ಬಿಗ್‍ಬಾಸ್ ಮನೆಯಲ್ಲಿ ಸ್ಪಧಿಗಳು ಗಾರ್ಡನ್ ಏರಿಯಾ ಮತ್ತು ಅಡುಗೆ ಮನೆಯಲ್ಲಿ ಹೆಚ್ಚು ಸಮಯವನ್ನು ಕಳೆಯುತ್ತಾರೆ ಎಂಬುದು ತಿಳಿದಿರುವ ವಿಷಯವಾಗಿದೆ. ಅಡುಗೆ ಮನೆಯ ಕುರಿತಾಗಿ ಜಗಳ, ಮುನಿಸು ಆಗಿರುವುದನ್ನು ನಾವು ನೋಡಿದ್ದೇವೆ. ಆದರೆ ಬಿಗ್‍ಬಾಸ್ ಮನೆಯ ಸ್ಪರ್ಧಿಗಳು ಒಟ್ಟಾಗಿ ಸೇರಿ ಅಡುಗೆ ಮನೆಯಲ್ಲಿ ಸೇರಿದಾಗ ಆ ಒಂದು ಮಾತನ್ನು ಕೇಳಿ ಸುಮ್ಮನಾಗಿದ್ದಾರೆ.
ಶುಭಾ ಮನೆಯಲ್ಲಿರುವ ಸದಸ್ಯರಲ್ಲಿ ಅತ್ಯಂತ ಕ್ಯೂಟ್ ಸದಸ್ಯೆ ಎಂದು ಹೇಳಿದರೆ ತಪ್ಪಾಗಲಾರದು. ಅವರು ಜಗಳವನ್ನು ಸುಂದರವಾಗಿಯೇ ಮಾಡುತ್ತಾರೆ. ಅವರು ಅಳುವಾಗಲೂ ಕೂಡಾ ಎಲ್ಲೋ ಒಂದು ಕಡೆ ನಗುತ್ತಲೇ ಇರುತ್ತಾರೆ. ಹೀಗಿರುವಾಗ ಈ ಮುಗ್ಧ ಮನಸ್ಸಿನ ಚೆಲುವೆಗೆ ಚಕ್ರವರ್ತಿ ಚಂದ್ರಚೂಡ್ ಮಾತಿನ ಏಟನ್ನು ಕೊಟ್ಟಿದ್ದಾರೆ.
ಹೌದು ಖಾಸಗಿ ವಾಹಿನಿ ತನ್ನ ಇನ್‍ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿರುವ ಅನ್‍ಸೀನ್‍ನಲ್ಲಿ ಮನೆಯವರು ಎಲ್ಲರೂ ಒಟ್ಟಾಗಿ ಸೇರಿ ಚಪಾತಿ ಮಾಡುತ್ತಾ ಇದ್ದರು. ಈ ವೇಳೆ ಎಲ್ಲರೂ ಕಳ್ಳರಂತೆ ಒಂದೊಂದು ಚಪಾತಿಯನ್ನು ಎತ್ತಿಕೊಂಡು ತಿಂದಿದ್ದಾರೆ. ಏ.. ಚಪಾತಿಯನ್ನು ಈಗಾಗಲೇ ಖಾಲಿ ಮಾಡಿದ್ದೀರಾ ಎಂದು ಶುಭಾ ಹೇಳಿದ್ದಾರೆ. ಈ ವೇಳೆ ರಾಜೀವ್ ನೀನು ಸುಳ್ಳು ಹೇಳಬೇಡಾ, ಮೋಸ ಮಾಡಬೇಡಾ ಹಾಗೇ ಹೀಗೆ ಎಂದು ತಮಾಷೆಯಾಗಿ ಶುಭಾ ಅವರಿಗೆ ಹೇಳಿದ್ದಾರೆ. ಈ ವೇಳೆ ಮಧ್ಯಪ್ರವೇಶಿದ ಚಕ್ರವರ್ತಿ, ಶುಭಾ ಮೋಸ ಹೋಗಿ ಬಿಡುತ್ತಾರೆ. ಆದರೆ ಮೋಸ ಮಾಡುವುದಿಲ್ಲ ಬೇಕಾದರೆ ಅವರು ಅನುಭವವನ್ನು ಕೇಳಿ ಎಂದು ಹೇಳಿದ್ದಾರೆ. ಈ ವೇಳೆ ಅಲ್ಲಿದ್ದ ಮನೆ ಮಂದಿ ಕೇಳಿಯೂ ಕೇಳದವರ ಹಾಗೇ ಇದ್ರು.
ಚಕ್ರವರ್ತಿ ಮನೆಗೆ ಎಂಟ್ರಿಕೊಟ್ಟ ದಿನದಿಂದಲೂ ಸುದ್ದಿಯಾಗುತ್ತಿರುವ ಸ್ಪರ್ಧಿಯಾಗಿದ್ದಾರೆ. ಒಂದಲ್ಲಾ ಒಂದು ವಿಚಾರವಾಗಿ ಕಿರಿಕ್ ಮಾಡುತ್ತಲೇ ಇರುತ್ತಾರೆ. ತಮಗೆ ಅನ್ನಿಸಿದ ವಿಚಾರಗಳನ್ನು ನೇರವಾಗಿ ಹೇಳುವ ವ್ಯಕ್ತಿತ್ವವನ್ನು ಹೊಂದಿದ್ದಾರೆ. ಆದರೆ ಶುಭಾ ಅವರಿಗೆ ಮೋಸ ಹೋಗುತ್ತಾರೆ… ಮೋಸ ಮಾಡಲ್ಲ ಎಂದು ಯಾಕೆ ಹೇಳಿದರೂ ಎನ್ನುವ ವಿಚಾರ ಮಾತ್ರ ನಿಗೂಢವಾಗಿದೆ.
