ವಿದ್ಯಾರ್ಥಿಗಳಿಗೆ ಗುಡ್ ನ್ಯೂಸ್ ನೀಡಿದ KSRTC

ಬೆಂಗಳೂರು: ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮ ಕಾಲೇಜು ವಿದ್ಯಾರ್ಥಿಗಳ ಬಸ್ ಪಾಸ್ ಅವಧಿಯನ್ನ ಡಿಸೆಂಬರ್ 31ರವರೆಗೆ ವಿಸ್ತರಿಸುವ ಮೂಲಕ ಗುಡ್ ನ್ಯೂಸ್ ನೀಡಿದೆ.

ನವೆಂಬರ್ 17ರಂದು ಪದವಿ ಕಾಲೇಜಗಳು ಆರಂಭಗೊಂಡ ಹಿನ್ನೆಲೆ 2019-20ರ ಸಾಲಿನಲ್ಲಿ ಪಡೆದ ಬಸ್ ಪಾಸ್ ತೋರಿಸಿ ಸಾರಿಗೆ ವಾಹನಗಳಲ್ಲಿ ಪ್ರಯಾಣಿಸಬಹುದು ಎಂದು ಕೆಎಸ್‍ಆರ್ ಟಿಸಿ ಸೂಚಿಸಿತ್ತು. ಈ ಬಸ್ ಪಾಸ್ ಅವಧಿ ಇಂದಿಗೆ ಕೊನೆಯಾಗಿತ್ತು.

ಕೊರೊನಾ ಕಷ್ಟ ಕಾಲದಲ್ಲಿ ಬಸ್ ಪಾಸ್ ಅವಧಿ ವಿಸ್ತರಿಸಬೇಕೆಂದು ವಿದ್ಯಾರ್ಥಿಗಳು ಒತ್ತಾಯಿಸಿದ್ದರು. ಇದೀಗ 2019-20ರ ಹಳೆಯ ಬಸ್ ಪಾಸ್ ತೋರಿಸಿ ಡಿಸೆಂಬರ್ 31ರವರೆಗೂ ವಿದ್ಯಾರ್ಥಿಗಳು ಉಚಿತವಾಗಿ ಪ್ರಯಾಣಿಸಬಹುದಾಗಿದೆ.