ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿ ಟ್ವಿಟ್ಟರ್ ನಲ್ಲಿ ಅತಿಹೆಚ್ಚು ಮಂದಿ ಅಭಿಮಾನಿಗಳನ್ನು ಹೊಂದಿದ್ದಾರೆ. ಈ ಪೈಕಿ ಶೇ.60 ನಕಲಿ ಖಾತೆಗಳು ಎಂದು ವರದಿಯೊಂದು ಹೇಳಿದೆ. ಟ್ವಿಪ್ಲೊಮಸಿ ಸಂಸ್ಥೆ ನಡೆಸಿದ ಅಧ್ಯಯನದಿಂದ ಈ ಮಾಹಿತಿ ಹೊರ ಬಂದಿದೆ.
ಟ್ವಿಪ್ಲೊಮಸಿ ಅಂತರಾಷ್ಟ್ರೀಯ ಸಂಸ್ಥೆಗಳು ಮತ್ತು ಸರ್ಕಾರಗಳಿಗೆ ಡಿಜಿಟಲ್ ತಂತ್ರಜ್ಞಾನ ಮತ್ತು ಅವುಗಳ ನಿರ್ವಹಣೆ ಹಾಗೂ ಅಭಿವೃದ್ಧಿ ಬಗ್ಗೆ ಸಲಹೆ ನೀಡುವ ಸಂಸ್ಥೆಯಾಗಿದೆ. ಈ ಸಂಸ್ಥೆಯ ವರದಿಯ ಪ್ರಕಾರ, ಪ್ರಧಾನಿ ನರೇಂದ್ರ ಮೋದಿಯ 4,09,93,053 ಅನುಯಾಯಿಗಳಲ್ಲಿ 2,47,99,527 ಮಂದಿ ಅನುಯಾಯಿಗಳು ನಕಲಿ ಮತ್ತು 16,191,426 ಖಾತೆಗಳು ಅಧಿಕೃತ ಎಂದು ಹೇಳಿದೆ.
World Leaders and their Fake followers
Some of the most followed world leaders and their share of bot followers as determined by https://t.co/TdNIomSdNt. Graphics prepared by @Saosasha @gzeromedia#DigitalDiplomacy pic.twitter.com/viid9ZTReV
— Twiplomacy #DigitalDiplomacy (@Twiplomacy) February 21, 2018
ಕೇವಲ ಪ್ರಧಾನಿ ನರೇಂದ್ರ ಮೋದಿ ಮಾತ್ರವಲ್ಲದೇ ವಿಶ್ವದ ಪ್ರಮುಖ ನಾಯಕರು ನಕಲಿ ಫಾಲೋವರ್ಸ್ ಹೊಂದಿದ್ದಾರೆ. ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ಗೆ ಶೇ.37 ನಕಲಿ ಅನುಯಾಯಿಗಳಿದ್ದಾರೆ. ಅವರ 4,89,39,948 ಫಾಲೋವರ್ಸ್ ನಲ್ಲಿ 3,59,80,870 ಅಸಲಿ ಮತ್ತು 1,24,45,604 ನಕಲಿ ಖಾತೆಗಳ ಮೂಲಕ ಫಾಲೋ ಮಾಡಲಾಗುತ್ತಿದೆ ಎಂದು ವರದಿ ಹೇಳಿದೆ.
ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ತಮ್ಮ ಅಧಿಕೃತ ಟ್ವಿಟ್ಟರ್ ಹ್ಯಾಂಡಲ್ನ 3,696,460 ಫಾಲೋವರ್ಸ್ ಪೈಕಿ 1,715,634 ನಕಲಿ ಎಂದು ಕಂಪನಿ ತಿಳಿಸಿದೆ. ಪೋಪ್ ಫ್ರಾನ್ಸಿಸ್ ಅವರಿಗೆ ಶೇ.59 ಮಂದಿ ನಕಲಿ ಅಭಿಮಾನಿಗಳಿದ್ದಾರೆ.
