ಬೆಂಗಳೂರು: ರಿಷಬ್ ಶೆಟ್ಟಿ ನಾಯಕನಾಗಿ ನಟಿಸಿರೋ ಬೆಲ್ ಬಾಟಮ್ ಚಿತ್ರ ಹೊಸ ವರ್ಷಾರಂಭದಲ್ಲಿಯೇ ಬಿಡುಗಡೆಗೆ ರೆಡಿಯಾಗಿದೆ. ಇತ್ತೀಚೆಗೆ ಬಿಡುಗಡೆಯಾಗಿರೋ ಟೀಸರ್ ಸೇರಿದಂತೆ ನಾನಾ ಥರದಲ್ಲಿ ಪ್ರೇಕ್ಷಕರನ್ನು ಸೆಳೆದುಕೊಂಡಿರೋ ಈ ಚಿತ್ರದಲ್ಲಿರೋ ಮತ್ತೊಂದು ವಿಶೇಷವೂ ಈಗ ಬಯಲಾಗಿದೆ!
ವಿಚಾರವೇನೆಂದರೆ, ಖ್ಯಾತ ನಿರ್ದೇಶಕ ಯೋಗರಾಜ್ ಭಟ್ ಈ ಚಿತ್ರದಲ್ಲಿ ಒಂದು ಪಾತ್ರ ಮಾಡಿದ್ದಾರೆ. ಬೆಲ್ ಬಾಟಮ್ ಕಾಲದ ಗಡ್ಡಧಾರಿಯಾಗಿ ಭಟ್ಟರು ಕಂಗೊಳಿಸಿದ್ದಾರೆಂಬುದು ಟೀಸರ್ ಮೂಲಕವೇ ಪಕ್ಕಾ ಆಗಿದೆ. ಈ ಹಿಂದೆ ದ್ಯಾವ್ರೆ ಎಂಬ ಚಿತ್ರದಲ್ಲಿ ಮೊದಲ ಸಲ ಯೋಗರಾಜ್ ಭಟ್ ನಟಿಸಿದ್ದರು. ಆ ನಂತರದಲ್ಲಿ ನಟನೆಯ ಬಗ್ಗೆ ಅಷ್ಟಾಗಿ ಅವರು ತಲೆ ಕೆಡಿಸಿಕೊಂಡಂತೆ ಕಾಣಲಿಲ್ಲ.
ಆದರೆ ಬೆಲ್ ಬಾಟಂ ಚಿತ್ರದ ವಿಚಾರದಲ್ಲಿ ಜಯತೀರ್ಥ ಒತ್ತಾಯಕ್ಕೆ ಮಣಿದು ಭಟ್ಟರು ಬಣ್ಣ ಹಚ್ಚಿದ್ದಾರಂತೆ. ಇದು ಅವರು ನಟಿಸಿರೋ ಎರಡನೇ ಚಿತ್ರವಾಗಿಯೂ ದಾಖಲಾಗುತ್ತದೆ. ಈ ಚಿತ್ರದಲ್ಲಿ ದೊಡ್ಡ ತಾರಾಗಣವಿದೆ. ಡಿಟೆಕ್ಟಿವ್ ಆಫಿಸರ್ ಆಗಿ ನಟಿಸಿರೋ ರಿಷಬ್ ಶೆಟ್ಟಿಗೆ ಹರಿಪ್ರಿಯಾ ಜೋಡಿಯಾಗಿದ್ದಾರೆ.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv
