-ರೂಮ್‍ಗಾಗಿ ಅಲೆದಾಟ
ಚಿಕ್ಕಮಗಳೂರು: ನನಗೆ ಯಾವುದೇ ಕೊರೊನಾ ವೈರಸ್ ಇಲ್ಲ. ನನಗೆ ರೂಂ ನೀಡಿ ಎಂದು ಚೀನಾ ಪ್ರವಾಸಿಗನೋರ್ವ ಜಿಲ್ಲೆಯ ಮೂಡಿಗೆರೆ ತಾಲೂಕಿನ ಕೊಟ್ಟಿಗೆಹಾರದಲ್ಲಿ ತಿರುಗಾಡುತ್ತಿದ್ದಾರೆ. ಕೊನೆಗೆ ರೂಂ ಸಿಗದಕ್ಕೆ ಟೆಂಟ್ ಹಾಕಿ ವಿಶ್ರಾಂತಿ ಪಡೆದುಕೊಂಡಿದ್ದಾರೆ.
ಚೀನಾದ ಪುಂಗೀಮ್ ಕರ್ನಾಟಕದ ಪ್ರವಾಸ ಕೈಗೊಂಡಿದ್ದಾರೆ. ಬೆಂಗಳೂರಿನಿಂದ ಚಿಕ್ಕಮಗಳೂರಿಗೆ ಬುಲೆಟ್ ನಲ್ಲಿ ಬಂದಿದ್ದರು. ಪುಂಗೀಮ್ ಮಾಸ್ಕ್ ಧರಿಸದೇ ಓಡಾಡುತ್ತಿದ್ದನ್ನು ಕಂಡು ಸ್ಥಳೀಯರು ಆತಂಕಕ್ಕೊಳಗಾಗಿದ್ದರು. ಸ್ಥಳೀಯರು ಮಾಸ್ಕ್ ನೀಡಿ ಧರಿಸುವಂತೆ ಸಲಹೆ ನೀಡಿದ್ದಾರೆ.
ಪುಂಗೀಮ್ ತಾನು ಚೀನಾದ ಪ್ರಜೆ ಎಂದು ಪರಿಚಯಿಸಿಕೊಳ್ಳುತ್ತಿದ್ದಂತೆ ಹೋಟೆಲ್ ಮಾಲೀಕರು ಹಿಂದೇಟು ಹಾಕಿದ್ದಾರೆ. ಮೂಡಿಗೆರೆ ಪರಿಸರದಲ್ಲಿ ರೂಮ್ ಹುಡುಕಾಡಿ ಬೇಸತ್ತ ಖಾಲಿ ಸ್ಥಳದಲ್ಲಿ ಟೆಂಟ್ ಹಾಕಿಕೊಂಡು ಮಲಗಿದ್ದಾರೆ. ಡೆಡ್ಲಿ ಕೊರೊನಾ ವೈರಸ್ ಮೊದಲಿಗೆ ಚೀನಾದಲ್ಲಿ ಕಾಣಿಸಿಕೊಂಡಿತ್ತು. ಸದ್ಯ ಕೊರೊನಾ ವೈರಸ್ ಭಾರತದಲ್ಲಿ ಮೂವರನ್ನು ಬಲಿ ಪಡೆದುಕೊಂಡಿದೆ.
