ಭೋಪಾಲ್: ನೋಡ ನೋಡುತ್ತಲೇ ಸವಾರನೊಬ್ಬ ಬೈಕ್ ಜೊತೆಗೆ ನದಿಗೆ ಬಿದ್ದ ಘಟನೆ ಮಧ್ಯಪ್ರದೇಶದ ಖಾರ್ಗೋನ್ ರಸ್ತೆಯಲ್ಲಿ ನಡೆದಿದೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಅದೃಷ್ಟವಶಾತ್ ಸವಾರ ಪ್ರಾಣಾಪಾಯದಿಂದ ಪಾರಗಿದ್ದಾನೆ. ನದಿಗೆ ಬಿದ್ದ ತಕ್ಷಣವೇ ಸ್ಥಳದಲ್ಲಿದ್ದ ಜನರು ಆತನನ್ನು ರಕ್ಷಿಸಿದ್ದಾರೆ. ಈ ದೃಶ್ಯವನ್ನು ಸ್ಥಳೀಯರೊಬ್ಬರು ತಮ್ಮ ಮೊಬೈಲ್‍ನಲ್ಲಿ ಸೆರೆ ಹಿಡಿದು, ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟಿದ್ದಾರೆ.
#WATCH Madhya Pradesh: A biker was swept away while crossing a flooded road in Khargone. He was later rescued by locals. (02.07.19) pic.twitter.com/uXYK0HlhuL
— ANI (@ANI) July 3, 2019
ವಿಡಿಯೋದಲ್ಲಿ ಏನಿದೆ?:
ನದಿಯ ಸೇತುವೆ ಹತ್ತಿ ನೀರು ಹೋಗುತ್ತಿರುತ್ತದೆ. ಈ ವೇಳೆ ಕೆಲವರು ಬೈಕ್, ಎತ್ತಿನ ಬಂಡಿ ಹಾಗೂ ಸೈಕಲ್ ಮೇಲೆ ಹೋಗುತ್ತಿರುತ್ತಾರೆ. ಆಗ ನೀರಿನ ಹರಿವು ವೇಗವಾಗಿದ್ದರಿಂದ ಓರ್ವ ಸವಾರ ಸೇತುವೆ ಮೇಲಿಂದ ಬೈಕ್ ಸಮೇತ ಕೆಳಗೆ ಬೀಳುತ್ತಾನೆ. ಬಳಿಕ ಅಲ್ಲಿಂದ ಎದ್ದು, ಸ್ಥಳೀಯರ ಸಹಾಯದಿಂದ ನದಿಯಿಂದ ಹೊರಗೆ ಬಂದಿದ್ದಾನೆ.
Bhopal: Rain lashes the state capital bringing respite from heat; Ajay Shukla, Scientist, IMD, says, "monsoon has arrived in almost the entire #MadhyaPradesh today except Gwalior and Chambal division. Prediction is that monsoon will cover the entire state within the next 2 days" pic.twitter.com/zEAMDyBIpm
— ANI (@ANI) July 3, 2019
ಮಧ್ಯಪ್ರದೇಶದಲ್ಲಿ ಮಾನ್ಸೂನ್ ಅಬ್ಬರ ಜೋರಾಗಿದ್ದು, ಇಂದೋರ್, ಭೋಪಾಲ್, ಜಬಲ್‍ಪುರ್ ಸೇರಿದಂತೆ ವಿವಿಧೆಡೆ ಎಚ್ಚರಿಕೆ ನೀಡಲಾಗಿದೆ. ಬುಧವಾರ 1 ರಿಂದ 2 ಸೆಂ.ಮೀ ಮಳೆಯಾಗುವ ಸಾಧ್ಯತೆಯಿದೆ. ಗುರುವಾರ ಕೂಡ ವರುಣನ ಆರ್ಭಟ ಮುಂದುವರಿಯಲಿದ್ದು, 3 ಸೆಂ.ಮೀ. ಮಳೆಯಾಗಲಿದೆ ಎಂದು ಭಾರತೀಯ ಹವಾಮಾನ ಇಲಾಖೆಯ ವಿಜ್ಞಾನಿ ಅಜಯ್ ಶುಕ್ಲಾ ತಿಳಿಸಿದ್ದಾರೆ.
ಭಾರೀ ಮಳೆಯಿಂದ ಮಧ್ಯಪ್ರದೇಶದ ಕೆಲವೆಡೆ ರಸ್ತೆ ಸಂಚಾರ ಅಸ್ತವ್ಯಸ್ತಗೊಂಡಿದೆ. ಹೀಗಾಗಿ ಗುಡ್ಡಗಾಡು ಪ್ರದೇಶದಲ್ಲಿ ವಾಸಿಸುವ ಬುಡಕಟ್ಟು ಜನಾಂಗದವರು ಪರದಾಡುವಂತಾಗಿದೆ.
