ರಾಯಚೂರು: ಎಂಜಿನ್ ತಾಂತ್ರಿಕ ತೊಂದರೆಯಿಂದ ಟಂಟಂ ಪಲ್ಟಿಯಾಗಿ 10 ಜನ ಬಾಲಕಾರ್ಮಿಕರು ಸೇರಿ 30 ಕೃಷಿ ಕೂಲಿಕಾರ್ಮಿಕರು ಗಂಭೀರವಾಗಿ ಗಾಯಗೊಂಡ ಘಟನೆ ಜಿಲ್ಲೆಯ ದೇವದುರ್ಗದ ಮಲ್ಲೇದೇವರಗುಡ್ಡದ ಬಳಿ ನಡೆದಿದೆ.
ಈ ಅಪಘಾತದಲ್ಲಿ 7 ಜನರ ಸ್ಥಿತಿ ಚಿಂತಾಜನಕವಾಗಿದೆ. ಎಂಜಿನ್ ತಾಂತ್ರಿಕ ತೊಂದರೆಯಿಂದ ಟಂಟಂ ಪಲ್ಟಿಯಾಗಿದೆ. ಆಕಳಕುಂಪೆಯಿಂದ ಮಲದಕಲ್ ಗೆ ಕೂಲಿ ಕೆಲಸಕ್ಕೆ ಕೃಷಿ ಕೂಲಿಕಾರರನ್ನ ಕರೆದ್ಯೊಯ್ಯುತ್ತಿದ್ದ ವೇಳೆ ಈ ಅಪಘಾತ ಸಂಭವಿಸಿದೆ.
ವಾಹನದಲ್ಲಿ ಹೆಚ್ಚು ಜನರನ್ನ ತುಂಬಿಕೊಂಡು ಹೋಗುತ್ತಿದ್ದರಿಂದ ಒಬ್ಬರ ಮೇಲೆ ಒಬ್ಬರು ಬಿದ್ದು ಗಾಯಗೊಂಡಿದ್ದಾರೆ. ಗಾಯಾಳುಗಳನ್ನ ದೇವದುರ್ಗದ ಅರಕೇರಾ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಚಿಕ್ಕಮಕ್ಕಳನ್ನ ಕೂಲಿಕೆಲಸಕ್ಕೆ ಬಳಸಿಕೊಳ್ಳುವುದು ಅಪರಾಧವಾದರೂ ಕೂಲಿ ಕಾರ್ಮಿಕರನ್ನ ಕೃಷಿ ಕೂಲಿಗೆ ಕರೆದೊಯ್ಯಲಾಗುತ್ತಿತ್ತು. ಈ ಕುರಿತು ಗಬ್ಬೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
