ಬೆಂಗಳೂರು: ದಕ್ಷಿಣ ಭಾರತದಲ್ಲಿ ಪ್ರಧಾನಿ ನರೇಂದ್ರ ಮೋದಿಗೆ ಕರ್ನಾಟಕವೇ ಫೇವರೇಟ್ ಆಗಿದೆ. 25 ಸ್ಥಾನ ಕೊಟ್ಟ ಕರ್ನಾಟಕಕ್ಕೆ ಮೋದಿ ಬಂಪರ್ ಗಿಫ್ಟ್ ಕೊಡಲು ತಯಾರಿ ನಡೆಸಿದ್ದಾರೆ ಎಂಬುದಾಗಿ ಪಕ್ಷದ ಮೂಲಗಳು ತಿಳಿಸಿವೆ.
ಹೌದು. ಕರ್ನಾಟಕಕ್ಕೆ ಒಂದಲ್ಲ, ಎರಡಲ್ಲ, ಈ ಬಾರಿ 4 ರಿಂದ 5 ಸಚಿವ ಸ್ಥಾನ ಸಿಗುವ ಸಾಧ್ಯತೆಗಳಿವೆ. ಜಾತಿ ಸಮೀಕರಣದಲ್ಲಿ ಸಚಿವ ಸ್ಥಾನ ಹಂಚಿಕೆಯಾಗಲಿದ್ದು ಹಾಲಿ ಸಚಿವರಿಗೆ ಕೊಕ್, ಹೊಸಬರಿಗೆ ಅವಕಾಶ ಕೊಡಲಿದ್ದಾರೆ ಎಂದು ಹೇಳಲಾಗುತ್ತಿದೆ.
ಲಿಂಗಾಯತ, ಒಕ್ಕಲಿಗ, ದಲಿತ ಬ್ರಾಹ್ಮಣ, ಹಿಂದುಳಿದ ಕಾಂಬಿನೇಶನ್‍ನಲ್ಲಿ ಮೋದಿ ಸಚಿವ ಸ್ಥಾನ ನೀಡುವ ಸಾಧ್ಯತೆಗಳಿವೆ ಎನ್ನಲಾಗಿದೆ.
* ಲಿಂಗಾಯತ ಕೋಟಾ- ಸುರೇಶ್ ಅಂಗಡಿ, ಜಿ.ಎಸ್.ಬಸವರಾಜು
* ಒಕ್ಕಲಿಗ ಕೋಟಾ- ಶೋಭಾ ಕರಂದ್ಲಾಜೆ ಹಾಗೂ ಪ್ರತಾಪ್ ಸಿಂಹ
* ದಲಿತ ಕೋಟಾ- ಉಮೇಶ್ ಜಾಧವ್, ಶ್ರೀನಿವಾಸ್ ಪ್ರಸಾದ್
* ಹಿಂದುಳಿದ ವರ್ಗ ಕೋಟಾ- ನಳಿನ್ ಕುಮಾರ್ ಕಟೀಲ್, ಪಿ.ಸಿ.ಮೋಹನ್
* ಬ್ರಾಹ್ಮಣ ಕೋಟಾ- ಪ್ರಹ್ಲಾದ್ ಜೋಷಿ
ಈ ಕಾಂಬಿನೇಶನ್ ನಲ್ಲಿ ಸಚಿವ ಸ್ಥಾನ ಹಂಚಿಕೆ ಬಗ್ಗೆ ರಾಜ್ಯ ಬಿಜೆಪಿಯಲ್ಲಿ ಚರ್ಚೆ ಜೋರಾಗಿದೆ. ಹಾಗಾದರೆ ಮೋದಿ ಕರ್ನಾಟಕಕ್ಕೆ 5 ಸಚಿವ ಸ್ಥಾನ ಕೊಡ್ತಾರಾ ಎಂಬುದನ್ನು ಕಾದು ನೋಡಬೇಕು.
