ಬೆಂಗಳೂರು: ಬನ್ನಿ ಜೊತೆಯಲ್ಲಿ ಸಿಲ್ಲಿ ಕೆಲಸ ಮಾಡೋಣ ಎಂದು ಚಂದನವನದ ಹಾಟ್ ಬೆಡಗಿ ಐಂದ್ರಿತಾ ರೇ ಅವರು ಹೇಳಿದ್ದಾರೆ.
ಇತ್ತೀಚೆಗೆ ನಟ-ನಟಿಯರು ಹೆಚ್ಚು ಸಾಮಾಜಿಕ ಜಾಲತಾಣದಲ್ಲಿ ಸಖತ್ ಸಕ್ರಿಯವಾಗಿ ಇರುತ್ತಾರೆ. ಅಂತೆಯೇ ನಟಿ ಐಂದ್ರಿತಾ ರೇ ತಮ್ಮ ಇನ್‍ಸ್ಟಾಗ್ರಾಮ್ ನಲ್ಲಿ ಸಖತ್ ಆ್ಯಕ್ಟಿವ್ ಆಗಿ ಇರುತ್ತಾರೆ. ಈಗ ಈ ಚೆಲುವೆ ಅಭಿಮಾನಿಗಳನ್ನು ರಂಜಿಸಲು ಟಿಕ್‍ಟಾಕ್‍ಗೆ ಬಂದಿದ್ದು, ಬನ್ನಿ ಜೊತೆಯಲ್ಲಿ ಸಿಲ್ಲಿ ಸೇರಿ ಕೆಲಸ ಮಾಡೋಣ ಎಂದಿದ್ದಾರೆ.
https://www.instagram.com/p/B9UjytJFR7U/
ತಮ್ಮ ಮೊದಲ ಟಿಕ್‍ಟಾಕ್ ವಿಡಿಯೋವನ್ನು ತಮ್ಮ ಇನ್‍ಸ್ಟಾಗ್ರಾಮ್‍ನಲ್ಲಿ ಹಂಚಿಕೊಂಡಿರುವ ಐಂದ್ರಿತಾ ರೇ, ಕೊನೆಗೂ ನಾನು ಟಿಕ್‍ಟಾಕ್‍ಗೆ ಬಂದಿದ್ದೇನೆ. ನೀವು ಕೂಡ ಟಿಕ್‍ಟಾಕ್‍ಗೆ ಬಂದು ನನ್ನ ಜೊತೆ ಸೇರಿಕೊಳ್ಳಿ. ಟಿಕ್‍ಟಾಕ್‍ನಲ್ಲಿ ನಾವೆಲ್ಲ ಸೇರಿಕೊಂಡು ಸಿಲ್ಲಿ ಕೆಲಸ ಮಾಡೋಣ. ಟಿಕ್‍ಟಾಕ್‍ನಲ್ಲಿ ನನ್ನ ಫಾಲೋ ಮಾಡಿ ಎಂದು ಬರೆದುಕೊಂಡಿದ್ದಾರೆ. ಐಂದ್ರಿತಾ ರೇ ಅವರ ಟಿಕ್‍ಟಾಕ್ ನೋಡಿದ ಅವರ ಅಭಿಮಾನಿಗಳು ಫಿದಾ ಆಗಿದ್ದಾರೆ.
https://www.instagram.com/p/B9R0tSql6Xp/
ಐಂದ್ರಿತಾ ರೇ ಅವರು ತಾನು ಮಾಡಿರುವ ಮೊದಲ ಟಿಕ್‍ಟಾಕ್ ವಿಡಿಯೋದಲ್ಲಿ ಇಂಗ್ಲಿಷ್ ಹಾಡಿಗೆ ಮಾದಕವಾಗಿ ಹೆಜ್ಜೆ ಹಾಕಿದ್ದು, ಅವರ ಅಭಿಮಾನಿಗಳಿಗೆ ಸಖತ್ ಇಷ್ಟವಾಗಿದೆ. ಆಸ್ಟ್ರೇಲಿಯಾದ ಗಾಯಕಿ ಟೋನ್ಸ್ ಆಂಡ್ ಐ ಹಾಡಿರುವ ಮಂಕಿ ಡ್ಯಾನ್ಸ್ ಹಾಡಿಗೆ ರೇ ಅವರು ಡ್ಯಾನ್ಸ್ ಮಾಡಿದ್ದು, ತಮ್ಮ ಮೊದಲ ಟಿಕ್‍ಟಾಕ್ ಅನ್ನು ತಮ್ಮ ಇನ್‍ಸ್ಟಾದಲ್ಲಿ ಹಾಕಿಕೊಂಡು ಸಂತಸ ವ್ಯಕ್ತಪಡಿಸಿದ್ದಾರೆ.
ನಟ ದಿಂಗತ್ ಅವರನ್ನು ಮದುವೆಯಾದ ನಂತರ ಸ್ವಲ್ಪ ಸಿನಿಮಾಗಳಿಂದ ದೂರವಿರುವ ಐಂದ್ರಿತಾ ರೇ, ಸದ್ಯಕ್ಕೆ ಖಾಸಗಿ ವಾಹಿನಿಯೊಂದರಲ್ಲಿ ಪ್ರಾಸರವಾಗಲಿರುವ ದಿ ಕ್ಯಾಸಿನೋ ಎಂಬ ಕಾರ್ಯಕ್ರಮದಲ್ಲಿ ನಿರತರಾಗಿದ್ದಾರೆ. ಬಣ್ಣ ಬಣ್ಣದ ಸೆಟ್‍ನಲ್ಲಿ ಹೊಳಿ ಹಚ್ಚಿಕೊಂಡು ಐಂದ್ರಿತಾ ರೇ ಅವರು ಈ ಕಾರ್ಯಕ್ರಮದಲ್ಲಿ ಸಖತ್ ಹಾಟ್ ಆಗಿ ಕಾಣಿಸಿಕೊಳ್ಳಲಿದ್ದಾರೆ.
https://www.instagram.com/p/B84GWBKF5mY/
ಇದಕ್ಕೂ ಮುನ್ನ ತಮ್ಮ ಇನ್‍ಸ್ಟಾಗ್ರಾಮ್‍ನಲ್ಲಿ ತಮ್ಮ ಪತಿ ದಿಂಗತ್ ಅವರು, ಐಂದ್ರಿತಾ ರೇ ಸೀರೆ ನೆರಿಗೆಯನ್ನು ಸರಿ ಮಾಡುತ್ತಿರುವ ವಿಡಿಯೋವನ್ನು ಹಂಚಿಕೊಂಡು, ಪಂಚರಂಗಿ ಚಿತ್ರದಲ್ಲಿ ಯಾರಿಗೆ ಸೀರೆ ಉಡಿಸುವ ದೃಶ್ಯ ಇಷ್ಟವಾಗಿತ್ತೋ ಅವರೆಲ್ಲರೂ ನೋಡಿ ಯಾರು ನನಗೆ ಸೀರೆ ಉಡಿಸುತ್ತಿದ್ದಾರೆ ಎಂದು ಬರೆದುಕೊಂಡಿದ್ದರು.
