮಾತು ಮುಗಿಸುತ್ತಿದ್ದೇನೆ ಎನ್ನುತ್ತಾರೆ.
ಈ ವೇಳೆ ಶುಭ ಸೋಲೋ ಟಾಸ್ಕ್ ನೀಡುವಂತೆ ಕೇಳಿ ಎಂದು ಹೇಳಿದಾಗ, ಮಂಜು ಜೋರಾಗಿ ಮಾತನಾಡಬೇಡ ಎನರ್ಜಿ ಹೋಗುತ್ತದೆ ಎಂದು ಹೇಳುತ್ತಿದ್ದಂತೆ ಬಿಗ್‍ಬಾಸ್ ಬೆಲ್ ಹೊಡೆಯುತ್ತಾ ಸ್ಟೋರ್ ರೂಮ್ ಬಾಗಿಲು ಓಪನ್ ಮಾಡುತ್ತಾರೆ.
ನಂತರ ಸ್ಟೋರ್ ರೂಮಿಗೆ ಹೋಗಿ ಶುಭ ಬಿಗ್‍ಬಾಸ್ ಇದು ನನ್ನ ಲೆಟರ್ ಗಾಗಿ ಸೋಲೋ ಟಾಸ್ಕ್. ರೋಲ್ ಕ್ಯಾಮೆರಾ ಎಂದು ಸ್ಕಿಪಿಂಗ್ ಆಡುತ್ತಾರೆ. ಈ ವೇಳೆ ರಾಜೀವ್ ಹಾಗೂ ಮಂಜು ಶುಭ ದುಪ್ಪಟ್ಟಾ ಹಿಡಿದು ಸ್ಕಿಪಿಂಗ್ ಆಡಲು ಸಹಾಯ ಮಾಡುತ್ತಾರೆ.
ಸ್ಕಿಪಿಂಗ್ ಆಡುವಾಗ ಮೊದಲೇ ಶುಭಾ ಎಡವುತ್ತಾರೆ. ಆಗ ರಾಜೀವ್ ಮೂರು ಜನ ಆಡಿಸಿದರು ಶುಭಾ ಒಂದೇ ರೌಂಡ್ ಆಡುತ್ತಾರೆ ಎಂದು ರೇಗಿಸುತ್ತಾರೆ.
