ನವದೆಹಲಿ: ಟೀಂ ಇಂಡಿಯಾ ಆರಂಭಿಕ ಆಟಗಾರ ಶಿಖರ್ ಧವನ್ ಹಾಗೂ ಗೌತಮ್ ಗಂಭೀರ್ ಅವರ ಟ್ವಿಟ್ಟರ್ ಖಾತೆಗಳನ್ನು ಹ್ಯಾಕರ್ಸ್ ಹ್ಯಾಕ್ ಮಾಡಿದ್ದು, ಈ ಕುರಿತು ಇಬ್ಬರು ಆಟಗಾರರು ಖಚಿತಪಡಿಸಿ ಟ್ವೀಟ್ ಮಾಡಿದ್ದಾರೆ.
ಗೌತಮ್ ಗಂಭೀರ್ ಅವರ ಟ್ವಿಟ್ಟರ್ ಖಾತೆ ಹ್ಯಾಕ್ ಮಾಡಿ ಬಾಲಿವುಟ್ ನಟಿ ಹಾಗೂ ಮಾಜಿ ಆಟಗಾರರಾದ ಮೈಕಲ್ ಕ್ಲಾಕ್, ಗಿಲ್ಕ್ರಿಸ್ಟ್, ಕುಮಾರ ಸಂಗಕರ ಅವರಿಗೆ ಟ್ವೀಟ್ ಮಾಡಿದ್ದರು. ಇದನ್ನು ಕಂಡು ಕೂಡಲೇ ಎಚ್ಚೆತ್ತುಕೊಂಡಿರುವ ಗಂಭೀರ್, ತಮ್ಮ ಖಾತೆಯಿಂದ ಬಂದಿರುವ ಸಂದೇಶಗಳನ್ನು ಕಡೆಗಣಿಸುವಂತೆ ಆಟಗಾರರಲ್ಲಿ ಮನವಿ ಮಾಡಿದ್ದಾರೆ. ಅಲ್ಲದೇ ಈ ಕುರಿತು ಟ್ವಿಟ್ಟರ್ ಸಂಸ್ಥೆಗೂ ಮಾಹಿತಿ ನೀಡಿ ಹ್ಯಾಕರ್ ಗಳ ವಿರುದ್ಧ ಕ್ರಮಕೈಗೊಳ್ಳುವಂತೆ ತಿಳಿಸಿದ್ದಾರೆ.
Hi friends, please ignore any messages you may have received from my handle recently. My account was compromised but it has been restored.
— Shikhar Dhawan (@SDhawan25) September 23, 2018
ಸದ್ಯ ಏಷ್ಯಾಕಪ್ ಕ್ರಿಕೆಟ್ ಟೂರ್ನಿಯ ಪ್ರವಾಸದಲ್ಲಿರುವ ಶಿಖರ್ ಧವನ್ ಅವರ ಟ್ವಿಟ್ಟರ್ ಖಾತೆಯೂ ಹ್ಯಾಕ್ ಆಗಿದ್ದು, ಧವನ್ ಕೂಡ ಸ್ನೇಹಿತರಿಗೆ ತಮ್ಮ ಖಾತೆಯಿಂದ ಬರುವ ಟ್ವೀಟ್ಗಳನ್ನು ಕಡೆಗಣಿಸುವಂತೆ ಮನವಿ ಮಾಡಿದ್ದಾರೆ.
ಟೀಂ ಇಂಡಿಯಾದಿಂದ ಹಲವು ಸಮಯದಿಂದ ದೂರವೇ ಇರುವ ಗೌತಮ್ ತಮ್ಮ ಸಾಮಾಜಿಕ ಕಾರ್ಯಗಳಿಂದ ಎಲ್ಲರ ಗಮನ ಸೆಳೆದಿದ್ದರು. ಕೆಲ ದಿನಗಳ ಹಿಂದೆ ತೃತೀಯ ಲಿಂಗಿಗಳ ಹಬ್ಬದಲ್ಲಿ ಭಾಗವಹಿಸಿದ್ದ ಗಂಭೀರ್ ಸ್ವತಃ ಸೀರೆ ಉಟ್ಟು, ಹಣೆಗೆ ಬಿಂದಿ ಇಟ್ಟು ತೃತೀಯ ಲಿಂಗಿಗಳ ರೀತಿಯಲ್ಲಿ ಸಿಂಗಾರಗೊಂಡು ಅವರ ಹಬ್ಬದಲ್ಲಿ ಭಾಗವಹಿಸಿದ್ದರು.
Hi @gilly381 @MClarke23 @KumarSanga2 @IChitrangda my twitter handle seems to be hacked. Please ignore the messages and I fear that hackers may have got out some personal info from you guys as well. Please beware.
— Gautam Gambhir (@GautamGambhir) September 22, 2018
ಎಚ್ಐವಿ ಹಾಗೂ ಏಡ್ಸ್ ವಿರುದ್ಧ ಜಾಗೃತಿ ಮೂಡಿಸುವ ಸಂಸ್ಥೆಯೂ ಈ ಕಾರ್ಯಕ್ರಮವನ್ನು ಆಯೋಜಿಸಿತ್ತು. ಈ ವೇಳೆ ಗೌತಮ್ ಗಂಭೀರ್ ಸಮುದಾಯದಲ್ಲಿ ಎಲ್ಲರನ್ನು ಸಾಮಾನವಾಗಿ ಕಾಣುವಂತೆ ಮನವಿ ಮಾಡಿದ್ದರು. ಗೌತಮ್ ಗಂಭೀರ್ ರ ಕಾರ್ಯಕ್ಕೆ ಹಲವರು ಪ್ರಶಂಸೆ ವ್ಯಕ್ತಪಡಿಸಿದ್ದರು. ಸದ್ಯ ಗೌತಮ್ ಗಂಭೀರ್ ವಿಜಯ್ ಹಾಜರೆ ಟ್ರೋಫಿಯಲ್ಲಿ ದೆಹಲಿ ತಂಡವನ್ನು ಮುನ್ನಡೆಸುತ್ತಿದ್ದಾರೆ.
My earlier tweets regarding my twitter handle being hacked were deleted. This confirms again that my account is hacked. @TwitterIndia @Twitter @TwitterSupport @TwitterSafety need some action from you guys.
— Gautam Gambhir (@GautamGambhir) September 22, 2018
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv
