ಅಮೆರಿಕ: ಕೋಣೆಯನ್ನು ಸ್ವಚ್ಛ ಮಾಡು ಎಂದು ಹೇಳಿದ್ದಕ್ಕೆ 11 ವರ್ಷದ ಬಾಲಕನೊಬ್ಬ ತನ್ನ ಅಜ್ಜಿಗೆ ಗುಂಡಿಕ್ಕಿ ಬಳಿಕ ತಾನು ಗುಂಡು ಹಾರಿಸಿಕೊಂಡು ಸಾವನ್ನಪ್ಪಿದ್ದಾನೆ.
ಈ ಘಟನೆ ಅಮೆರಿಕಾದ ಅರಿಝೋನಾದ ಲೀಚ್‍ಫಿಲ್ಡ್ ಪಾರ್ಕ್ ಎಂಬಲ್ಲಿ ಶನಿವಾರ ನಡೆದಿದೆ. ವೈವೋನ್ನೇ ವೂಡಾರ್ಡ್(65) ಎಂಬವರು ತನ್ನ ಮೊಮ್ಮಗನ ಗುಂಡೇಟಿಗೆ ಬಲಿಯಾಗಿದ್ದಾರೆ.
ಈ ಘಟನೆಯನ್ನು ಕುರಿತು ಪೊಲೀಸರು ಹತ್ಯೆಗೆ ಒಳಗಾದ ಅಜ್ಜಿಯ ಪತಿಯನ್ನು ವಿಚಾರಿಸಿದಾಗ ಈ ಅವಘಡ ನಡೆಯುತ್ತಿದ್ದ ವೇಳೆ ಪತ್ನಿ ಮತ್ತು ಮೊಮ್ಮಗ ಮನೆಯಲ್ಲೇ ಇದ್ದರು. ನನ್ನ ಪತ್ನಿ ವೂಡಾರ್ಡ್ ಮೊಮ್ಮಗನ ಬಳಿ ತನ್ನ ಕೋಣೆಯನ್ನು ಸ್ವಚ್ಛಗೊಳಿಸಲು ಕೇಳಿಕೊಂಡಿದ್ದಾಳೆ. ಆದರೆ ಮೊಮ್ಮಗನಿಗೆ ಕೋಣೆ ಸ್ವಚ್ಛ ಮಾಡುವ ವಿಚಾರದಲ್ಲಿ ಹಠ ಮಾಡುತ್ತಿದ್ದ ಎಂದು ಹೇಳಿದ್ದಾರೆ.
ಈ ಗಲಾಟೆ ಆದ ಬಳಿಕ ನಾವಿಬ್ಬರು ಟಿವಿ ನೋಡುತ್ತಿದ್ದೇವು. ಈ ಸಮಯದಲ್ಲಿ ಮನೆಯಲ್ಲಿದ್ದ ಗನ್ ಹಿಡಿದು ಅಜ್ಜಿಯನ್ನು ಹಿಂಬದಿಯಿಂದ ಬಂದು ಶೂಟ್ ಮಾಡಿದ್ದಾನೆ. ಬಳಿಕ ಅದೇ ಗನ್‍ನಿಂದ ತನ್ನನ್ನು ತಾನೇ ಗುಂಡು ಹಾರಿಸಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ ಎಂದು ಅಜ್ಜ ತಿಳಿಸಿದ್ದಾರೆ.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv
