ಕೋಲ್ಕತ್ತಾ: ಇವಿಎಂ ಟ್ಯಾಂಪರಿಂಗ್ (EVM Tampering) ಎಸಗಿದ್ದು ಸಿಸಿಟಿವಿಯನ್ನು (CCTV) ಸೆರೆಯಾದ ಬೆನ್ನಲ್ಲೇ ಪಶ್ಚಿಮ ಬಂಗಾಳದ (West Bengal Election) ಫಾಲ್ಟಾ (Falta) ವಿಧಾನಸಭಾ ಕ್ಷೇತ್ರದ ಎಲ್ಲಾ 285 ಮತಗಟ್ಟೆಗಳಲ್ಲಿ ಮತ್ತೆ ಚುನಾವಣೆ ನಡೆಸಲು ಚುನಾವಣಾ ಆಯೋಗ ಆದೇಶಿಸಿದೆ.
ಈ ಕ್ಷೇತ್ರದ ಮತದಾನ ಮೇ 21 ರಂದು ನಡೆದರೆ ಎಣಿಕೆಯು ಮೇ 24 ರಂದು ನಡೆಯಲಿದೆ. ಇದು ಒಂದನ್ನು ಹೊರತುಪಡಿಸಿ ಉಳಿದ 293 ಕ್ಷೇತ್ರಗಳ ಫಲಿತಾಂಶ ನಾಳೆ ಪ್ರಕಟವಾಗಲಿದೆ.
ಫಾಲ್ಟಾ ಕ್ಷೇತ್ರದಲ್ಲಿ ಏಪ್ರಿಲ್ 29ರಂದು ನಡೆದ ಚುನಾವಣೆಯಲ್ಲಿ ನಡೆದ ಅಕ್ರಮಗಳ ಬಗ್ಗೆ ಚುನಾವಣಾ ಆಯೋಗವು ಸವಿಸ್ತಾರವಾದ ವರದಿಯನ್ನು ನೀಡಿದೆ. ಈ ಅಕ್ರಮಗಳು ಕೇವಲ ಒಂದೆರಡು ಬೂತ್ಗಳಿಗೆ ಸೀಮಿತವಾಗಿರದೇ ಇಡೀ ಕ್ಷೇತ್ರದ ಪ್ರಜಾಪ್ರಭುತ್ವ ಪ್ರಕ್ರಿಯೆಯನನ್ನೇ ವಿಫಲಗೊಳಿಸಿದೆ ಎಂದು ಆಯೋಗವು ಅಭಿಪ್ರಾಯಪಟ್ಟಿದೆ.
#WATCH | A local woman says, “We had voted for TMC, yet they attacked us… TMC’s Israfil Chowkidar has threatened us. We want him to be arrested. We need safety for women.” https://t.co/W2sjgnjd8Q pic.twitter.com/9VTkcsmKoV
— ANI (@ANI) May 2, 2026
ಮರು ಮತದಾನ ಯಾಕೆ?
ಕ್ಷೇತ್ರದ ಸುಮಾರು 60ಕ್ಕೂ ಹೆಚ್ಚು (21%) ಮತಗಟ್ಟೆಗಳಲ್ಲಿ ಇವಿಎಂಗಳ ಬ್ಯಾಲೆಟ್ ಯೂನಿಟ್ ಮೇಲಿದ್ದ ಅಭ್ಯರ್ಥಿಗಳ ಚಿಹ್ನೆಗಳನ್ನು ಮರೆಮಾಡಲು ಕಪ್ಪು ಟೇಪ್ (Black Tape) ಹಚ್ಚಲಾಗಿತ್ತು.
ಕೆಲವು ಕಡೆ ಮತದಾನದ ಗುಂಡಿಗಳ ಮೇಲೆ ಶಾಯಿ ಅಥವಾ ಪರ್ಫ್ಯೂಮ್ ಅನ್ನು ಸುರಿಯುವ ಮೂಲಕ ಮತದಾರರು ತಮಗೆ ಬೇಕಾದ ಅಭ್ಯರ್ಥಿಗೆ ಮತ ಚಲಾಯಿಸದಂತೆ ಅಡ್ಡಿಪಡಿಸಲಾಗಿತ್ತು. ಬಿಜೆಪಿಯ ಚಿಹ್ನೆಯ ಮೇಲೆ ಟೇಪ್ ಹಚ್ಚಲಾಗಿದೆ ಎಂದು ಮುಖ್ಯವಾಗಿ ದೂರುಗಳು ದಾಖಲಾಗಿದ್ದವು.
ಹಲವು ಮತಗಟ್ಟೆಗಳ ಒಳಗೆ ಮತ್ತು ಹೊರಗೆ ಬಿಜೆಪಿ, ಕಾಂಗ್ರೆಸ್, ಕಮ್ಯೂನಿಸ್ಟ್ ಪಕ್ಷದ ಕಾರ್ಯಕರ್ತರು ಮತದಾರರನ್ನು ತಡೆದು ಅವರಿಗೆ ಪ್ರಾಣ ಬೆದರಿಕೆ ಹಾಕಿದ ಪ್ರಕರಣಗಳು ವರದಿಯಾಗಿವೆ. ಮತದಾರರು ಸ್ವತಂತ್ರವಾಗಿ ಮತ ಚಲಾಯಿಸದಂತೆ ಅವರ ಮೇಲೆ ಬೆದರಿಕೆ ಹಾಕಲಾಗಿತ್ತು. ಇದನ್ನೂ ಓದಿ: ಪಶ್ಚಿಮ ಬಂಗಾಳದಲ್ಲಿ ಮತ್ತೆ ಟಿಎಂಸಿ – ಬಿಜೆಪಿ ನಡುವೆ ಘರ್ಷಣೆ
ಹಲವು ಮತಗಟ್ಟೆಗಳಲ್ಲಿ ವೆಬ್ಕಾಸ್ಟಿಂಗ್ (Webcasting) ಗಾಗಿ ಅಳವಡಿಸಿದ್ದ ಸಿಸಿಟಿವಿಗಳು ಕೆಲಸ ಮಾಡುತ್ತಿರಲಿಲ್ಲ ಅಥವಾ ಅವುಗಳ ಫೂಟೇಜ್ ಲಭ್ಯವಿರಲಿಲ್ಲ. ಇದು ಚುನಾವಣಾ ಅಕ್ರಮಗಳಿಗೆ ಮತ್ತಷ್ಟು ಅನುವು ಮಾಡಿಕೊಟ್ಟಿದೆ.
This is what Mamata Banerjee was defending when she spoke up for Jehangir Khan, a criminal contesting on a TMC ticket from Falta in Diamond Harbour.
In several polling booths, the option to vote for the BJP has been blocked using a tape, effectively preventing voters from… pic.twitter.com/sKw3mcdA86
— Amit Malviya (@amitmalviya) April 29, 2026
ಟಿಎಂಸಿ ಬೆಂಬಲಿಗರು ಅರೆಸ್ಟ್
ಚುನಾವಣಾ ಆಯೋಗದ ವರದಿಯ ಪ್ರಕಾರ, ಫಾಲ್ಟಾ ಕ್ಷೇತ್ರದ ತೃಣಮೂಲ ಕಾಂಗ್ರೆಸ್ (TMC) ಅಭ್ಯರ್ಥಿ ಜಹಾಂಗೀರ್ ಖಾನ್ (Jahangir Khan) ಅವರ ಬೆಂಬಲಿಗರು ಅನೇಕ ಮತಗಟ್ಟೆಗಳಲ್ಲಿ ಹಿಂಸಾಚಾರ ಮತ್ತು ಬೆದರಿಕೆಯಲ್ಲಿ ತೊಡಗಿದ್ದರು. ಹಸಿಮ್ನಗರದಂತಹ ಸೂಕ್ಷ್ಮ ಪ್ರದೇಶಗಳಲ್ಲಿ ಮತದಾರರನ್ನು ಹಿಡಿದು ಎಳೆದಾಡಿದ್ದು ಮತ್ತು ಅವರಿಗೆ ಮತದಾನದ ಹಕ್ಕನ್ನು ಚಲಾಯಿಸಲು ಬಿಡದಿದ್ದ ಘಟನೆಗಳು ವಿಡಿಯೋಗಳಲ್ಲಿ ಸೆರೆಯಾಗಿವೆ. ಈ ಕಾರಣಕ್ಕಾಗಿಯೇ ಆಯೋಗವು ಖಾನ್ ಅವರ ಇಬ್ಬರು ನಿಕಟವರ್ತಿಗಳನ್ನು ಕೂಡಲೇ ಬಂಧಿಸುವಂತೆ ಆದೇಶಿಸಿದೆ.
ಬಿಜೆಪಿ ಪ್ರತಿಭಟನೆ
ಬಿಜೆಪಿಯು ಸುಮಾರು 100ಕ್ಕೂ ಹೆಚ್ಚು ಮತಗಟ್ಟೆಗಳಲ್ಲಿ ತನ್ನ ಏಜೆಂಟ್ಗಳನ್ನು ಹೊರಹಾಕಲಾಗಿದೆ ಎಂದು ಆರೋಪಿಸಿತ್ತು. ಮತಯಂತ್ರಗಳ ಮೇಲೆ ಟೇಪ್ ಹಚ್ಚಿರುವುದು ಪತ್ತೆಯಾದ ನಂತರ, ಅಮಿತ್ ಶಾ ಸೇರಿದಂತೆ ಪ್ರಮುಖ ನಾಯಕರು ಆಯೋಗದ ಮೆಟ್ಟಿಲೇರಿದ್ದರು. ಇದು ಕೇವಲ ಒಂದು ಕ್ಷೇತ್ರದ ಚುನಾವಣೆಯಲ್ಲ, ಬದಲಿಗೆ ಪ್ರಜಾಪ್ರಭುತ್ವದ ಕೊಲೆ ಎಂದು ಪ್ರತಿಪಕ್ಷಗಳು ಟೀಕಿಸಿತ್ತು.
ಅಕ್ರಮಕ್ಕೆ ತಡೆ:
ಮೇ 21ರ ಮರು ಮತದಾನಕ್ಕಾಗಿ ಆಯೋಗವು ಈಗಿನಿಂದಲೇ ಸಿದ್ಧತೆ ಆರಂಭಿಸಿದೆ. ಈ ಬಾರಿ ಪ್ರತಿ ಮತಗಟ್ಟೆಯಲ್ಲಿಯೂ ಕೇಂದ್ರ ಸಶಸ್ತ್ರ ಪೊಲೀಸ್ ಪಡೆ (CAPF) ಯನ್ನು ಹೆಚ್ಚಿನ ಸಂಖ್ಯೆಯಲ್ಲಿ ನಿಯೋಜಿಸಲಾಗುತ್ತದೆ. ಬಾಹ್ಯ ವ್ಯಕ್ತಿಗಳು ಮತಗಟ್ಟೆ ಪ್ರವೇಶಿಸದಂತೆ ತಡೆಯಲು ‘ಮೈಕ್ರೋ ಅಬ್ಸರ್ವರ್ಗಳನ್ನು’ ನೇಮಿಸಲಾಗುತ್ತಿದೆ. ಪ್ರತಿ ಮತಗಟ್ಟೆಯ ಒಳಗೆ ಮತ್ತು ಹೊರಗೆ ಚಲನವಲನಗಳನ್ನು ನೇರವಾಗಿ ವೀಕ್ಷಿಸಲು ಅತ್ಯಾಧುನಿಕ ವೆಬ್ಕಾಸ್ಟಿಂಗ್ ವ್ಯವಸ್ಥೆ ಮಾಡಲು ಮುಂದಾಗಿದೆ.
