ಚಂಬಲ್ ಟ್ರೈಲರ್ ಲಾಂಚ್ ಮಾಡಲಿದ್ದಾರೆ ಪವರ್ ಸ್ಟಾರ್!

Public TV
1 Min Read
chambal f

ಬೆಂಗಳೂರು: ನೀನಾಸಂ ಸತೀಶ್ ಖುಷಿಯ ಸುದ್ದಿಯೊಂದನ್ನು ಜಾಹೀರು ಮಾಡಿದ್ದಾರೆ. ಅವರು ನಟಿಸಿರುವ ಚಂಬಲ್ ಚಿತ್ರದ ಬಗ್ಗೆ ಪ್ರೇಕ್ಷಕರು ಕಾತರಗೊಂಡಿರುವಾಗಲೇ ಟ್ರೈಲರ್ ಹೊರಬರುವ ಸಂಗತಿಯನ್ನವರು ಹೇಳಿಕೊಂಡಿದ್ದಾರೆ. ಪ್ರತಿಭಾವಂತ ನಿರ್ದೇಶಕ ಜೇಕಬ್ ವರ್ಗೀಸ್ ನಿರ್ದೇಶನದ ಈ ಚಿತ್ರದ ಟ್ರೈಲರ್ ಇದೇ ತಿಂಗಳ 31ರಂದು ಬಿಡುಗಡೆಯಾಗಲಿದೆ.

ಇದೇ ಗುರುವಾರ ಸಂಜೆ 6 ಗಂಟೆಗೆ ಚಂಬಲ್ ಟ್ರೈಲರ್ ಅನ್ನು ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಬಿಡುಗಡೆಗೊಳಿಸಲಿದ್ದಾರೆ. ಈ ಮೂಲಕ ಪುನೀತ್ ಚಂಬಲ್ ಚಿತ್ರ ತಂಡಕ್ಕೆ ಹೊಸಾ ಹುಮ್ಮಸ್ಸು ತುಂಬಲಿದ್ದಾರೆ.

ಓರ್ವ ಭಿನ್ನವಾಗಿ ಆಲೋಚಿಸುವ ಪ್ರತಿಭಾವಂತ ನಿರ್ದೇಶಕನ ಚಿತ್ರಗಳ ಬಗ್ಗೆ ಪ್ರೇಕ್ಷಕರಲ್ಲೊಂದು ಕುತೂಹಲ ಇದ್ದೇ ಇರುತ್ತದೆ. ಜೇಕಬ್ ವರ್ಗೀಸ್ ಈ ಹಿಂದೆ ಸವಾರಿ ಚಿತ್ರದ ಮೂಲಕ ಚಿತ್ರರಂಗದಲ್ಲಿ ಟಾಕ್ ಕ್ರಿಯೇಟ್ ಮಾಡಿದ್ದವರು. ಆ ಬಳಿಕ ಪೃಥ್ವಿ ಎಂಬ ರಿಯಲಿಸ್ಟಿಕ್ ಚಿತ್ರದ ಮೂಲಕ ಯಶದ ಯಾನ ಮುಂದುವರೆಸಿದ್ದ ಜೇಕಬ್, ಸವಾರಿ-2 ಚಿತ್ರದಲ್ಲಿಯೂ ಪ್ರೇಕ್ಷಕರನ್ನು ಸಂತೃಪ್ತಗೊಳಿಸಿದ್ದರು. ಇಂಥಾ ಜೇಕಬ್ ವರ್ಗೀಸ್ ಅವರ 4ನೇ ಚಿತ್ರ ಚಂಬಲ್. ಈ ಹೆಸರು ಕೇಳಿದರೇನೇ ಚಂಬಲ್ ಕಣಿವೆ ನೆನಪಾಗುತ್ತೆ. ಅಲ್ಲಿನ ಮಾರಾಮಾರಿ ಮತ್ತು ಗ್ಯಾಂಗ್‍ಸ್ಟರ್‍ಗಳು ಕಣ್ಮುಂದೆ ಬರುತ್ತಾರೆ. ಈ ಕಥೆಯೂ ಅಂಥಾದ್ದೇ ಆಂತರ್ಯ ಹೊಂದಿದೆಯಾ ಅಥವಾ ಈ ಹೆಸರಿಗೆ ಹತ್ತಿರವಾದ ಬೇರೊಂದು ಕಥೆ ಹೇಳಿದ್ದಾರಾ ಎಂಬ ಪ್ರಶ್ನೆಯಂತೂ ಪ್ರೇಕ್ಷಕರಲ್ಲಿ ಇದ್ದೇ ಇದೆ.

ಇನ್ನುಳಿದಂತೆ ಚಂಬಲ್ ಚಿತ್ರದ ಮೋಷನ್ ಪೋಸ್ಟರಿನಲ್ಲಿ ನೀನಾಸಂ ಸತೀಶ್ ಅವರ ಲುಕ್ ಗಮನ ಸೆಳೆದಿತ್ತು. ಈ ಹಿಂದಿನ ಯಾವ ಚಿತ್ರದಲ್ಲಿಯೂ ಕಾಣಿಸಿಕೊಳ್ಳದ ಗೆಟಪ್ಪಿನಲ್ಲಿ ಸತೀಶ್ ಮಿಂಚಿದ್ದಾರೆ. ಅದುವೇ ಈ ಚಿತ್ರದಲ್ಲಿ ನೀನಾಸಂ ಪಾತ್ರ ತೀರಾ ಭಿನ್ನವಾಗಿದೆ ಎಂಬ ಸುಳಿವನ್ನೂ ರವಾನಿಸಿತ್ತು. ಇದೀಗ ಟ್ರೈಲರ್ ಮೂಲಕ ಚಂಬಲ್ ಬಗ್ಗೆ ಮತ್ತೊಂದಷ್ಟು ವಿಚಾರಗಳೂ ಹೊರ ಬೀಳಲಿವೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv

Share This Article
Leave a Comment

Leave a Reply

Your email address will not be published. Required fields are marked *