2014ರಲ್ಲಿ ತೆರೆಕಂಡು ಯಶಸ್ಸು ಗಳಿಸಿದ ‘6-5 = 2′ ಎಂಬ ಹಾರಾರ್ ಸಿನಿಮಾ ನಿಮಗೆ ನೆನಪಿರಬಹುದು. ಅದೇ ಚಿತ್ರದ ನಿರ್ದೇಶಕ ಮತ್ತೆ ಸಸ್ಪೆನ್ಸ್ ಆ್ಯಂಡ್ ರೊಮ್ಯಾಂಟಿಕ್ ಸಬ್ಜೆಕ್ಟ್ ಜೊತೆಗೆ ಕಂ ಬ್ಯಾಕ್ ಮಾಡಿದ್ದಾರೆ. ಆ ಚಿತ್ರದ ಹೆಸರೇ `ದಿಯಾ’.
ಸೋಶಿಯಲ್ ಮೀಡಿಯಾದಲ್ಲಿ ಟ್ರೈಲರ್ ಮೂಲಕ ಗಮನ ಸೆಳೆದಿರೋ ಈ ಚಿತ್ರ ನಿರ್ದೇಶಕರಿಗೆ ಮತ್ತೊಂದು ಗೆಲುವಿನ ಕಿರೀಟ ನೀಡೋದು ಖಂಡಿತ ಅಂತಿದ್ದಾರೆ ಟ್ರೈಲರ್ ಮೆಚ್ಚಿದ ಸಿನಿ ಮಂದಿ. ‘6-5 =2’ ಚಿತ್ರ ನಿರ್ದೇಶಿಸಿ ಗೆದ್ದಿದ್ದ ಅಶೋಕ್ ಕೆ.ಎಸ್ ಆರು ವರ್ಷದ ಬಳಿಕ ಮತ್ತೆ ಹೊಸ ಕಥೆ ಹೇಳಲು ಹೊಸ ತಂಡದೊಂದಿಗೆ ಬಂದಿದ್ದಾರೆ.
ಮೊದಲ ಸಿನಿಮಾದಲ್ಲಿ ಹಾರಾರ್ ಎಲಿಮೆಂಟ್‍ನಿಂದ ಪ್ರೇಕ್ಷಕರನ್ನು ಬೆಚ್ಚಿ ಬೀಳಿಸಿದ್ದ ಅಶೋಕ್ `ದಿಯಾ’ ಚಿತ್ರದಲ್ಲಿ ರೊಮ್ಯಾಂಟಿಕ್ ಸಬ್ಜೆಕ್ಟ್ ಜೊತೆಗೆ ಪ್ರೇಕ್ಷಕರಿಗೆ ಸಸ್ಪೆನ್ಸ್ ಆ್ಯಂಡ್ ಥ್ರಿಲ್ ನೀಡೋಕೆ ಬಂದಿದ್ದಾರೆ. ಚಿತ್ರದ ಟ್ರೈಲರ್ ಎಲ್ಲರನ್ನು ಇಂಪ್ರೆಸ್ ಮಾಡಿದ್ದು, ದೀಕ್ಷಿತ್, ಖುಷಿ, ಪೃಥ್ವಿ ಅಂಬರ್, ಪವಿತ್ರ ಲೋಕೇಶ್ ಚಿತ್ರದ ಮುಖ್ಯ ಭೂಮಿಕೆಯಲ್ಲಿ ನಟಿಸಿದ್ದಾರೆ. ಫೆ. 7ಕ್ಕೆ ಚಿತ್ರ ಬಿಡುಗಡೆಯಾಗುತ್ತಿದ್ದು, ಈ ಚಿತ್ರ ಯಾವ ರೀತಿ ಪ್ರೇಕ್ಷಕರಿಂದ ಪ್ರತಿಕ್ರಿಯೆ ಪಡೆದುಕೊಳ್ಳುತ್ತೆ ಅನ್ನೋದನ್ನ ಕಾದು ನೋಡಬೇಕು.
