ಲಕ್ನೋ: ಮುಂಬರುವ ಉತ್ತರ ಪ್ರದೇಶದ ವಿಧಾನಸಭಾ ಚುನಾವಣೆಯಲ್ಲಿ (UP Election 2027 ) ರಾಜ್ಯದ ಸುಮಾರು 50% ಸ್ಥಾನಗಳಲ್ಲಿ ಬ್ರಾಹ್ಮಣ ಅಭ್ಯರ್ಥಿಗಳನ್ನ ಕಣಕ್ಕಿಳಿಸುವ ದೊಡ್ಡ ಲೆಕ್ಕಾಚಾರವನ್ನ ಬಿಎಸ್ಪಿ ಹಾಕಿಕೊಂಡಿದೆ. ಪಕ್ಷದ ಅಧ್ಯಕ್ಷೆ ಮಾಯಾವತಿ (Mayawati) ನೇತೃತ್ವದಲ್ಲಿ ಈ ರಣನೀತಿ ರೂಪಿಸಲಾಗಿದ್ದು, ಇದು ರಾಜ್ಯ ರಾಜಕೀಯದಲ್ಲಿ ಬ್ರಾಹ್ಮಣ ಸಮುದಾಯವನ್ನ ಗಮನಾರ್ಹವಾಗಿ ಆಕರ್ಷಿಸುವ ಪ್ರಯತ್ನವಾಗಿದೆ.
ಪಕ್ಷವು ಪ್ರಸ್ತುತ 403 ವಿಧಾನಸಭಾ ಕ್ಷೇತ್ರಗಳ (Assembly Constituency) ಪೈಕಿ 40 ರಿಂದ 50 ಸ್ಥಾನಗಳಲ್ಲಿ ಬ್ರಾಹ್ಮಣ ಅಭ್ಯರ್ಥಿಗಳನ್ನ (Brahmin Cadidate) ನಿಲ್ಲಿಸುವ ಗುರಿ ಹೊಂದಿದೆ. ಈ ದಿಶೆಯಲ್ಲಿ ಮೊದಲ ಹೆಜ್ಜೆಯಾಗಿ ಜಾಲೌನ್ ಜಿಲ್ಲೆಯ ಮಾಧೌಗಢ್ ಕ್ಷೇತ್ರದಿಂದ ಆಶೀಷ್ ಪಾಂಡೆಯ್ ಅವರನ್ನ ಕ್ಷೇತ್ರ ಪ್ರಭಾರಿಯಾಗಿ ಘೋಷಿಸಲಾಗಿದೆ. ಇವರನ್ನು ನಂತರ ಅಭ್ಯರ್ಥಿಯಾಗಿ ಅಧಿಕೃತಗೊಳಿಸಲು ಯೋಜಿಸಲಾಗಿದೆ. ಇದನ್ನೂ ಓದಿ: ಬಾರಾಮತಿ ಉಪಚುನಾವಣೆಗೆ ಸುನೇತ್ರಾ ಪವಾರ್ ಅಭ್ಯರ್ಥಿಯಾಗಿ ಆಯ್ಕೆ
ಹೋಳಿ ಹಬ್ಬದ ನಂತರ ಕಾನ್ಪುರ ಮಂಡಲದ 27 ವಿಧಾನಸಭಾ ಕ್ಷೇತ್ರಗಳ ಪೈಕಿ ಸುಮಾರು 10 ಕ್ಷೇತ್ರಗಳಲ್ಲಿ ಪ್ರಭಾರಿಗಳನ್ನ ಘೋಷಿಸುವ ಸಾಧ್ಯತೆ ಇದೆ. ಪ್ರಸ್ತುತ ಕಾನ್ಪುರ ಮಂಡಲದಲ್ಲಿ ಬಿಎಸ್ಪಿಗೆ (BSP) ಒಬ್ಬರೂ ಶಾಸಕರಿಲ್ಲ. ರಾಜ್ಯದಲ್ಲಿ ಬಿಎಸ್ಪಿಯ ಏಕೈಕ ಶಾಸಕ ಉಮಾಶಂಕರ್ ಸಿಂಗ್ ಅವರು ಬಲಿಯಾ ಜಿಲ್ಲೆಯ ರಸಡಾ ಕ್ಷೇತ್ರದಿಂದ ಆಯ್ಕೆಯಾಗಿದ್ದಾರೆ.
ಪಕ್ಷವು ಪ್ರತಿ ಕ್ಷೇತ್ರಕ್ಕೆ ನಾಲ್ಕು-ನಾಲ್ಕು ಸಂಭಾವ್ಯ ಅಭ್ಯರ್ಥಿಗಳ ಪ್ಯಾನಲ್ ತಯಾರಿಸಿ, ಅವರನ್ನು ಪರೀಕ್ಷಿಸಿ ಒಬ್ಬರನ್ನು ಪ್ರಭಾರಿಯನ್ನಾಗಿ ನೇಮಿಸುತ್ತಿದೆ. ನಂತರ ಆ ಕ್ಷೇತ್ರದಲ್ಲಿ ದೊಡ್ಡ ಸಮ್ಮೇಳನ ನಡೆಸಿ ಅದೇ ವ್ಯಕ್ತಿಯನ್ನ ಅಭ್ಯರ್ಥಿಯಾಗಿ ಘೋಷಿಸುವ ಯೋಜನೆ ಇದೆ. ಇದರಿಂದ ಬ್ರಾಹ್ಮಣರು, ಮುಸ್ಲಿಮರು ಮತ್ತು ದಲಿತರ ಸಂಯೋಜಿತ ಗಟ್ಟಿ ಬೆಂಬಲ ಪಡೆಯುವ ಗುರಿ ಇದೆ ಎಂದು ಪಕ್ಷದ ಮೂಲಗಳು ತಿಳಿಸಿವೆ. ಇದನ್ನೂ ಓದಿ: ಗೆಳೆಯನ ಮುಂದೆಯೇ 28 ರ ಮಹಿಳೆ ಮೇಲೆ 7 ಕಾಮುಕರಿಂದ ಗ್ಯಾಂಗ್ ರೇಪ್ – 10 ಸಾವಿರ ಕಸಿದು ಎಸ್ಕೇಪ್
ಇತ್ತೀಚಿನ ಯುಜಿಸಿ ವಿವಾದದ ನಂತರ ಉತ್ತರ ಪ್ರದೇಶದಲ್ಲಿ ಬ್ರಾಹ್ಮಣ ಸಮುದಾಯದ ರಾಜಕೀಯ ಪ್ರಾಮುಖ್ಯತೆ ಹೆಚ್ಚಾಗಿದ್ದು, ಬಿಎಸ್ಪಿ ಇದನ್ನು ತನ್ನ ರಣನೀತಿಯಲ್ಲಿ ಬಳಸಿಕೊಳ್ಳುತ್ತಿದೆ. ಪಕ್ಷದ ಹಿರಿಯ ನಾಯಕ ನೌಶಾದ್ ಅಲಿ ಅವರನ್ನು ಕಾನ್ಪುರ, ಆಗ್ರಾ, ಮೆರಠ್ ಮತ್ತು ಲಖನೌ ಮಂಡಲಗಳ ಜವಾಬ್ದಾರಿ ನೀಡಲಾಗಿದೆ. ಮಂಗಳವಾರದಂದು ಮಾಯಾವತಿ ಅವರೊಂದಿಗೆ ನಡೆದ ದೀರ್ಘ ಚರ್ಚೆಯ ನಂತರ ಈ ಯೋಜನೆಗಳು ವೇಗ ಪಡೆದಿವೆ. ಇದನ್ನೂ ಓದಿ: ಉಬ್ಬರವಿಳಿತದ ಪ್ರವಾಹವನ್ನು ವಿಪತ್ತು ಎಂದು ಘೋಷಿಸಿದ ಕೇರಳ – ಯಾಕೆ ಗೊತ್ತಾ?
