ಬೆಂಗಳೂರು: ಮಗನ ಹುಟ್ಟುಹಬ್ಬಕ್ಕೆ ಮತಗಟ್ಟೆ ತೋರಿಸಿ ಗಿಫ್ಟ್ ನೀಡಿದ್ದಾರೆ. ಬೆಂಗಳೂರಿನ ಮಹಾಲಕ್ಷ್ಮಿ ಲೇಔಟ್ ನ ಮತಗಟ್ಟೆಯಲ್ಲಿ ಕಿರಣ್ ಇಂದು ಹುಟ್ಟುಹಬ್ಬ ಆಚರಿಸಿಕೊಂಡಿದ್ದಾನೆ.
ಮಗನ ಹುಟ್ಟುಹಬ್ಬದ ದಿನವೇ ಚುನಾವಣೆ ಇರೋದರಿಂದ ಪುತ್ರನನ್ನು ತಮ್ಮ ಜೊತೆಗೆ ಪೋಷಕರು ಕರೆದುಕೊಂಡು ಬಂದಿದ್ದರು. ಪುತ್ರನಿಗೆ ಮತದಾನ, ಮತಗಟ್ಟೆಯನ್ನು ಕಿರಣ್ ನಿಗೆ ಪರಿಚಯಿಸಲಾಯ್ತು. ಪಂಚೆ ತೊಟ್ಟು ಬಂದಿದ್ದ ಕಿರಣ್ ಮತಗಟ್ಟೆ ತುಂಬಾ ಓಡಾಡಿದ್ದಾನೆ. ಬರ್ತ್ ಡೇ ದಿನ ಅವನಿಗೆ ಮತಗಟ್ಟೆ ತೋರಿಸಿದ್ದೇವೆ. ಮಗ ಒಳ್ಳೆಯ ಪ್ರಜೆಯಾಗಬೇಕು. ಅದಕ್ಕಾಗಿ ಹುಟ್ಟಿದ ಹಬ್ಬವನ್ನು ಈ ರೀತಿ ಸ್ಪೆಷಲ್ ಆಚರಣೆ ಮಾಡುತ್ತಿದ್ದೇವೆ ಅಂತಾ ಪೋಷಕರ ಹೇಳಿದ್ದಾರೆ.
15 ವಿಧಾನಸಭಾ ಕ್ಷೇತ್ರಗಳಿಗೆ ಇಂದು ಉಪಚುನಾವಣೆ ನಡೆಯುತ್ತಿದ್ದು, ಮತದಾನ ಪ್ರಕ್ರಿಯೆ ಆರಂಭಗೊಂಡಿದೆ. ಕ್ಷೇತ್ರದ ಮತದಾರರು ಸಹ ಹುಮ್ಮಸ್ಸಿನಿಂದ ತಮ್ಮ ಹಕ್ಕನ್ನು ಚಲಾಯಿಸುತ್ತಿದ್ದಾರೆ. ನಿಮ್ಮ ಕ್ಷೇತ್ರದಲ್ಲಿ ಚುನಾವಣೆ ನಡೆಯುತ್ತಿದ್ದರೆ, ತಪ್ಪದೇ ವೋಟ್ ಮಾಡಿ.
