ನೆಲಮಂಗಲ: ಬಿಸಿಲಿನ ಧಗೆಗೆ ಮಗುವಿಗೆ ಕುಡಿಸಲು ಬ್ಯಾಗ್‍ನಲ್ಲಿ ಇಟ್ಟಿದ್ದ ಹಾಲಿನ ಬಾಟಲ್ ಕದ್ದು ವಾನರ ಕುಡಿದಿರುವ ಘಟನೆ ಬೆಂಗಳೂರು ಹೊರವಲಯ ನೆಲಮಂಗಲ ತಾಲೂಕಿನ ಶಿವಗಂಗೆಯಲ್ಲಿ ನಡೆದಿದೆ.
ಮಗುವಿನ ಹಾಲಿನ ಬಾಟಲ್ ಹಿಡಿದು ಕೋತಿಯೊಂದು ಹಾಲನೇಲ್ಲಾ ಖಾಲಿ ಖಾಲಿ ಮಾಡಿರುವುದನ್ನು ಸ್ಥಳದಲ್ಲಿರುವವರು ವಿಡಿಯೋ ಮಾಡಿಕೊಂಡಿದ್ದಾರೆ. ಆ ವಿಡಿಯೋದಲ್ಲಿ ಕೋತಿಯೊಂದು ಬಾಟಲಿನಲ್ಲಿ ಹಾಲು ಕುಡಿಯುತ್ತಿರುವುದನ್ನು ಕಾಣಬಹುದಾಗಿದೆ.
ಈಗಾಗಲೇ ದಕ್ಷಿಣ ಕಾಶಿ ಶಿವಗಂಗೆಯಲ್ಲಿ ನೀರಿಲ್ಲದೆ ಪರದಾಟ ಪ್ರಾರಂಭವಾಗಿದೆ. ನೀರಿನ ಅಭಾವ ಪ್ರಾರಂಭದಲ್ಲಿ ಪ್ರಾಣಿಗಳಿಗೆ ತಟ್ಟಿದೆ. ಹೀಗಾಗಿ ಬೇಸಿಗೆ ಆರಂಭದಲ್ಲೇ ನೀರಿಗೆ ಹಾಹಾಕಾರ ಎನ್ನುವಂತಾಗಿದೆ. ಆದ್ದರಿಂದ ಪ್ರಾಣಿಪ್ರಿಯರು ಕೋತಿಗಳಿಗೆ ಸಹಕರಿಸಬೇಕೆಂದು ಪ್ರವಾಸಿಗರು ಹೇಳುತ್ತಿದ್ದಾರೆ.
